曼聯專區小評：歐聯撕「布」看到的5件事
對賽布拉加真係有悲有喜，悲係香川無妄之災傷出一個月，呢場勝利的代價唔少；不過喜就係小豆把握難得的上陣機會，用入波證明自己在曼聯的必要性。不過點都好，呢場波令人睇到5件事噃！你又有無同感呢？
一：鑽石唔係永恆架！
真鑽石係唔係永恆筆者就唔知喇，不過曼聯的鑽石陣就一定唔係！早排爵爺講過曼聯開始咗新的「無翼革命」，提到用新陣鑽石陣的好處，不過呢場波就令大家先知道鑽石陣的弱點。無疑，卡華利好喜歡走入中間、香川打攻擊中場都係偏中路位置，就連朗尼都移入中路，咁多中路中場，鑽石陣睇嚟係曼聯的新選擇。然而一試之下，發現抽空咗左右翼，如果對方有強大的翼鋒就會少咗制肘，多咗空間進攻。布拉加的阿倫就係咁偷到雞，兩次都由邊線突破入到曼聯波。而偏偏小豆追和，都係紅魔的邊線出波助攻，可見鑽石陣真係要睇人用，睇自己人腳啱唔啱時又要睇對手，所以鑽石非永恆！如果搞得掂邊路的問題，鑽石陣都幾強大！
二：里奧？好重要！
有幾重要？有佢，起碼高空波好難過到佢！今仗出事嘅係臨時拉夫的卡域克，唔係話佢唔得，不過唔係中堅就真係唔係中堅，做決定都係慣用中場諗法，咁打法球員自己再強都無用！好似失第二球，好明顯佢就變返中場，去咗球場的右邊去緊逼對手，剩返伊雲斯斯人獨憔悴無人補位，咁咪出事囉！卡仔，都係做返中場好啲！里奧？都係出場好啲！
里奧：擺係中堅？睇就幾好嘅！影下你先！卡仔：你理我！
出你兩個咪幾好！
三：朗尼唔好咁搏
佢有幾搏大家都有眼見，明明已經推過咗佢，點解轉頭佢又返咗嚟？不過自己禁區又見佢，人哋禁區又見佢絕對唔係好事，因為人跑點都無交波咁快！佢如果乖乖哋留喺兩位前鋒的正後方，好多時都可以做好獨到的駁腳工夫，近門就自己射、交波都得；離得遠，在中圈徘徊，就可以放長波俾雲佩斯、小豆突破對方防線。不過好明顯，防守時佢鍾意留喺自己禁區，到反攻時佢就仲喺自己的娥眉月附近，幫唔到手…朗尼，跑少啲對大家都好呀！
四：再唔搞好防守，死梗
對史篤城又失兩球，對布拉加又失兩球，對富咸又失兩球，對修咸頓又失兩球，對熱刺失三球，今季紅魔的後防真係發夢得太緊要。印象中咁蝦碌的情況真係未出現過喺曼聯身上，好彩一直過來紅魔的攻力有增無減先追到好幾場波，萬一啞火，對弱旅都輸波咁點算？就算唔係啞火，對住車路士、曼城，先輸波你又追得幾多球？熱刺時的敗仗應該好好記住！所以…瞓醒喇！起身喇！鬧鐘響咗好耐喇！熱刺一仗...大家要記得！
五：鋒線夾唔夾？仲未好夾！
曼聯有住英超最數一數二的攻擊球員，朗尼、雲佩斯、小豆、香川、仲有…呃…韋碧克…都計埋先啦，不過佢哋有幾多化學反應先？朗尼、雲佩斯質素高經驗老，大家好快就摸熟對方的套路合作到，不過其他人就真係差啲，好似小豆同雲佩斯的配合就無咩火花，再加上個未打熟嘅香川、同鐘意返去防守又趕唔切進攻嘅朗尼，好多時就浪費咗攻門機會。話就話未熟都入波入好多，不過當然熟就最好啦！咁強攻力都係場場入1、2球，曼聯粉絲會唔肯過你哋囉！
