大件事！新魔王傷埋！
原本週中係國際友誼賽的賽期，筆者仲擔心緊有無紅魔會「為國捐軀」受傷，點知未打已經傷哂！仲要係主力前鋒一次過唔出得！今次大鑊…
講緊嘅係朗尼同雲佩斯，朗尼上仗對維拉時足踝受傷提早退下火線，令佢已經無得在週中為英格蘭上陣，點知禍不單行，據espn所講連雲佩斯都拉傷大腿，無法上陣荷蘭對德國的友賽…數數下，傷兵有仲有鐘斯、維迪、伊雲斯、香川真司，雖然無上年咁誇張可以砌到一隊波出嚟，不過問題係傷親都係主力，曼聯接下來11日入面仲有3場波要打，真係屋漏偏逢連夜雨…
Espn估計，今個週末作客諾域治的比賽中，爵爺只可以排出小豆同韋碧克兩個前鋒，大勇的小豆在陣，攻力應該都仲有嘅，不過現時的角球左手面就朗尼出，右手面就雲佩斯出，兩個都傷出，死球威力一定有所影響…可幸嘅係，朗尼、雲佩斯的傷都似乎唔係好嚴重，如果可以一、兩個星期就好返就可解決問題！
小資訊：
冰之子傷患問題人人都有眼見，不過原來佢自2011年的3月以來都無傷過，希望佢嘅身體狀況已經改變，變得唔易傷！大家睇，以前傑斯都係玻璃腳，不過近幾年都無再見佢傷！經驗同打法唔同，傷患的情況都會轉變架！雲佩斯多啲同傑斯傾下啦！
講緊嘅係朗尼同雲佩斯，朗尼上仗對維拉時足踝受傷提早退下火線，令佢已經無得在週中為英格蘭上陣，點知禍不單行，據espn所講連雲佩斯都拉傷大腿，無法上陣荷蘭對德國的友賽…數數下，傷兵有仲有鐘斯、維迪、伊雲斯、香川真司，雖然無上年咁誇張可以砌到一隊波出嚟，不過問題係傷親都係主力，曼聯接下來11日入面仲有3場波要打，真係屋漏偏逢連夜雨…
Espn估計，今個週末作客諾域治的比賽中，爵爺只可以排出小豆同韋碧克兩個前鋒，大勇的小豆在陣，攻力應該都仲有嘅，不過現時的角球左手面就朗尼出，右手面就雲佩斯出，兩個都傷出，死球威力一定有所影響…可幸嘅係，朗尼、雲佩斯的傷都似乎唔係好嚴重，如果可以一、兩個星期就好返就可解決問題！
小資訊：
冰之子傷患問題人人都有眼見，不過原來佢自2011年的3月以來都無傷過，希望佢嘅身體狀況已經改變，變得唔易傷！大家睇，以前傑斯都係玻璃腳，不過近幾年都無再見佢傷！經驗同打法唔同，傷患的情況都會轉變架！雲佩斯多啲同傑斯傾下啦！