朗尼專訪：十年之路朗朗道來
火爆、紅牌、霸王倒掛，呢十年對朗尼而言真係好似過山車一樣。而呢一切，就由2002年10月19日開始發生：一個靚笠笠死咗英格蘭當時首席龍門施文，球迷進入瘋狂狀態，而足球評述員同大家講：「各位請記住呢個名，朗尼。」
記者(記) 朗尼(朗)
記：不如你講下當年對阿仙奴一球成名嗰個入波啦？
朗：唔…我講唔到噃…當時我好有信心，我知我的第一個入波好快就會出現，不過以咁嘅方式、風格入波就真係難以置信。最正嘅係呢球終結咗阿仙奴30場不敗紀錄，我到依家淨係記得全場爆發掌聲同歡呼，其他細節對我而言已經好模糊喇！
記：咁你當時點慶祝？
朗：我返咗屋企同我啲隊友繼續踢波！其實我哋日日都係咁，嗰晚我同隊友圍住屋企繼續踢，做返平時我哋鍾意做嘅嘢。
記：講返你未入愛華頓正選時，作為粉絲有咩深刻經驗啦？
朗：1995年FA cup！當時我打緊青年軍，因為當時係愛華頓對曼聯FA cup決賽，教練帶我哋一班小朋友去睇。最後拖肥糖贏1:0！1996年作客利物浦的打比大戰我都有去，講起上嚟我真係拖肥糖的吉祥物，因為嗰場波都係贏！贏2:1！10歲仔有呢啲經驗，仲想點？
記：之後你加盟曼聯，你會點形容爵爺鼓舞人心嘅能力？
朗：好得意，你聽完佢講你會好奇怪：做咩講呢啲嘢？不過聽完你就會深深被打動，然後準備好再次上陣。佢會令你記起，雖然有人在足球、在商場上、在生活中得到勝利，不過最重要嘅始終都係努力，幾咁有質素都無用，唔努力就算強如曼聯都贏唔到波。
記：你記唔記得第一次中「風筒」時係點架？
朗：(扮鬼臉)唔記得。我試過吹風筒太多次，啲記憶已經混埋哂一齊，唔記得邊次打邊次！
記：你點應付風筒架？好似個乖學生咁望實地下？
朗：人人唔同架噃，有時我會駁咀，講自己諗緊咩。不過佢經驗實在好多，佢嘅睇法通常都極之獨到，出親聲都中point。
記：咁爵爺有無可愛嘅一面？
朗：當然有！平時佢同大家喺電視見開嘅佢好唔同，佢好硬淨，好有爭勝心，所以一比賽就上身。不過平時去玩呀，遊邑嘅時候會成日同我哋玩，係工作時工作、遊戲時遊戲嘅人，比賽之外佢係另一個人嚟！
記：你唔記得阿仙奴嘅入波啦，咁邊球入波你最鍾意先？
朗：對曼城嘅霸王倒掛啦！My favorite呀！
記：有人話你當時用腳脛入波，而唔係腳面…
朗：咁仲好啦！用腳脛入波仲難呀我話你知！
記：你曾經公開講過，你唔會在足球場上喊，點解？朗：唔係淨係我，好多人都有一樣諗法。我輸過好重要嘅比賽，但我唔會喺幾百萬人睇住的情況之下喊出嚟。所以贏波都係一樣，我唔會喊。呢個一定唔係我會做嘅事。
記：出道十年啦，你會想一個平常人點睇你？
朗：我唔知噃…自己點睇自己就知嘅。我知自己貢獻一切俾足球，努力做好自己，去入波，去助攻。人哋點睇我？我唔知，亦好少理。
http://www.youtube.com/watch?v=BaZJTNskbtw既然型開，不如睇埋二次創作嘅007朗尼啦！
記者(記) 朗尼(朗)
記：不如你講下當年對阿仙奴一球成名嗰個入波啦？
朗：唔…我講唔到噃…當時我好有信心，我知我的第一個入波好快就會出現，不過以咁嘅方式、風格入波就真係難以置信。最正嘅係呢球終結咗阿仙奴30場不敗紀錄，我到依家淨係記得全場爆發掌聲同歡呼，其他細節對我而言已經好模糊喇！
記：咁你當時點慶祝？
朗：我返咗屋企同我啲隊友繼續踢波！其實我哋日日都係咁，嗰晚我同隊友圍住屋企繼續踢，做返平時我哋鍾意做嘅嘢。
記：講返你未入愛華頓正選時，作為粉絲有咩深刻經驗啦？
朗：1995年FA cup！當時我打緊青年軍，因為當時係愛華頓對曼聯FA cup決賽，教練帶我哋一班小朋友去睇。最後拖肥糖贏1:0！1996年作客利物浦的打比大戰我都有去，講起上嚟我真係拖肥糖的吉祥物，因為嗰場波都係贏！贏2:1！10歲仔有呢啲經驗，仲想點？
記：之後你加盟曼聯，你會點形容爵爺鼓舞人心嘅能力？
朗：好得意，你聽完佢講你會好奇怪：做咩講呢啲嘢？不過聽完你就會深深被打動，然後準備好再次上陣。佢會令你記起，雖然有人在足球、在商場上、在生活中得到勝利，不過最重要嘅始終都係努力，幾咁有質素都無用，唔努力就算強如曼聯都贏唔到波。
記：你記唔記得第一次中「風筒」時係點架？
朗：(扮鬼臉)唔記得。我試過吹風筒太多次，啲記憶已經混埋哂一齊，唔記得邊次打邊次！
記：你點應付風筒架？好似個乖學生咁望實地下？
朗：人人唔同架噃，有時我會駁咀，講自己諗緊咩。不過佢經驗實在好多，佢嘅睇法通常都極之獨到，出親聲都中point。
記：咁爵爺有無可愛嘅一面？
朗：當然有！平時佢同大家喺電視見開嘅佢好唔同，佢好硬淨，好有爭勝心，所以一比賽就上身。不過平時去玩呀，遊邑嘅時候會成日同我哋玩，係工作時工作、遊戲時遊戲嘅人，比賽之外佢係另一個人嚟！
記：你唔記得阿仙奴嘅入波啦，咁邊球入波你最鍾意先？
朗：對曼城嘅霸王倒掛啦！My favorite呀！
記：有人話你當時用腳脛入波，而唔係腳面…
朗：咁仲好啦！用腳脛入波仲難呀我話你知！
記：你曾經公開講過，你唔會在足球場上喊，點解？朗：唔係淨係我，好多人都有一樣諗法。我輸過好重要嘅比賽，但我唔會喺幾百萬人睇住的情況之下喊出嚟。所以贏波都係一樣，我唔會喊。呢個一定唔係我會做嘅事。
記：出道十年啦，你會想一個平常人點睇你？
朗：我唔知噃…自己點睇自己就知嘅。我知自己貢獻一切俾足球，努力做好自己，去入波，去助攻。人哋點睇我？我唔知，亦好少理。
http://www.youtube.com/watch?v=BaZJTNskbtw既然型開，不如睇埋二次創作嘅007朗尼啦！