歐聯預告：經驗行先!!!
歐聯又嚟喇！身在C組嘅曼聯今晚將會作客出擊葡超勁旅賓菲加！而賽前當然係陣容預告啦！不過，曼聯都有幾多球員傷咗…
而最大嘅新聞，莫過於上仗對保頓表現不俗嘅里奧費迪南無隨隊出發，聯同小腿有傷缺勤嘅維迪，意味住曼聯兩大鐵衛都無法上陣。而喺後備組入面打得幾好嘅小將迪奧夫同馬捷達都係無隨隊嘅，反而有微傷嘅艾夫拿、伊雲斯就喺曼聯19人名單之中。
呢兩位中堅大佬，今場應該都唔會踢...
衛報就認為里奧應該唔係有新傷，甚至可能咩事都無，不過因為下仗英超曼聯要大戰車路士，爵爺都唔想俾里奧冒險，如果今晚出佢又咁唔好彩傷咗，對車仔就少個大將喇，所以先留佢係英國等佢抖下。不過咁嘅情況下，鎮守中路嘅好可能就變成上仗進可攻退可守嘅菲臘鐘斯，對賓菲加而言絕對唔係一個好消息！
爵爺亦表示，今晚可能會出一班經驗較豐富嘅戰將，好似費查、星仔同傑斯咁，而瀟灑哥同奧雲亦可能會係今仗大顯身手！而龍門方面，傳媒亦估緊會係連尼加特正選啦，定係慢慢站穩陣腳嘅迪基亞會繼續擔當大任。
呢班小將睇嚟今晚要休息下...
講到呢到，今仗人腳有啲眉目喇！係英超開咗個靚頭嘅紅魔，又能唔能夠係歐洲賽場嚟個下馬威呢？
曼聯19人陣容：
迪基亞，連尼加特
艾夫拿、伊雲斯、法比奧、鐘斯、史摩寧
安達臣、卡域克、費查、傑斯、蘭尼、朴智星、楊格、華倫西亞
貝碧托夫、小豆、奧雲、朗尼
而最大嘅新聞，莫過於上仗對保頓表現不俗嘅里奧費迪南無隨隊出發，聯同小腿有傷缺勤嘅維迪，意味住曼聯兩大鐵衛都無法上陣。而喺後備組入面打得幾好嘅小將迪奧夫同馬捷達都係無隨隊嘅，反而有微傷嘅艾夫拿、伊雲斯就喺曼聯19人名單之中。
呢兩位中堅大佬，今場應該都唔會踢...
衛報就認為里奧應該唔係有新傷，甚至可能咩事都無，不過因為下仗英超曼聯要大戰車路士，爵爺都唔想俾里奧冒險，如果今晚出佢又咁唔好彩傷咗，對車仔就少個大將喇，所以先留佢係英國等佢抖下。不過咁嘅情況下，鎮守中路嘅好可能就變成上仗進可攻退可守嘅菲臘鐘斯，對賓菲加而言絕對唔係一個好消息！
爵爺亦表示，今晚可能會出一班經驗較豐富嘅戰將，好似費查、星仔同傑斯咁，而瀟灑哥同奧雲亦可能會係今仗大顯身手！而龍門方面，傳媒亦估緊會係連尼加特正選啦，定係慢慢站穩陣腳嘅迪基亞會繼續擔當大任。
呢班小將睇嚟今晚要休息下...
講到呢到，今仗人腳有啲眉目喇！係英超開咗個靚頭嘅紅魔，又能唔能夠係歐洲賽場嚟個下馬威呢？
曼聯19人陣容：
迪基亞，連尼加特
艾夫拿、伊雲斯、法比奧、鐘斯、史摩寧
安達臣、卡域克、費查、傑斯、蘭尼、朴智星、楊格、華倫西亞
貝碧托夫、小豆、奧雲、朗尼