曼聯 對 韋根 賽後語
雖然曼聯上半場入唔到波，但下半場表現脫胎換骨，連轟4球，最終大勝4:0，仲無失波添…一齊睇下費SIR同球員賽後點睇呢場波…
賽後費SIR先講成場波形勢，佢就話喇，「上半場球隊好似未入局咁，韋根打得好壓迫性，亦經常控球在腳，亦打得好有侵略性，試圖用犯規去阻止我哋嘅推進。但當曼聯下半場攞到個節奏後，開始由我哋打得好有侵略性，中場球員亦開始有出色嘅攔截，令我哋可以控球在腳。入第一球永遠係最重要，好彩下半場早段就有波入入，令曼聯成為最終勝利者。」
至於講到球員方面，費SIR亦話：「小豆球12碼的確處理得唔係咁好，或多或少對小豆晌上半場嘅表現有影響，其實曼聯上半場都有攻擊，淨係韋碧克一個都有5次埋門，只係未能轉化為入球。史高斯入球不禁令人想起佢年青時，經常殺入禁區攻門，依家年紀大咗，佢比較鐘意打中場中位置，但依舊晌為曼聯上陣第700次嘅里程碑到入波，絕對值得高興。」
至於另外兩位新兵畢特拿同包維，費SIR再講，「畢特拿打得幾好，只係有幾腳波我覺得處理得有啲輕率少少，佢晌邊線經常走上走落，踢得好投入，成為其中一個策動攻擊者，佢晌荷蘭都入過唔少波，絕對有能力為曼聯入波，雖然球波入得有少少幸運，但睇得出佢好願意推個波入禁區同射門…至於包維有少少史高斯影子，有閱讀球賽能力，又快、腳法又OK，埋門能力亦都幾好，對於一個18歲小將嚟講，今日已經有呢種表現，的確好可怕。」
而畢特拿賽後亦有接受訪問：「當有機會落場，我希望俾費SIR睇到我可以打得好好，而今場波已經做得到。好開心可以為曼聯一隊上陣，首場贏波之餘，仲有入波同助攻俾小豆，呢個情景就好似發緊夢一樣。周五我已經知道今場波打正選，一開頭都唔緊張，但踏入場嗰一下就好緊張，事關自己未試過晌7萬幾人面對踢波，晌荷蘭最多只有23000，見到有咁多人支持自己，絕對係壯觀。」
最後有一段小插曲，就係MUTV想訪問史高斯，想問下佢第700場入波感覺係點，但史高斯無接受訪問，仲係第一個離開球場返屋企，保持佢咁多年以嚟低調嘅作風...
賽後費SIR先講成場波形勢，佢就話喇，「上半場球隊好似未入局咁，韋根打得好壓迫性，亦經常控球在腳，亦打得好有侵略性，試圖用犯規去阻止我哋嘅推進。但當曼聯下半場攞到個節奏後，開始由我哋打得好有侵略性，中場球員亦開始有出色嘅攔截，令我哋可以控球在腳。入第一球永遠係最重要，好彩下半場早段就有波入入，令曼聯成為最終勝利者。」
至於講到球員方面，費SIR亦話：「小豆球12碼的確處理得唔係咁好，或多或少對小豆晌上半場嘅表現有影響，其實曼聯上半場都有攻擊，淨係韋碧克一個都有5次埋門，只係未能轉化為入球。史高斯入球不禁令人想起佢年青時，經常殺入禁區攻門，依家年紀大咗，佢比較鐘意打中場中位置，但依舊晌為曼聯上陣第700次嘅里程碑到入波，絕對值得高興。」
至於另外兩位新兵畢特拿同包維，費SIR再講，「畢特拿打得幾好，只係有幾腳波我覺得處理得有啲輕率少少，佢晌邊線經常走上走落，踢得好投入，成為其中一個策動攻擊者，佢晌荷蘭都入過唔少波，絕對有能力為曼聯入波，雖然球波入得有少少幸運，但睇得出佢好願意推個波入禁區同射門…至於包維有少少史高斯影子，有閱讀球賽能力，又快、腳法又OK，埋門能力亦都幾好，對於一個18歲小將嚟講，今日已經有呢種表現，的確好可怕。」
而畢特拿賽後亦有接受訪問：「當有機會落場，我希望俾費SIR睇到我可以打得好好，而今場波已經做得到。好開心可以為曼聯一隊上陣，首場贏波之餘，仲有入波同助攻俾小豆，呢個情景就好似發緊夢一樣。周五我已經知道今場波打正選，一開頭都唔緊張，但踏入場嗰一下就好緊張，事關自己未試過晌7萬幾人面對踢波，晌荷蘭最多只有23000，見到有咁多人支持自己，絕對係壯觀。」
最後有一段小插曲，就係MUTV想訪問史高斯，想問下佢第700場入波感覺係點，但史高斯無接受訪問，仲係第一個離開球場返屋企，保持佢咁多年以嚟低調嘅作風...