曼聯ABC，你又知唔知！今日講A！(附c朗、安達臣搞笑訪問影片！)
小朋友時食早餐，一定有通粉啦、米粉啦、同埋…字母粉！不過同曼聯有咩關係？梗有啦！今日同大家介紹專區的新專欄：「曼聯ABC，你又知唔知！」呢個專欄將會同大家一齊數下曼聯的英文字母！而第一個，當然就係…A啦！里奧：A？
講到A，大家諗起邊個？無錯，現役隊員入面當然有A字頭嘅球員啦！佢就係：安達臣(Anderson，全名 Anderson Luis de Abreu Oliveira)喇！8號仔安達臣1988年4月13日出世，於2007年加入曼聯，唔好睇少佢呀！5歲就開始踢波喇佢！為曼聯上陣147場比賽共入7球，入隊時曾經被稱為「新朗拿甸奴」，不過一直都無法打出好表現，亦一直令曼迷不滿。不過守得雲開見月明，打滾咗幾年終於都搵到好拍檔卡華利，上年大爆發！今年亦係紅魔中場的核心之一！打法是傳統的所謂box to box midfielder，以機動性為主，游走敵我的禁區之間助攻助守。
http://www.youtube.com/watch?v=3TRiqpWD3qk安達臣個樣搞笑，原來出鏡都幾有諧星天份！
而名將都有好出名嘅A字頭架！就係約翰阿士東父子(John Aston Sr. & Jr.)喇！老約翰阿士東可以話同畢士比寶貝同期，生於1921年，原本打進攻中場，不過畢士比將佢轉型打中堅，反而令佢大放光芒。後來前鋒唔夠用，佢又打返前面，單單1950-1951年的球季就入咗15個波！之後佢仲返曼聯做青年軍教練添。
而佢仔仔細約翰阿士東，就係1948年出世嘅，1964年以專業足球員身份為曼聯出演處子秀，雖然都打得唔錯，不過比起老爸佢嘅名氣就差啲喇！
當年的細約翰阿士東
除咗球員，曼聯仲有兩個A好重要架！第一就係attendance，曼聯主場奧脫福已經72歲，不過幾經翻新，由一開始坐得3000人到今日可以容納75,797咁多個球迷！都咪話唔勁！而另一個A呢？就係謎一樣嘅兩個字…AF喇！咩係AF？講到去F先再講啦！
attendance：75,797！
講到A，大家諗起邊個？無錯，現役隊員入面當然有A字頭嘅球員啦！佢就係：安達臣(Anderson，全名 Anderson Luis de Abreu Oliveira)喇！8號仔安達臣1988年4月13日出世，於2007年加入曼聯，唔好睇少佢呀！5歲就開始踢波喇佢！為曼聯上陣147場比賽共入7球，入隊時曾經被稱為「新朗拿甸奴」，不過一直都無法打出好表現，亦一直令曼迷不滿。不過守得雲開見月明，打滾咗幾年終於都搵到好拍檔卡華利，上年大爆發！今年亦係紅魔中場的核心之一！打法是傳統的所謂box to box midfielder，以機動性為主，游走敵我的禁區之間助攻助守。
http://www.youtube.com/watch?v=3TRiqpWD3qk安達臣個樣搞笑，原來出鏡都幾有諧星天份！
而名將都有好出名嘅A字頭架！就係約翰阿士東父子(John Aston Sr. & Jr.)喇！老約翰阿士東可以話同畢士比寶貝同期，生於1921年，原本打進攻中場，不過畢士比將佢轉型打中堅，反而令佢大放光芒。後來前鋒唔夠用，佢又打返前面，單單1950-1951年的球季就入咗15個波！之後佢仲返曼聯做青年軍教練添。
而佢仔仔細約翰阿士東，就係1948年出世嘅，1964年以專業足球員身份為曼聯出演處子秀，雖然都打得唔錯，不過比起老爸佢嘅名氣就差啲喇！
當年的細約翰阿士東
除咗球員，曼聯仲有兩個A好重要架！第一就係attendance，曼聯主場奧脫福已經72歲，不過幾經翻新，由一開始坐得3000人到今日可以容納75,797咁多個球迷！都咪話唔勁！而另一個A呢？就係謎一樣嘅兩個字…AF喇！咩係AF？講到去F先再講啦！
attendance：75,797！