曼聯專區龍年應下景：紅魔雙截龍！
紅魔都有雙截龍？我諗心水清嘅紅魔迷應該知道筆者想講咩，咪就係我哋嘅雙龍迪基亞同連尼加特囉！季初風起雲湧、兩龍雙爭，當大家唔知出邊條龍好嘅時候，龍仔迪基亞因為逐漸適應英超節奏、站穩腳跟，慢慢將大龍連尼加特推去後備位置。但係自從對布力般一役紅魔以3:2落敗，爵爺對小龍迪基亞好似失去信心，連尼加特已經連續三場正選上陣，令紅魔雙龍再次成為傳媒的討論核心。
迪基亞唔出係因為輸波？咁慘？其實21歲仔，已經好好架喇！
以戰論戰，龍門當然係唔轉最好啦，咁對於防線嘅穩定性好有幫助，始終都係把守最後一關，龍門同後衛們嘅默契係好重要嘅。不過睇下今季嘅英超數據，兩龍門的出陣次數令人有啲擔心：迪基亞出陣14次，連尼加特出陣7次。相比起曼城祖赫特打足21場、車路士施治出陣19場、熱刺費度打足21場，曼聯的龍門替換實在太快了，龍爭虎鬥確實未必是好事。
而爵爺對佢地嘅定位，卻又非常耐人尋味：雙龍無分軒輊，因為各有各好！不過，呢個係唔係藉口呢？迪基亞身價近1千9百萬英磅、由歐霸盃班霸馬體會引入；連尼加特身價350萬英磅，由挪威球隊阿里辛特轉會，二人哪一個是重點球員不言而喻。就好似舒米高所言，喺曼聯當然睇重天賦、當然睇重年青球員，不過可以即買即用，有能力打足曼聯80%賽事的，才是紅魔門將首選。今日的尷尬場面，就係迪基亞有潛質有能力，但未必係隊中最強門將；反之連尼加特身為曼聯的二號門將，但27歲的他有更好的經驗、更成熟的技術可為曼聯把關。
佢把關，都幾穩陣架！
不過連尼加特唔單止無視迪基亞為競爭對手，反而以師兄身份幫迪基亞好多。佢咁講：「我唔需要打足曼聯所有比賽，只要我有機會上陣已經係莫大榮耀。3年前我仲係丹麥的二線球隊打波，無人識我、甚至嚟到曼聯之後無人識讀我之前隊波嘅名。所以有機會喺曼聯出一分力，已經令我有好大的源動力去進步、去努力。
對於迪基亞，我會盡全力去幫佢。我好鍾意佢，迪基亞係一個好樂觀、轉數快，同態度正面嘅隊友，我哋成日互相鼓勵。佢只得21歲，爆發力已經好強，前途無可限量。佢一定會成為曼聯的傳奇，而我要做的就係要令自己成為未來10年曼聯最好的龍門，10年後我掛靴後嘅日子就交俾佢喇！要知道一隊波出賽之前，最後一個為正選門將送上祝福的一定是後備門將，我一定會同迪基亞一齊加油！」
龍年就到，各位曼聯迷又鍾意邊條紅龍多啲呢？
來源：曼聯專區編輯
迪基亞唔出係因為輸波？咁慘？其實21歲仔，已經好好架喇！
以戰論戰，龍門當然係唔轉最好啦，咁對於防線嘅穩定性好有幫助，始終都係把守最後一關，龍門同後衛們嘅默契係好重要嘅。不過睇下今季嘅英超數據，兩龍門的出陣次數令人有啲擔心：迪基亞出陣14次，連尼加特出陣7次。相比起曼城祖赫特打足21場、車路士施治出陣19場、熱刺費度打足21場，曼聯的龍門替換實在太快了，龍爭虎鬥確實未必是好事。
而爵爺對佢地嘅定位，卻又非常耐人尋味：雙龍無分軒輊，因為各有各好！不過，呢個係唔係藉口呢？迪基亞身價近1千9百萬英磅、由歐霸盃班霸馬體會引入；連尼加特身價350萬英磅，由挪威球隊阿里辛特轉會，二人哪一個是重點球員不言而喻。就好似舒米高所言，喺曼聯當然睇重天賦、當然睇重年青球員，不過可以即買即用，有能力打足曼聯80%賽事的，才是紅魔門將首選。今日的尷尬場面，就係迪基亞有潛質有能力，但未必係隊中最強門將；反之連尼加特身為曼聯的二號門將，但27歲的他有更好的經驗、更成熟的技術可為曼聯把關。
佢把關，都幾穩陣架！
不過連尼加特唔單止無視迪基亞為競爭對手，反而以師兄身份幫迪基亞好多。佢咁講：「我唔需要打足曼聯所有比賽，只要我有機會上陣已經係莫大榮耀。3年前我仲係丹麥的二線球隊打波，無人識我、甚至嚟到曼聯之後無人識讀我之前隊波嘅名。所以有機會喺曼聯出一分力，已經令我有好大的源動力去進步、去努力。
對於迪基亞，我會盡全力去幫佢。我好鍾意佢，迪基亞係一個好樂觀、轉數快，同態度正面嘅隊友，我哋成日互相鼓勵。佢只得21歲，爆發力已經好強，前途無可限量。佢一定會成為曼聯的傳奇，而我要做的就係要令自己成為未來10年曼聯最好的龍門，10年後我掛靴後嘅日子就交俾佢喇！要知道一隊波出賽之前，最後一個為正選門將送上祝福的一定是後備門將，我一定會同迪基亞一齊加油！」
龍年就到，各位曼聯迷又鍾意邊條紅龍多啲呢？
來源：曼聯專區編輯