賽後對對碰：費格遜 vs 文仙尼
紅魔再斷一臂、藍月亮再取三分，今個星期的成績真係慘不忍睹…曼聯只有3分優勢，仲有3場比賽，其中仲有曼市打比，令英超的爭標騷進入高潮：雖然某程度而言，呢個高潮係曼聯自己製造出來的…贏咗，就唔駛咁驚險啦…
賽後費格遜同文仙尼當然有嘢講啦，爵爺的說話都仲合理，不過文仙尼嘅說話真係好兵行險著…佢咁講：「邊隊會贏到英超冠軍？曼聯囉。雖然佢哋得返3分優勢，不過佢哋唔會有壓力，因為佢哋年年都君臨英超，年年都要爭冠軍，好識處理。我哋唔同，我哋第一次去到咁嘅位置，人人都期待曼聯贏。我哋無優勢可言。
只有一隊波攞冠軍，不過唔會係我哋。3分落後，打比完仲要對爭歐聯資格嘅紐卡素同護級嘅昆士柏流浪，唔會易打。就算今場都唔係打得好，狼隊態度好正面，下下都全力以赴，佢哋實在唔應該降班。不過點都好啦，英超冠軍定咗架喇，係曼聯架喇，7日前已經定咗，你哋(記者)寫定都得喇。」又一次激將，今次仲特登指明曼城只係第一次去到爭標的位置，無嘢輸，贏咗就當bonus囉，一番說話原本想為藍月亮一眾將士減壓，如果得固然打比戰可以放手一搏；萬一呢番說話打擊咗士氣，下星期一就會隨時輸俾曼聯…
而爵爺反而表現得好冷靜，佢話：「無錯，爭標戰將會繼續。我哋俾咗份大禮人哋，所以於聯合球場對曼城的打比戰將會決定今屆冠軍。我哋一定要打出表現，攞到3分返屋企。點解唔得？我見唔到原因我哋做唔到！呢場打比將會係我執教生涯中最重要的一場打比！
講返今日的比賽(對愛華頓的比賽)，我哋的防守真係無哂譜。曼聯主場失四球，我真係睇到口都大埋…更何況我哋過去7場比場，6場都得保清白之身，即係做得好好嘅防務崩潰於一旦，真係好令人失望。其實歷史上我哋成日自製大挑戰俾自己，今年都唔例外，大好優勢都斷送哂。不過放心，下場我哋一定可以取勝而回。」
兩大領隊各出奇招，目的都係想將士用命，下場背水一戰。依家呢個形勢，最得益嘅其實唔係曼城，亦唔係曼聯，而係一眾球迷！因為下場曼市打比已經無任何留力的必要，兩軍無歐聯、無歐霸要打，既然已經係定冠軍嘅生死一戰，仲駛有所保留咩？全力以赴的曼市雙雄對疊，勢必精彩萬分！5月1日有假放，咁4月30號嘅曼市打比你唔係唔睇呀嘛？
賽後費格遜同文仙尼當然有嘢講啦，爵爺的說話都仲合理，不過文仙尼嘅說話真係好兵行險著…佢咁講：「邊隊會贏到英超冠軍？曼聯囉。雖然佢哋得返3分優勢，不過佢哋唔會有壓力，因為佢哋年年都君臨英超，年年都要爭冠軍，好識處理。我哋唔同，我哋第一次去到咁嘅位置，人人都期待曼聯贏。我哋無優勢可言。
只有一隊波攞冠軍，不過唔會係我哋。3分落後，打比完仲要對爭歐聯資格嘅紐卡素同護級嘅昆士柏流浪，唔會易打。就算今場都唔係打得好，狼隊態度好正面，下下都全力以赴，佢哋實在唔應該降班。不過點都好啦，英超冠軍定咗架喇，係曼聯架喇，7日前已經定咗，你哋(記者)寫定都得喇。」又一次激將，今次仲特登指明曼城只係第一次去到爭標的位置，無嘢輸，贏咗就當bonus囉，一番說話原本想為藍月亮一眾將士減壓，如果得固然打比戰可以放手一搏；萬一呢番說話打擊咗士氣，下星期一就會隨時輸俾曼聯…
而爵爺反而表現得好冷靜，佢話：「無錯，爭標戰將會繼續。我哋俾咗份大禮人哋，所以於聯合球場對曼城的打比戰將會決定今屆冠軍。我哋一定要打出表現，攞到3分返屋企。點解唔得？我見唔到原因我哋做唔到！呢場打比將會係我執教生涯中最重要的一場打比！
講返今日的比賽(對愛華頓的比賽)，我哋的防守真係無哂譜。曼聯主場失四球，我真係睇到口都大埋…更何況我哋過去7場比場，6場都得保清白之身，即係做得好好嘅防務崩潰於一旦，真係好令人失望。其實歷史上我哋成日自製大挑戰俾自己，今年都唔例外，大好優勢都斷送哂。不過放心，下場我哋一定可以取勝而回。」
兩大領隊各出奇招，目的都係想將士用命，下場背水一戰。依家呢個形勢，最得益嘅其實唔係曼城，亦唔係曼聯，而係一眾球迷！因為下場曼市打比已經無任何留力的必要，兩軍無歐聯、無歐霸要打，既然已經係定冠軍嘅生死一戰，仲駛有所保留咩？全力以赴的曼市雙雄對疊，勢必精彩萬分！5月1日有假放，咁4月30號嘅曼市打比你唔係唔睇呀嘛？