小豆！加油！支持你嘅人實在有太多喇！
一：鑽石唔係永恆架！
真鑽石係唔係永恆筆者就唔知喇，不過曼聯的鑽石陣就一定唔係！早排爵爺講過曼聯開始咗新的「無翼革命」，提到用新陣鑽石陣的好處，不過呢場波就令大家先知道鑽石陣的弱點。無疑，卡華利好喜歡走入中間、香川打攻擊中場都係偏中路位置，就連朗尼都移入中路，咁多中路中場，鑽石陣睇嚟係曼聯的新選擇。然而一試之下，發現抽空咗左右翼，如果對方有強大的翼鋒就會少咗制肘，多咗空間進攻。布拉加的阿倫就係咁偷到雞，兩次都由邊線突破入到曼聯波。而偏偏小豆追和，都係紅魔的邊線出波助攻，可見鑽石陣真係要睇人用，睇自己人腳啱唔啱時又要睇對手，所以鑽石非永恆！如果搞得掂邊路的問題，鑽石陣都幾強大！
二：里奧？好重要！
有幾重要？有佢，起碼高空波好難過到佢！今仗出事嘅係臨時拉夫的卡域克，唔係話佢唔得，不過唔係中堅就真係唔係中堅，做決定都係慣用中場諗法，咁打法球員自己再強都無用！好似失第二球，好明顯佢就變返中場，去咗球場的右邊去緊逼對手，剩返伊雲斯斯人獨憔悴無人補位，咁咪出事囉！卡仔，都係做返中場好啲！里奧？都係出場好啲！
里奧：擺係中堅？睇就幾好嘅！影下你先！卡仔：你理我！
出你兩個咪幾好！
三：朗尼唔好咁搏
佢有幾搏大家都有眼見，明明已經推過咗佢，點解轉頭佢又返咗嚟？不過自己禁區又見佢，人哋禁區又見佢絕對唔係好事，因為人跑點都無交波咁快！佢如果乖乖哋留喺兩位前鋒的正後方，好多時都可以做好獨到的駁腳工夫，近門就自己射、交波都得；離得遠，在中圈徘徊，就可以放長波俾雲佩斯、小豆突破對方防線。不過好明顯，防守時佢鍾意留喺自己禁區，到反攻時佢就仲喺自己的娥眉月附近，幫唔到手…朗尼，跑少啲對大家都好呀！
四：再唔搞好防守，死梗
對史篤城又失兩球，對布拉加又失兩球，對富咸又失兩球，對修咸頓又失兩球，對熱刺失三球，今季紅魔的後防真係發夢得太緊要。印象中咁蝦碌的情況真係未出現過喺曼聯身上，好彩一直過來紅魔的攻力有增無減先追到好幾場波，萬一啞火，對弱旅都輸波咁點算？就算唔係啞火，對住車路士、曼城，先輸波你又追得幾多球？熱刺時的敗仗應該好好記住！所以…瞓醒喇！起身喇！鬧鐘響咗好耐喇！熱刺一仗...大家要記得！
五：鋒線夾唔夾？仲未好夾！
曼聯有住英超最數一數二的攻擊球員，朗尼、雲佩斯、小豆、香川、仲有…呃…韋碧克…都計埋先啦，不過佢哋有幾多化學反應先？朗尼、雲佩斯質素高經驗老，大家好快就摸熟對方的套路合作到，不過其他人就真係差啲，好似小豆同雲佩斯的配合就無咩火花，再加上個未打熟嘅香川、同鐘意返去防守又趕唔切進攻嘅朗尼，好多時就浪費咗攻門機會。話就話未熟都入波入好多，不過當然熟就最好啦！咁強攻力都係場場入1、2球，曼聯粉絲會唔肯過你哋囉！
小豆！加油！支持你嘅人實在有太多喇！