雲佩斯：我未夠好！
你真係未夠好？8場入7個波都叫未夠好，唔通冰之子你想場場都戴帽先開心？唔係，大家唔好以為雲師兄咁大貪先得架！佢真係話自己唔夠好，不過就唔係入波唔夠多，而係助攻唔夠多！
http://www.youtube.com/watch?v=ceOlddNmKUc佢嘅曼聯處子助攻，就係俾咗香川真司！
佢咁講：「我諗我開始上力架喇，不過我想做多啲助攻！我知我入咗7球，不過我都講過好多次，呢個唔係入波咁簡單，我想要嘅係勝利！直到今日我只係助攻咗一次，我想做得好啲。我知我漸入佳境，不過我要做得更好！
至於昨晚的入波有人話係我入魔以來入得最靚嘅，我真係唔知噃，要睇返先知！不過一切由靚交波開始，我真係要多謝助攻嘅朗尼，因為真係無咩邊個交得出咁靚嘅波！入波之前我哋已經夾出火花，由個波去到佢到嗰一刻，我已經知道佢個波會點交，而事實係佢交嘅波同我想像中嘅一模一樣！我將呢個入波嘅榮耀送俾佢！
我諗呢一次係我同朗尼第一次同時正選上陣，我哋都好高興！小豆都打得好好，仲有韋碧克，我哋成班前鋒都好似一家人一樣。」雲佩斯好就好喇，又虛心、又交足功課，難怪曼聯迷越來越鍾意你！不過有個小擔心啫，依家曼聯真係太依賴你喇，萬一你有咩頭暈身興、小傷小病，紅魔攻力隨時啞火，咁就大件事喇！所以你謙虛一回事，筆者都係想香川快啲打出水準、朗尼快啲破入球荒，當紅魔新三叉戟真正現光芒之時，就係一眾紅魔粉絲鬆一口氣之日喇！一齊上陣就贏波喇！
http://www.youtube.com/watch?v=ceOlddNmKUc佢嘅曼聯處子助攻，就係俾咗香川真司！
佢咁講：「我諗我開始上力架喇，不過我想做多啲助攻！我知我入咗7球，不過我都講過好多次，呢個唔係入波咁簡單，我想要嘅係勝利！直到今日我只係助攻咗一次，我想做得好啲。我知我漸入佳境，不過我要做得更好！
至於昨晚的入波有人話係我入魔以來入得最靚嘅，我真係唔知噃，要睇返先知！不過一切由靚交波開始，我真係要多謝助攻嘅朗尼，因為真係無咩邊個交得出咁靚嘅波！入波之前我哋已經夾出火花，由個波去到佢到嗰一刻，我已經知道佢個波會點交，而事實係佢交嘅波同我想像中嘅一模一樣！我將呢個入波嘅榮耀送俾佢！
我諗呢一次係我同朗尼第一次同時正選上陣，我哋都好高興！小豆都打得好好，仲有韋碧克，我哋成班前鋒都好似一家人一樣。」雲佩斯好就好喇，又虛心、又交足功課，難怪曼聯迷越來越鍾意你！不過有個小擔心啫，依家曼聯真係太依賴你喇，萬一你有咩頭暈身興、小傷小病，紅魔攻力隨時啞火，咁就大件事喇！所以你謙虛一回事，筆者都係想香川快啲打出水準、朗尼快啲破入球荒，當紅魔新三叉戟真正現光芒之時，就係一眾紅魔粉絲鬆一口氣之日喇！一齊上陣就贏波喇！