傳媒質疑迪基亞唔夠連尼加特好？爵爺發嬲喇！
真係嬲架！英傳媒見到上仗對賓菲加時連尼加特表現神勇，當然少不免問下爵爺會唔會俾多啲機會佢，好似對車仔會唔會俾佢出。不過一聽到人地咁問，爵爺就嬲嬲地喇！仲有啲唔客氣咁答：「連尼加特唔會正選對車路士，迪基亞會照出。出邊個龍門喺對賓菲加前已經有共識，我唔明你地班人點解問呢個問題。呢種問題真係又蠢又細眉細眼！」
哇，咁大反應嘅？睇嚟爵爺自己都有啲動搖噃，唔係點解要嬲呢？不過佢冷靜咗之後就咁講：「我地賽程咁密，輪換龍門打下係好正常。更何況我地有兩個好好嘅龍門，更加令輪換變得可行。迪基亞會上陣對車路士，連尼加特就會抖下先，對列斯聯時好大機會出。而且我都要估量下賓阿姆士嘅情況，我都想佢出下場！其實英國賽程咁密，對年輕龍門而言係好大壓力嘅，所以依家呢個安排可以分散下壓力，對佢地會好啲。」原來係咁！其實咁情況對連尼加特而言都唔係壞，如果佢成為紅魔歐聯專用龍門，呢個重任都唔係小嘢架！
當然佢都有讚寶刀未老嘅傑斯啦！上仗入嗰球真係好靚呀！爵爺話佢見傑斯場波開段打後咗一格，本來以為佢唔會有波入，不過打打下愈谷愈上，成為賓菲加一個好大嘅威脅。而且佢對呢場波兩個入球都讚好，認為賓菲加嘅卡多佐入球一樣咁好睇！
訪問後段問到瀟灑哥今季未見過人，爵爺自己都感慨萬千，不過係感慨大多人可以用！佢話除咗朗尼、小豆兩個頭號殺手之外，仲有奧雲、馬捷達、迪奧夫、韋碧克，仲有個瀟灑哥，點揀？？不過爵爺就重申，今季賽程真係好密好密，瀟灑哥一定有出場機會咁話！
連尼加特上仗有好多靚撲救！兩兄弟，唔駛爭啦！一人一場！
傑斯就場場有態
瀟灑哥就仲未等到...
哇，咁大反應嘅？睇嚟爵爺自己都有啲動搖噃，唔係點解要嬲呢？不過佢冷靜咗之後就咁講：「我地賽程咁密，輪換龍門打下係好正常。更何況我地有兩個好好嘅龍門，更加令輪換變得可行。迪基亞會上陣對車路士，連尼加特就會抖下先，對列斯聯時好大機會出。而且我都要估量下賓阿姆士嘅情況，我都想佢出下場！其實英國賽程咁密，對年輕龍門而言係好大壓力嘅，所以依家呢個安排可以分散下壓力，對佢地會好啲。」原來係咁！其實咁情況對連尼加特而言都唔係壞，如果佢成為紅魔歐聯專用龍門，呢個重任都唔係小嘢架！
當然佢都有讚寶刀未老嘅傑斯啦！上仗入嗰球真係好靚呀！爵爺話佢見傑斯場波開段打後咗一格，本來以為佢唔會有波入，不過打打下愈谷愈上，成為賓菲加一個好大嘅威脅。而且佢對呢場波兩個入球都讚好，認為賓菲加嘅卡多佐入球一樣咁好睇！
訪問後段問到瀟灑哥今季未見過人，爵爺自己都感慨萬千，不過係感慨大多人可以用！佢話除咗朗尼、小豆兩個頭號殺手之外，仲有奧雲、馬捷達、迪奧夫、韋碧克，仲有個瀟灑哥，點揀？？不過爵爺就重申，今季賽程真係好密好密，瀟灑哥一定有出場機會咁話！
連尼加特上仗有好多靚撲救！兩兄弟，唔駛爭啦！一人一場！
傑斯就場場有態
瀟灑哥就仲未等到...