朗尼：踢咗咁耐波，未試過自己開季開得咁好…
已經晌聯賽入咗8球嘅朗尼，開季以嚟絕對係「on fire」!!! 晌周日對車仔嘅大戰之前，朗尼就接受咗《英國太陽報》嘅專訪，當中佢講到自己開季表現…又會講下佢估計嘅英超排名…同埋佢點樣睇曼城….
Q: 你今季一開季表現咁好，仲連續兩場「大三元」，究竟中間有咩竅門呀?
A: 球隊今季成隊波嘅踢波風格唔同咗，好慶幸對自己有好大嘅幫助，呢季絕對係我咁多季開季以嚟，表現最好嘅一季…
自己從未都試過連續兩場入3球，希望之後可以繼續喇…對我嚟講，我感覺自己依家最佳嘅入球，就係上場對保頓，蘭尼傳俾我後第一時間撞射入網，因為呢一球晌訓練時曾經有夾過，好開心可以晌比賽入面用得著…
今季係朗尼「大爆發」嘅時刻喇...
Q: 你又點睇第三個「大三元」呢? 特別係對「車仔」時再入到3球…
A: 如果真係得，絕對係難以置信，但呢一刻，我唔會特別去諗晌下一場要再「連中三元」...
希望對車仔再有呢一幕...
Q: 你又點睇車路士呀?
A: 晌近啲8年，佢一直都同我哋鬥得好緊，仲曾經3次超越曼聯，贏得聯賽錦標，所以我相信佢哋今年依然對我哋好大威脅…當你諗到一隊波入面有杜奧巴、林柏特、泰利同施治呢啲勁人晌入面，你就知佢哋絕對有實力去贏任何錦標…
對朗尼嚟講，車路士永遠都係強勁嘅對手...
Q: 近嘅幾年，曼聯嘅對手有阿仙奴、利物浦、車路士同埋依家嘅曼城，競爭咁激烈，當中有咩原因令曼聯可以贏到咁多年聯賽冠軍?
A: 毫無疑問，答案就係我哋咁多年嚟都無換過教練。其他隊成日都換教練，每個教練一嚟，就會引入自己嘅助教等等嘅staff，同埋想簽自己想買嘅球員…但曼聯就唔同，一直都係沿用同一班staff，我相信咁樣係會對球員發展係好啲…
因為有費isr同一班staff帶領咁多年，令曼聯取得成功...
Q: 你估下今年英超頭6名排名又會係點?
A: 今年一定係咁多年以嚟，競爭最激烈嘅一年…我估頭3位會係曼聯、曼城同埋車路士…利物浦今年洗咗咁多錢，相信最少可以令佢哋重返第4，阿仙奴今年有大變動，但引入咗咁多新球員，排名應該會有保證，至於熱刺，相信佢哋繼續會有好表現~~
Q: 曼城今年開季同曼聯一樣咁好，你哋有無怕咗曼城，定對你哋有鼓勵作用?
A: 無錯，曼城今年洗咗好多錢，簽咗好多好球員…我都有睇佢哋嘅比賽，佢哋真係打得好好，所以曼聯上上下下都知今季會好難打，但我哋唔會怕咗曼城，只會做好自己，不斷贏波，令球隊一直都排晌前列位置…
曼城嘅冒起，相信只會令曼聯爭勝嘅鬥心更強...
Q: 曼城嘅冒起，係唔係令更多睇波嘅人認識曼徹斯特呢個城市?
A: 絕對唔係，曼聯多年嚟攞到咁好成績及聲望，已經令曼徹斯特呢個城市晌足球界響負勝名…雖然曼城今年打咗入歐聯，又晌英超開季咁好，自然會成為焦點，但我相信世界上睇波識曼徹斯特嘅人，都係因為有曼聯呢隊波…
曼城雖打入歐聯，但曼徹斯特之所以咁多人識，絕對係因為曼聯嘅輝煌成續...
Q: 如果俾你揀，兩個只可以有一個，你會揀贏英超定歐聯冠軍?
A: 以曼聯嚟講，最基本嘅目標，就係先要贏得英超冠軍，所以我經常都想贏得英超錦標，事關佢證明咗球隊付出咗38場嘅努力，雖然贏歐聯都會令我好開心，但俾我揀，我會想贏英超冠軍多啲…
Q: 對於曼聯一班小將，可以有咁好成績，你有無感覺好意外?
