對鎚仔幫安達臣擔正 (附安達臣足下技術短片)

「對昆士柏流浪的比賽，係佢救返場波架！」爵爺讚邊個讚先咁？咪就係安達臣囉！上場波曼聯又先失波，然後爵爺就毅然換安達臣入嚟，佢帶俾中場嘅活力同速度令場波產生好多改變，最後終於贏波！所以為咗獎佢，聽晚對鎚仔幫爵爺已經決定用安達臣做正選：當然，一方面亦因為史高斯對昆士柏流浪時領第5張黃牌要停賽一場，多咗個位出嚟啦。
除咗無咗史高斯…一場咁多之外，仲有蘭尼仍然未可以上陣。雖然爵爺無決斷咁話華倫西亞唔出得，不過要剛剛傷癒嘅佢出陣都有啲勉強，英媒就估計佢都未必會正選出陣。所以左中場應該都仍然由朗尼或者韋碧克頂住先，攻堅就由雲佩斯做啦！不過後防的問題應該會日漸改善，因為史摩寧已經復出，打返順嘅佢應該會有進步。而鍾斯亦會係選擇之一！
http://www.youtube.com/watch?v=e4bDy9ob6PM其實佢啲腳法真係幾ok架！