曼聯來季最新作客球衣，正式推出喇~~

官方啱啱公佈咗來季作客球衣，各位曼聯迷比較下，感覺主場好啲，定作客呢件好啲? 你哋又會唔會俾錢買呢?

曼聯呢件最新藍黑作客球衣，設計靈感原來係嚟自曼聯幾場核心勝利賽事，包括1948年足總盃決賽，以及1968年歐聯決賽。

呢件新作客球衣，原來中間嘅黑色橫間好有意思呀，佢以藍色為主，配有嘅黑色條紋，一共有11條，即係分別代表曼聯場上每一位球員。

另外，配合全黑色嘅波褲，而係波褲兩邊嘅背部，同樣都有11條藍色條紋，當然意思係同波衫11條條紋一樣喇。