曼聯專區小評：當曼聯變成曼城…你會點？
昨天的一仗曼聯雖然和波，但不能否認筆者睇得好開心，唔單止睇29腳攻門睇得十分過癮，仲睇到兩隊對疊隊伍的精神：曼聯取回水銀瀉地的攻勢；而紐卡素全軍將士用命，全力擋下紅魔暴風一樣的攻擊，都非常有娛樂性。睇完波，不禁大讚喜鵲的精神，更明白佢哋嘅球迷點解不離不棄：呢隊波真係有佢值得支持嘅地方。無勁到嚇死人嘅卡士、無天價球員，憑隊友嘅默契同精神，在聯賽榜的第一版充當黑馬，點到你唔服？
昨天打得好咗！值得讚！雖然贏唔到，但睇得開心！
諗到呢到，不禁再諗：如果紐卡素或者曼聯有曼城咁嘅財力，將全隊波改頭換面，買齊足球界頂級球員，係唔係都可以在英超獨佔鰲頭？答案可能係「得」，不過呢隊仲係唔係曼聯？仲係唔係紐卡素？到時，球會名、球徵只會成為一個貼紙，貼咩上去都可以，因為人腳都只係拉雜成軍，來自任何的地方都可以。咁…支持一隊球隊仲有無意義呢？
睇返曼城，呢件事已經出現緊…四年前的曼城同依家係完全唔同嘅球隊，同四年前一樣的，只有祖赫特、甘賓尼、米卡李察士等等幾個人，其他人面目全非。更重要的是，他們可以代表曼城的精神嗎？現在的主力，阿古路、施華、托尼、迪斯高，佢哋嘅成名地係唔係曼城？呢班球員，4年前仲打緊曼城...被遺棄了？
紐卡素呢？雖然降過班，仍然有古洛仙尼、古迪亞利斯、史堤芬泰萊、夏柏、古費列等忠臣，再加上一眾新力軍，青年軍的告爾、胡斯傑，外援大衛辛頓、賓艾化，組成了一隊繼承喜鵲的隊伍。呢隊唔係貼上紐卡素個名的球隊，而係實實在在成長的紐卡素，擁有歷史同脫變，雖然唔係粒粒都係星，仍然好好睇！
古迪亞利斯、史堤芬泰萊忠心不二！更重要的...是班主都感覺佢地有必要留低！
曼聯就更加明白傳承的重要，里奧、維迪，到中場傑斯、星仔、費查、蘭尼、安達臣、卡域克、基華利，前面的朗尼、韋碧克，無錯！呢班球員正正同四年前無分別！建立的不單止係品牌，仲係歷史同經驗，可能爵爺唔太想買新球員的手法過咗少少火，不過事實就係呢班球員一直進步緊，創造緊屬於佢哋嘅歷史。所以支持曼聯先唔係支持球會會徵咁膚淺嘅一件事！
4年前的相！啲人腳咁熟口熟面嘅？梗係，因為咁先係傳承！
筆者未有能力去批判現今商業足球是好是壞，皇馬、車仔、曼城用千金打造嘅球隊亦話俾大家聽，叻嘅球員走埋一齊一定好好睇，而且能帶來一定效果，有機會贏到錦標。不過如果要享受足球，筆者寧願睇一班球員由無變有，睇佢哋進步、成長！所以咁睇嘅話，曼城永遠唔可能係曼聯！
曼聯專區編輯
We are united!
昨天打得好咗！值得讚！雖然贏唔到，但睇得開心！
諗到呢到，不禁再諗：如果紐卡素或者曼聯有曼城咁嘅財力，將全隊波改頭換面，買齊足球界頂級球員，係唔係都可以在英超獨佔鰲頭？答案可能係「得」，不過呢隊仲係唔係曼聯？仲係唔係紐卡素？到時，球會名、球徵只會成為一個貼紙，貼咩上去都可以，因為人腳都只係拉雜成軍，來自任何的地方都可以。咁…支持一隊球隊仲有無意義呢？
睇返曼城，呢件事已經出現緊…四年前的曼城同依家係完全唔同嘅球隊，同四年前一樣的，只有祖赫特、甘賓尼、米卡李察士等等幾個人，其他人面目全非。更重要的是，他們可以代表曼城的精神嗎？現在的主力，阿古路、施華、托尼、迪斯高，佢哋嘅成名地係唔係曼城？呢班球員，4年前仲打緊曼城...被遺棄了？
紐卡素呢？雖然降過班，仍然有古洛仙尼、古迪亞利斯、史堤芬泰萊、夏柏、古費列等忠臣，再加上一眾新力軍，青年軍的告爾、胡斯傑，外援大衛辛頓、賓艾化，組成了一隊繼承喜鵲的隊伍。呢隊唔係貼上紐卡素個名的球隊，而係實實在在成長的紐卡素，擁有歷史同脫變，雖然唔係粒粒都係星，仍然好好睇！
古迪亞利斯、史堤芬泰萊忠心不二！更重要的...是班主都感覺佢地有必要留低！
曼聯就更加明白傳承的重要，里奧、維迪，到中場傑斯、星仔、費查、蘭尼、安達臣、卡域克、基華利，前面的朗尼、韋碧克，無錯！呢班球員正正同四年前無分別！建立的不單止係品牌，仲係歷史同經驗，可能爵爺唔太想買新球員的手法過咗少少火，不過事實就係呢班球員一直進步緊，創造緊屬於佢哋嘅歷史。所以支持曼聯先唔係支持球會會徵咁膚淺嘅一件事！
4年前的相！啲人腳咁熟口熟面嘅？梗係，因為咁先係傳承！
筆者未有能力去批判現今商業足球是好是壞，皇馬、車仔、曼城用千金打造嘅球隊亦話俾大家聽，叻嘅球員走埋一齊一定好好睇，而且能帶來一定效果，有機會贏到錦標。不過如果要享受足球，筆者寧願睇一班球員由無變有，睇佢哋進步、成長！所以咁睇嘅話，曼城永遠唔可能係曼聯！
曼聯專區編輯
We are united!