曼聯專區小評：邊個先係追和功臣？
究竟紅藍大戰可以追和，邊個先係最大功臣？今次真係好難講喇！不如逐個睇睇？
姑勿論12碼是否朗尼主射，今仗可以絕地追和，朗尼都參與好大！講嘅除咗入波，仲有佢喺比賽入面起到嘅化學作用。朗尼精力無限係人所共知，而佢嘅走位喺昨天比賽上有住好關鍵嘅作用。今次佢仍然係打後一格，游走喺艾辛同美利拉斯之間攞波分波，做不同的連接工作。如果出陣嘅係拉美利斯，佢嘅活力可以稍稍壓制朗尼；如果出陣嘅係林柏特，佢嘅機動性亦會令朗尼有所避諱，不敢太放肆。不過出陣嘅係艾辛，佢呢一兩年已經無復當年勇悍，對住朗尼靈活而聰明嘅走位已經無法可施。就係咁，曼聯先可以多番殺入禁區！ 林柏同朗尼亦敵亦友！艾辛真係睇唔住朗尼架
另一個曼聯功臣之選，不得不提：迪基亞！老實講，開波時迪基亞都係游魂狀態，上半場有個手鎚打得不高不遠，如果有藍軍球員喺左近，可能早早就已經失多幾球。不過自曼聯反攻開始，迪基亞工作少咗，不過一啲都無鬆懈，抵讚！而到比賽尾段，更連撲兩個險球，包括卡希爾同馬達的射門，唔係佢又要輸返！所以真係打出身價架！
http://www.youtube.com/watch?v=hK0ZYaaseDU大家重溫下迪基亞上場的撲救！
而令人意想不到嘅係兩位老黃忠今仗的表現非常出色。位處中場位置的史高斯非常冷靜，成為下半場的中場指揮官，派牌同控制比賽節奏。而傑斯打足全場不在話下，佢嘅出波、走位，甚至適當時候爆落底線，都令曼聯的威脅增加唔少。有佢哋鋪橋搭路，一班小魔先可以揮灑自如！
你哋好嘢！
寶刀未老呀！
不過講到尾，一班車路士球員狀態信心不足，亦係放生曼聯的原因。可能陣中無咗高爾、林柏特、泰利、杜奧巴等等大將，好明顯信心動搖，交波的準繩度、控球都削弱了。由傑斯都可以輕鬆上前助攻可見，車路士俾曼聯的壓力實在唔大，今仗誠如爵爺所言，可以更好！所以，跟住嘅目標係好好加強狀態，11號主場迎戰利物浦一報FA cup之仇！
姑勿論12碼是否朗尼主射，今仗可以絕地追和，朗尼都參與好大！講嘅除咗入波，仲有佢喺比賽入面起到嘅化學作用。朗尼精力無限係人所共知，而佢嘅走位喺昨天比賽上有住好關鍵嘅作用。今次佢仍然係打後一格，游走喺艾辛同美利拉斯之間攞波分波，做不同的連接工作。如果出陣嘅係拉美利斯，佢嘅活力可以稍稍壓制朗尼；如果出陣嘅係林柏特，佢嘅機動性亦會令朗尼有所避諱，不敢太放肆。不過出陣嘅係艾辛，佢呢一兩年已經無復當年勇悍，對住朗尼靈活而聰明嘅走位已經無法可施。就係咁，曼聯先可以多番殺入禁區！ 林柏同朗尼亦敵亦友！艾辛真係睇唔住朗尼架
另一個曼聯功臣之選，不得不提：迪基亞！老實講，開波時迪基亞都係游魂狀態，上半場有個手鎚打得不高不遠，如果有藍軍球員喺左近，可能早早就已經失多幾球。不過自曼聯反攻開始，迪基亞工作少咗，不過一啲都無鬆懈，抵讚！而到比賽尾段，更連撲兩個險球，包括卡希爾同馬達的射門，唔係佢又要輸返！所以真係打出身價架！
http://www.youtube.com/watch?v=hK0ZYaaseDU大家重溫下迪基亞上場的撲救！
而令人意想不到嘅係兩位老黃忠今仗的表現非常出色。位處中場位置的史高斯非常冷靜，成為下半場的中場指揮官，派牌同控制比賽節奏。而傑斯打足全場不在話下，佢嘅出波、走位，甚至適當時候爆落底線，都令曼聯的威脅增加唔少。有佢哋鋪橋搭路，一班小魔先可以揮灑自如！
你哋好嘢！
寶刀未老呀！
不過講到尾，一班車路士球員狀態信心不足，亦係放生曼聯的原因。可能陣中無咗高爾、林柏特、泰利、杜奧巴等等大將，好明顯信心動搖，交波的準繩度、控球都削弱了。由傑斯都可以輕鬆上前助攻可見，車路士俾曼聯的壓力實在唔大，今仗誠如爵爺所言，可以更好！所以，跟住嘅目標係好好加強狀態，11號主場迎戰利物浦一報FA cup之仇！