令紅魔失落冠軍的四場賽事
失落聯賽冠軍，曼聯自己要負上一定責任。整季有4場重要賽事影響冠軍誰屬，只要呢4場求其一場曼聯可以表現出皇者風範，今季英超就不會被染上藍色：
一：10月23日，曼聯1:6曼城
呢一場波是刺痛曼聯球迷的開始，主場對住曼城即使輸，都唔好輸得咁難睇…只是單單一場，紅魔的霸氣就已經遠不及對手。而失呢5球亦令得失球差變得無法可追。假如呢場可以輸少啲，對史雲斯同黑貓的賽事仲可以大炒決勝負。
呢張紅牌都可能改變今季結果
二：4月11日，韋根1:0曼聯
呢場波就係8分優勢盡失的開端。唔知係心情太輕鬆定係點，如果可以和到波仍可以以一分之微壓倒曼城。不過偏偏是大意失3分…
三：4月22日，曼聯4:4愛華頓
失2分並不是問題，主場領先2球被追和才是問題。防守如此大意，其實只要保住勝果，仍可以贏曼城2分。而且4:2的時候，81分鐘艾夫拿仲要中柱…這是另一場自找的失分比賽。
四：4月30日，曼城1:0曼聯
一個穩健之極的排陣，唔代表有穩健的防守力。曼市打比一開始紅魔已經選擇全力守和。其實情況就好似考試咁，一開始心諗合格就算，最後就會打個8折考個唔合格。一開始心態上就要和波，所以就敗於一個死球。如果一開始盡力對攻而敗陣，仍可歸咎於實力不足，一眾球迷會睇得到的。不過一開始已經打定輸數咁出戰，最後就是令一班支持者哭到最後…
總結來說，今季的曼聯是太大意了，先會喺不應失分的球隊身上失分。不過筆者就感覺到，下年「沒有金臂章」的球季比任何一個球季更加重要，因為曼聯的蛻變就睇下年了：傑斯、史高斯今季仍然舉足輕重，不過下季呢？兩位年近40的老黃忠可以撐多幾耐？如果為球隊好，佢哋應該真正的退下來了。一個沒有傑斯、史高斯、雲達沙，亦沒有奧沙、布朗的曼聯，真真正正的新世代紅魔將會在下年出現。呢個空白球季絕對是一個分水嶺，清楚的分開新舊曼聯，不過是成功蛻變，還是無以為繼尚係未知之數…而試煉新魔的方法只有一個，就係下季將藍月亮從冠軍寶座上扯落馬！
楊格：唔通連個天都唔鍾意我哋？朗尼：下年嚟過啦！下年一定冠軍嘅！
一：10月23日，曼聯1:6曼城
呢一場波是刺痛曼聯球迷的開始，主場對住曼城即使輸，都唔好輸得咁難睇…只是單單一場，紅魔的霸氣就已經遠不及對手。而失呢5球亦令得失球差變得無法可追。假如呢場可以輸少啲，對史雲斯同黑貓的賽事仲可以大炒決勝負。
呢張紅牌都可能改變今季結果
二：4月11日，韋根1:0曼聯
呢場波就係8分優勢盡失的開端。唔知係心情太輕鬆定係點，如果可以和到波仍可以以一分之微壓倒曼城。不過偏偏是大意失3分…
三：4月22日，曼聯4:4愛華頓
失2分並不是問題，主場領先2球被追和才是問題。防守如此大意，其實只要保住勝果，仍可以贏曼城2分。而且4:2的時候，81分鐘艾夫拿仲要中柱…這是另一場自找的失分比賽。
四：4月30日，曼城1:0曼聯
一個穩健之極的排陣，唔代表有穩健的防守力。曼市打比一開始紅魔已經選擇全力守和。其實情況就好似考試咁，一開始心諗合格就算，最後就會打個8折考個唔合格。一開始心態上就要和波，所以就敗於一個死球。如果一開始盡力對攻而敗陣，仍可歸咎於實力不足，一眾球迷會睇得到的。不過一開始已經打定輸數咁出戰，最後就是令一班支持者哭到最後…
總結來說，今季的曼聯是太大意了，先會喺不應失分的球隊身上失分。不過筆者就感覺到，下年「沒有金臂章」的球季比任何一個球季更加重要，因為曼聯的蛻變就睇下年了：傑斯、史高斯今季仍然舉足輕重，不過下季呢？兩位年近40的老黃忠可以撐多幾耐？如果為球隊好，佢哋應該真正的退下來了。一個沒有傑斯、史高斯、雲達沙，亦沒有奧沙、布朗的曼聯，真真正正的新世代紅魔將會在下年出現。呢個空白球季絕對是一個分水嶺，清楚的分開新舊曼聯，不過是成功蛻變，還是無以為繼尚係未知之數…而試煉新魔的方法只有一個，就係下季將藍月亮從冠軍寶座上扯落馬！
楊格：唔通連個天都唔鍾意我哋？朗尼：下年嚟過啦！下年一定冠軍嘅！