曼聯 對 阿仙奴 賽後語
昨天的比賽由一開始就緊張到尾！而最觸目的，當然係一開波就入波；一倒戈就入波嘅雲佩斯啦！佢話呢個係一個好特別嘅日子！
佢咁講：「我諗我都唔駛多講，一切盡在不言中。我在兵工廠打咗8年時間，有住好開心嘅時光。我尊重阿仙奴的一切，包括球迷、球員、領隊、同阿仙奴呢個球會。呢個係一個好特別的日子，一場好波。我哋表現好好，有好多黃金機會，應該可以入多幾球。不過可以全取三分先係最重要嘅。」雲佩斯入波唔慶祝，半場仲同教授拍哂膊頭，可見佢對阿仙奴嘅感情真係好深厚！
另一位主角，就係十二碼唔入嘅朗尼喇。爵爺都話自己射都好過佢，唔知朗尼有咩感想？佢咁回應：「我都唔知發生咩事，不過今季啲12碼真係好難入…我好失望，不過我唔會因此而動搖，始終我哋都贏波！過去就讓佢過去啦，我唔會記住！對住阿仙奴，我哋嘅目標好明確，就係要阻止佢哋推進。佢哋係好出色嘅球隊，不過只要可以封殺佢哋嘅中場指揮官，就有機會壓制佢哋。今日我哋就完成咗呢個任務。」
對於今場勝仗同對紐卡素嘅入波，艾夫拿就表現得寸寸貢噃！佢講笑咁講：「意外係會發生嘅，不過今季發生兩次噃！真係好奇怪，係唔係？我好開心可以再一次入波，不過取得三分都係最優先！其實都有啲失望，如果可以保持唔失波就最好，不過就臨天光出事，好彩最後都贏咋。始終今個星期都係魔鬼賽程，贏波係最重要嘅。不過我哋要求自己好高，比賽之後在更衣室我哋都有啲唔開心，唔知以為我哋輸波添。唔開心係因為我哋想入多啲波，可以做好啲。」
爵爺自己就對場比賽有啲唔滿意，認為球隊可以做得更好，睇嚟紅魔上上下下都覺得應該入多幾球！可以打出呢個成績，筆者已經幾收貨，始終球季流流長，場場都搏咁盡，用完啲貨就大件事喇！所以小勝一場，都係一件好事！
佢咁講：「我諗我都唔駛多講，一切盡在不言中。我在兵工廠打咗8年時間，有住好開心嘅時光。我尊重阿仙奴的一切，包括球迷、球員、領隊、同阿仙奴呢個球會。呢個係一個好特別的日子，一場好波。我哋表現好好，有好多黃金機會，應該可以入多幾球。不過可以全取三分先係最重要嘅。」雲佩斯入波唔慶祝，半場仲同教授拍哂膊頭，可見佢對阿仙奴嘅感情真係好深厚！
另一位主角，就係十二碼唔入嘅朗尼喇。爵爺都話自己射都好過佢，唔知朗尼有咩感想？佢咁回應：「我都唔知發生咩事，不過今季啲12碼真係好難入…我好失望，不過我唔會因此而動搖，始終我哋都贏波！過去就讓佢過去啦，我唔會記住！對住阿仙奴，我哋嘅目標好明確，就係要阻止佢哋推進。佢哋係好出色嘅球隊，不過只要可以封殺佢哋嘅中場指揮官，就有機會壓制佢哋。今日我哋就完成咗呢個任務。」
對於今場勝仗同對紐卡素嘅入波，艾夫拿就表現得寸寸貢噃！佢講笑咁講：「意外係會發生嘅，不過今季發生兩次噃！真係好奇怪，係唔係？我好開心可以再一次入波，不過取得三分都係最優先！其實都有啲失望，如果可以保持唔失波就最好，不過就臨天光出事，好彩最後都贏咋。始終今個星期都係魔鬼賽程，贏波係最重要嘅。不過我哋要求自己好高，比賽之後在更衣室我哋都有啲唔開心，唔知以為我哋輸波添。唔開心係因為我哋想入多啲波，可以做好啲。」
爵爺自己就對場比賽有啲唔滿意，認為球隊可以做得更好，睇嚟紅魔上上下下都覺得應該入多幾球！可以打出呢個成績，筆者已經幾收貨，始終球季流流長，場場都搏咁盡，用完啲貨就大件事喇！所以小勝一場，都係一件好事！