香川真司：我同費sir見過面!!!
前排就有大阪傳媒話香川真司下季會轉投曼聯，點知隔咗幾個鐘之後，外國傳媒紛紛Delete個消息，又話個消息唔係真，攪到一班紅魔迷一場歡喜…
好喇，去到德國盃決賽，電視大大個畫面影到費SIR去咗德國睇場波，又好似真係去睇香川真司呵，又講到似層層咁，點知費SIR一句：「我去睇場波，無話特別睇咩球員。」當然大家都知係假呀喇，佢只係唔想俾人知佢嚟緊買咩人，費事又俾人搶…
可惜紙就包唔住火，呢邊相講到明會走、好渴望來季踢英超嘅香川真司發功喇，據ESPN SOCCERNET講，佢公開承認德國盃賽後，同費Sir見過面，佢就話喇：「好開心我可以同費SIR單對單見面，對於我嘅前途，我會好好考慮清楚，我希望可以加盟一隊有挑戰性嘅球隊!!!」
至於佢所屬嘅多蒙特就講喇：「香川真司真係太想踢英超喇，所以球會想留佢都留唔到…」咁講法：香川真司想踢英超，而費sir連見面都見埋喇，咁今次又係咪真?
希望來季呢個畫面，係佢幫曼聯贏盃嘅場面喇...
好喇，去到德國盃決賽，電視大大個畫面影到費SIR去咗德國睇場波，又好似真係去睇香川真司呵，又講到似層層咁，點知費SIR一句：「我去睇場波，無話特別睇咩球員。」當然大家都知係假呀喇，佢只係唔想俾人知佢嚟緊買咩人，費事又俾人搶…
可惜紙就包唔住火，呢邊相講到明會走、好渴望來季踢英超嘅香川真司發功喇，據ESPN SOCCERNET講，佢公開承認德國盃賽後，同費Sir見過面，佢就話喇：「好開心我可以同費SIR單對單見面，對於我嘅前途，我會好好考慮清楚，我希望可以加盟一隊有挑戰性嘅球隊!!!」
至於佢所屬嘅多蒙特就講喇：「香川真司真係太想踢英超喇，所以球會想留佢都留唔到…」咁講法：香川真司想踢英超，而費sir連見面都見埋喇，咁今次又係咪真?
希望來季呢個畫面，係佢幫曼聯贏盃嘅場面喇...