收斂魔力！分析曼聯形勢稍挫原因！
自從打敗宿敵車路士之後，紅魔粉絲應該期待著更強的曼聯出現吧？所以當面對實力較弱的史篤城、巴素利、諾域治時，曼聯的失準確係令紅魔迷十分失望。不過，呢一個稍挫的形勢是有跡可尋的。究竟係咩呢？
第一係對手打法嘅改變。在對車路士之前，唔少隊伍都向曼聯採對攻的策略，希望可以先行壓制曼聯的攻勢。呢一個方式返而令曼聯有機可乘，因為成隊波整體而言年輕咗，既可以打快速反擊，體力優勢亦令截下對方的攻勢變得容易。不過史篤城、巴素利用嘅戰陣同攻擊方式同之前嘅隊伍都唔同，為曼聯後防帶來另一種麻煩。
另一方面，場場都有人傷其實好影響曼聯實力，到呢幾場問題終於浮現。中場的傷兵如聰明仔基華利令中場力量打咗個折扣，如果出動卡域克、費查等防守意識較強的球員，就會出現攻擊力不足、中前場未能緊密連繫的情況。好在有進步唔少嘅安達臣幫幫手，如果唔係佢上一仗打破缺口，曼聯可能又會再次失分了。不過呢個始終係隱憂，一旦安達臣狀態下滑或者受傷，中場問題就會變得嚴重。
而後衛的傷兵問題亦有待改善，兩員大將里奧同維迪傷多過踢，令後防不穩之外亦帶出兩個問題：第一，默契大受影響，開季至今後防已經出現6個唔同的中堅組合，咁點可以發揮得好呢？另一方面，伊雲斯表現飄忽、史摩寧亦受傷患影響，次次都要求鐘斯上上落落已經好慘，更重要嘅係無一位老大哥教下路，帶起後輩，令新紅魔後衛面對的壓力更大。
最後，鋒線的板凳深度亦是隱憂，後備席上的瀟灑哥同奧雲唔係唔好，不過佢地嘅打法同依家曼聯的打法都幾格格不入，同隊友唔係好配合，下下要求佢地自己單刀突破實在強人所難…如果韋碧克、小豆可以健健康康，真係寧願佢地打多幾場！
所以以現時狀況而言，要重拾季初強勢必須要改善傷兵問題先，下星期的國際賽檔期將會係曼聯重整軍勢的好機會！加油呀一眾紅魔鬼！
文：曼聯專區
呢一幕應該加強紅魔信心先啱呀...
聰明仔快啲打返好個態啦！淨係靠佢地兩個唔多夠噃...
有齊呢班紅魔，我地咩隊都唔怕！
第一係對手打法嘅改變。在對車路士之前，唔少隊伍都向曼聯採對攻的策略，希望可以先行壓制曼聯的攻勢。呢一個方式返而令曼聯有機可乘，因為成隊波整體而言年輕咗，既可以打快速反擊，體力優勢亦令截下對方的攻勢變得容易。不過史篤城、巴素利用嘅戰陣同攻擊方式同之前嘅隊伍都唔同，為曼聯後防帶來另一種麻煩。
另一方面，場場都有人傷其實好影響曼聯實力，到呢幾場問題終於浮現。中場的傷兵如聰明仔基華利令中場力量打咗個折扣，如果出動卡域克、費查等防守意識較強的球員，就會出現攻擊力不足、中前場未能緊密連繫的情況。好在有進步唔少嘅安達臣幫幫手，如果唔係佢上一仗打破缺口，曼聯可能又會再次失分了。不過呢個始終係隱憂，一旦安達臣狀態下滑或者受傷，中場問題就會變得嚴重。
而後衛的傷兵問題亦有待改善，兩員大將里奧同維迪傷多過踢，令後防不穩之外亦帶出兩個問題：第一，默契大受影響，開季至今後防已經出現6個唔同的中堅組合，咁點可以發揮得好呢？另一方面，伊雲斯表現飄忽、史摩寧亦受傷患影響，次次都要求鐘斯上上落落已經好慘，更重要嘅係無一位老大哥教下路，帶起後輩，令新紅魔後衛面對的壓力更大。
最後，鋒線的板凳深度亦是隱憂，後備席上的瀟灑哥同奧雲唔係唔好，不過佢地嘅打法同依家曼聯的打法都幾格格不入，同隊友唔係好配合，下下要求佢地自己單刀突破實在強人所難…如果韋碧克、小豆可以健健康康，真係寧願佢地打多幾場！
所以以現時狀況而言，要重拾季初強勢必須要改善傷兵問題先，下星期的國際賽檔期將會係曼聯重整軍勢的好機會！加油呀一眾紅魔鬼！
文：曼聯專區
呢一幕應該加強紅魔信心先啱呀...
聰明仔快啲打返好個態啦！淨係靠佢地兩個唔多夠噃...
有齊呢班紅魔，我地咩隊都唔怕！