A: 無，我知我哋一班小將都好有實力，但我不得不承認，我無諗過費SIR肯一次過排咁多後生仔晌正選陣容入面…費SIR對佢哋好有信心，事實亦證明咗佢哋踢得好好，絕對夠實力對付任何一隊球隊…
一班小將一開季就打正選，就連朗尼都無諗過...
資料來源：the sun
Q: 你今季一開季表現咁好，仲連續兩場「大三元」，究竟中間有咩竅門呀?
A: 球隊今季成隊波嘅踢波風格唔同咗，好慶幸對自己有好大嘅幫助，呢季絕對係我咁多季開季以嚟，表現最好嘅一季…
自己從未都試過連續兩場入3球，希望之後可以繼續喇…對我嚟講，我感覺自己依家最佳嘅入球，就係上場對保頓，蘭尼傳俾我後第一時間撞射入網，因為呢一球晌訓練時曾經有夾過，好開心可以晌比賽入面用得著…
今季係朗尼「大爆發」嘅時刻喇...
Q: 你又點睇第三個「大三元」呢? 特別係對「車仔」時再入到3球…
A: 如果真係得，絕對係難以置信，但呢一刻，我唔會特別去諗晌下一場要再「連中三元」...
希望對車仔再有呢一幕...
Q: 你又點睇車路士呀?
A: 晌近啲8年，佢一直都同我哋鬥得好緊，仲曾經3次超越曼聯，贏得聯賽錦標，所以我相信佢哋今年依然對我哋好大威脅…當你諗到一隊波入面有杜奧巴、林柏特、泰利同施治呢啲勁人晌入面，你就知佢哋絕對有實力去贏任何錦標…
對朗尼嚟講，車路士永遠都係強勁嘅對手...
Q: 近嘅幾年，曼聯嘅對手有阿仙奴、利物浦、車路士同埋依家嘅曼城，競爭咁激烈，當中有咩原因令曼聯可以贏到咁多年聯賽冠軍?
A: 毫無疑問，答案就係我哋咁多年嚟都無換過教練。其他隊成日都換教練，每個教練一嚟，就會引入自己嘅助教等等嘅staff，同埋想簽自己想買嘅球員…但曼聯就唔同，一直都係沿用同一班staff，我相信咁樣係會對球員發展係好啲…
因為有費isr同一班staff帶領咁多年，令曼聯取得成功...
Q: 你估下今年英超頭6名排名又會係點?
A: 今年一定係咁多年以嚟，競爭最激烈嘅一年…我估頭3位會係曼聯、曼城同埋車路士…利物浦今年洗咗咁多錢，相信最少可以令佢哋重返第4，阿仙奴今年有大變動，但引入咗咁多新球員，排名應該會有保證，至於熱刺，相信佢哋繼續會有好表現~~
Q: 曼城今年開季同曼聯一樣咁好，你哋有無怕咗曼城，定對你哋有鼓勵作用?
A: 無錯，曼城今年洗咗好多錢，簽咗好多好球員…我都有睇佢哋嘅比賽，佢哋真係打得好好，所以曼聯上上下下都知今季會好難打，但我哋唔會怕咗曼城，只會做好自己，不斷贏波，令球隊一直都排晌前列位置…
曼城嘅冒起，相信只會令曼聯爭勝嘅鬥心更強...
Q: 曼城嘅冒起，係唔係令更多睇波嘅人認識曼徹斯特呢個城市?
A: 絕對唔係，曼聯多年嚟攞到咁好成績及聲望，已經令曼徹斯特呢個城市晌足球界響負勝名…雖然曼城今年打咗入歐聯，又晌英超開季咁好，自然會成為焦點，但我相信世界上睇波識曼徹斯特嘅人，都係因為有曼聯呢隊波…
曼城雖打入歐聯，但曼徹斯特之所以咁多人識，絕對係因為曼聯嘅輝煌成續...
Q: 如果俾你揀，兩個只可以有一個，你會揀贏英超定歐聯冠軍?
A: 以曼聯嚟講，最基本嘅目標，就係先要贏得英超冠軍，所以我經常都想贏得英超錦標，事關佢證明咗球隊付出咗38場嘅努力，雖然贏歐聯都會令我好開心，但俾我揀，我會想贏英超冠軍多啲…
Q: 對於曼聯一班小將，可以有咁好成績，你有無感覺好意外?
A: 無，我知我哋一班小將都好有實力，但我不得不承認，我無諗過費SIR肯一次過排咁多後生仔晌正選陣容入面…費SIR對佢哋好有信心，事實亦證明咗佢哋踢得好好，絕對夠實力對付任何一隊球隊…
一班小將一開季就打正選，就連朗尼都無諗過...
資料來源：the sun