迪基亞：一切始於對車仔的神救 (當然有神救影片啦！)

每個球員都有心醉一刻，呢一個球場上的關鍵一刻可以改變球員一生！好彩嘅，就係呢一刻之後信心大增，大幅成長；唔好彩的話，前鋒可能進入入球荒、後衛可能成日送大禮。而曼聯的新門神認為自己是前者，而關鍵一刻可能就3:3打和車路士一仗，比賽尾段的神勇撲救！

佢咁講：「睇返成季，總有好多關鍵一刻、好多關鍵入波。但我自己認為，對我自己而言，最重要的一刻可能係我救出馬達自由球嘅一刻。呢球令我信心大增，個人而言係非常重要。

其實足球到到都咁上下，無咩唔同。好多人都話我未必適應到英超，其實都唔係！呢到打波侵略性係高啲，而傳媒都好留意我大隻咗、增咗榜。不過打龍門好重要嘅集中力係唔會因為體格強咗而減低，所以我認為我同之前其實分別唔大！反而係心理質素因為救咗靚波而好咗，有信心咗，呢啲係練習都練唔到返來的。」
我都係差唔多啫！咁留意我身形有咩企圖？
而佢都好多謝球迷，仲話自己每次上陣都感覺到後面有好多球迷支持自己，令自己輕鬆唔少、動力都大咗！其實佢有無能力鎮守曼聯大門大家有眼見，近7場比賽有6場都力保不失，唔歸功佢同一班鐵衛歸功邊個呢？

http://www.youtube.com/watch?v=C4lrjYb-y68神救梗係要一睇再睇啦！