拉菲爾：華倫係我好朋友！

一隊波如果無默契、隊形，開個自由球都嘈交嘅，成績點會好呢？要睇團結，曼聯就有好多例子喇！好似以前嘅碧咸同加利仔，唔單止同一個國家隊，位置上亦係相互補位，一個右中場一個右後衛，你幫我時我幫你，造就二人球場裡外都是好朋友好兄弟！而依家呢個估仔可能重現多一次！今次係拉菲爾同華倫西亞！
好兄弟！

呢位巴西小將就咁講：「我唔怕俾人知華倫西亞係我喺曼聯最好嘅朋友之一！我哋真係好知心架。好難去形容華倫西亞係隊中嘅位置，因為佢助攻助守都一流！好似我攻上前，佢好自然就補返後面支援我，倒轉亦然！而且喺比賽場上，唔知點解我好知下一秒佢會做咩，而佢都一樣，我哋好似心有靈犀咁！同佢一齊比賽真係好舒服，次次見到佢同我同場都會輕鬆唔少。」
有默契，就係呢啲囉！要喺球隊入面搵到個好夾嘅隊友，真係好似撞鬼一樣，要講緣份架！仲要好似拉菲爾、華倫西亞咁打埋同一條線就更加難得！希望你哋友誼永固，條防線就更穩固啦！加油呀！
法比奧去咗賓菲加，咪搵華倫傾計囉！XD