史摩寧+伊雲斯=未來曼聯中堅組合？？
曼聯最強鐵衛組合莫過於里奧費迪南同維迪啦！佢哋一柔一剛，配合起上來真係咩前鋒都頂得住！好似維迪咁，佢係典型的硬朗後衛，身體對抗力強，制空力亦非常高，攔截絕唔難到佢，不過略嫌速度及靈活性不足。而里奧費迪南就偏向陰柔，打法冷靜，知道幾時要清波，而佢當打時速度仲幾快，更可以做到分波同領導後防的工作添。不過隨住維迪的長抖，加上費迪南的傷勢亦時好時壞，更重要嘅係佢哋都已經年過30，實在有必要為紅魔後防線找尋後繼人。當大家都以為史摩寧同鍾斯呢對英格蘭青年中堅會成為最合適的人選時，竟然殺出一對大家都不以為然嘅組合：史摩寧同伊雲斯！出佢地，我地都無咁驚
因為...夠硬淨！
點解係佢哋？睇返上一輪英超比賽，即係曼聯對陣阿仙奴時，就係佢哋上陣！你都咪話唔驚，佢哋兩個嘅特點好明顯：無咩經驗，身體單薄、對抗性低，而且無咩領導力，最重要嘅係，佢哋打法太近似，無咗里奧費迪南同維迪互相補位嘅優勢。傳媒叫佢哋做「新世紀中堅」，面對傳統的英超前鋒，即係身材高大、以頭鎚及體能為主要攻擊手段的球員，佢兩個好易投哂降。好似對水晶宮一役，就係伊雲斯走甩梅利的頭鎚攻門而失波嘅。
不過呢一對中「新世紀中堅」對付「新世紀前鋒」竟然好有效果，呢個係始料未及嘅！邊啲係「新世紀前鋒」？就係個啲鍾意入楔、鍾意扭入禁區，有腳法但不精於高空攻勢的前鋒。阿仙奴的雲佩斯就係代表人物之一，上仗可以話係冰之子季中打得比較差的一場，佢傳波的成功比率平均係77%，不過上仗只得44%，而射門次數都唔多。當然，阿記表現得唔係咁好亦係原因之一，不過呢對「新世紀中堅」用好聰明的方式去應付冰之子，亦凍結咗佢唔少威脅。佢哋唔係亂出腳，有把握先落腳搶雲佩斯腳下球、而且溝通得好好，知道適當時候只要捕住雲佩斯嘅位置就夠，唔需要出腳已經可以封殺佢嘅威脅。最恐怖嘅，係佢哋打得非常有紀律，打足全場都無失過一個自由球，連最難防嘅死球戰術都唔需要防！
就係呢場喇！真係唔錯架！
雖然場波入面伊雲斯都有勇救空門，整體打得唔錯，不過佢嘅烏龍形象太深入民心，令大家始終覺得佢唔穩陣。其實佢已經進步好多，而呢一仗亦反映出佢有一定嘅能力，連雲佩斯都未能喺佢同史摩寧身上取得甜頭。所以睇嚟只要假以時日，連高空波都難唔到佢哋時，用史摩寧伊雲斯其實都可以好有效！大家俾多啲支持佢哋啦！
來源：曼聯專區
佢地煮嘢食你可能仲驚...
因為...夠硬淨！
點解係佢哋？睇返上一輪英超比賽，即係曼聯對陣阿仙奴時，就係佢哋上陣！你都咪話唔驚，佢哋兩個嘅特點好明顯：無咩經驗，身體單薄、對抗性低，而且無咩領導力，最重要嘅係，佢哋打法太近似，無咗里奧費迪南同維迪互相補位嘅優勢。傳媒叫佢哋做「新世紀中堅」，面對傳統的英超前鋒，即係身材高大、以頭鎚及體能為主要攻擊手段的球員，佢兩個好易投哂降。好似對水晶宮一役，就係伊雲斯走甩梅利的頭鎚攻門而失波嘅。
不過呢一對中「新世紀中堅」對付「新世紀前鋒」竟然好有效果，呢個係始料未及嘅！邊啲係「新世紀前鋒」？就係個啲鍾意入楔、鍾意扭入禁區，有腳法但不精於高空攻勢的前鋒。阿仙奴的雲佩斯就係代表人物之一，上仗可以話係冰之子季中打得比較差的一場，佢傳波的成功比率平均係77%，不過上仗只得44%，而射門次數都唔多。當然，阿記表現得唔係咁好亦係原因之一，不過呢對「新世紀中堅」用好聰明的方式去應付冰之子，亦凍結咗佢唔少威脅。佢哋唔係亂出腳，有把握先落腳搶雲佩斯腳下球、而且溝通得好好，知道適當時候只要捕住雲佩斯嘅位置就夠，唔需要出腳已經可以封殺佢嘅威脅。最恐怖嘅，係佢哋打得非常有紀律，打足全場都無失過一個自由球，連最難防嘅死球戰術都唔需要防！
就係呢場喇！真係唔錯架！
雖然場波入面伊雲斯都有勇救空門，整體打得唔錯，不過佢嘅烏龍形象太深入民心，令大家始終覺得佢唔穩陣。其實佢已經進步好多，而呢一仗亦反映出佢有一定嘅能力，連雲佩斯都未能喺佢同史摩寧身上取得甜頭。所以睇嚟只要假以時日，連高空波都難唔到佢哋時，用史摩寧伊雲斯其實都可以好有效！大家俾多啲支持佢哋啦！
來源：曼聯專區
佢地煮嘢食你可能仲驚...