爵爺：退休？三兩年之後啦！

爵爺話退休就好似阿爺講普選咁，一拖再拖、得個講字！仲記唔記得佢第一次話退休係幾時？唔係好耐，十年前之嘛！呢十年佢又攞多5次英超冠軍同1次歐聯之嘛，唔多呀！而前兩日佢又再一次講到「退休」喇！

當然佢唔會講實幾時退啦，段嘢係咁講嘅：「我退休之後會繼續活躍於足球場上架，我想好似卜比sir咁做下大使！幾時退？咁我就唔知喇。不過要教多三兩年對我而言仲有心有力嘅！呢份工好需要耐力，而我無嘢多耐力就最多！
靜雞雞同你講...我想教多10年！
班馬騮都有問我幾時退休，有啲叫經理人問埋總裁阿Gill添。佢點答？就係我無計劃退休住囉！我同佢都唔知，因為我哋都無傾過邊個繼承我…依家英超起碼有半打領隊做得好好，有啲硬米煮硬飯都打出佳績，最令人驚嘆嘅就係愛華頓嘅莫耶斯啦！不過係唔係搵佢？我都唔知噃！我就係知我老婆講笑咁講，話我退休之後不如轉行去做牛奶仔送牛奶咁話！」
傑斯：幾時退休抖下？我幫下你手啦！
好領隊真係買少見少，哥迪奧拿就傳會去阿仙奴替雲加，而摩連奴又話想教曼城，再唔傾掂下任人選可能真係要莫耶斯做架！又或者…爵爺其實想教多10年？
爵爺：想做嘅舉手！莫耶斯：我。