曼聯會晌香港時間周二凌晨開始佢哋今年英超首戰對愛華頓嘅賽事，但賽前球隊收到個壞消息，呢個就係我哋後防主將里奧訓練時受傷，再一次令後防告急!!!
希望里奧係微傷喇...
據英國傳媒報導，里奧晌訓練時引發腳傷，要等進一步檢查先知要傷幾耐，所以聽日出唔出到就真係唔知，更甚嘅係，如果傷得嚴重嘅話，可能會傷一個月，咁到時曼聯後防就真係危危乎!!!
曼聯後防依家已經有史摩寧、伊雲斯、菲爾鐘斯傷咗，中堅個位就真係得番維迪一個，睇怕真係趕唔切嘅話，卡域克都好頂硬上喇，拍住維迪上陣先喇!!!
睇怕又要出動住卞域克客串一下...