曼市打比賽後語：文仙尼不滿球員唔聽指示
今仗的焦點，仍然係2R：雲佩斯同朗尼！先睇睇雲佩斯講咩：「我哋開局開得好，因為朗尼的入波好妙。控制戰局的是我們，不過曼城唔會坐以待斃。所以咁樣贏波真係好特別，好戲劇性。可以擊敗最近的對手，取得六分優勢，我哋真係好高興，要慶祝。而入波嗰腳，臨開自由球朗尼有問我點處理，會斬？定係射？我就同佢講，我會試下射！呢個決定應該係啱嘅。」
而爵爺就好強調金身已破的事實：「今日好特別，因為曼城已經2年無喺主場輸過波。而且場比賽真係好好睇，你會睇到唔想去廁所。我哋值得贏，呢個就無容置疑。不過3:0呢個先係應該出現嘅比數，因為楊格根本無越位。點都好啦，場比賽都係好好睇、好得意。曼城追和時，你會感覺佢哋值得追和，佢哋好努力、搏命戰鬥，將一切賭在3個世界級前鋒身上。不過除咗呢股拚勁，其他嘢我哋今仗都發揮得好啲。」
今次打比戰，唔單止係曼聯的代表有出聲，可以預期嘅就係文仙尼都會有嘢講。而佢嘅說話，同爵爺的係一個好鮮明嘅對比：「我本來好肯定曼城可以雙殺曼聯，我哋一直都有衛冕冠軍應該有的表現。不過我哋有太多球員要怪責了。好似馬里奧(巴洛迪利)咁，球隊有個咁有質素嘅球員，你會唔明白點解佢總係將自己嘅能力掟出街唔用。真係incredible，我見過一個好有能力嘅球員，最後一事無成。我唔想馬里奧同佢同一命運。佢再打到今日嘅表現咁一定出事，我哋對佢好有要求。佢有一切必要的天賦，只係未做好自己。」
除咗巴神，佢仲話雲佩斯的絕殺中人牆只有「兩個半人」，暗寸拿斯尼企得唔湯唔水；而佢亦不滿迪維斯唔聽佢講，因為自由球前佢叫咗迪維斯返去排人牆，不過「野獸」無返到，變相又少多個人，以致犯下大錯。「曼聯頭20分鐘根本波都掂唔到，只係一個機會就入波。我哋好快就回復狀態，下半場我哋玩哂。我哋有戰意、有取勝決心，今日根本唔應該輸波。」
筆者無意對比兩位領隊的品格，不過作為曼城球員，聽到文仙尼咁講我會好唔開心…場波輸咗我已經唔開心，仲要踩多兩腳話我唔專心，而且唔係一人受杷而係一班人無一倖免…唔知依家拿斯尼、迪維斯同巴神諗緊咩呢？
而爵爺就好強調金身已破的事實：「今日好特別，因為曼城已經2年無喺主場輸過波。而且場比賽真係好好睇，你會睇到唔想去廁所。我哋值得贏，呢個就無容置疑。不過3:0呢個先係應該出現嘅比數，因為楊格根本無越位。點都好啦，場比賽都係好好睇、好得意。曼城追和時，你會感覺佢哋值得追和，佢哋好努力、搏命戰鬥，將一切賭在3個世界級前鋒身上。不過除咗呢股拚勁，其他嘢我哋今仗都發揮得好啲。」
今次打比戰，唔單止係曼聯的代表有出聲，可以預期嘅就係文仙尼都會有嘢講。而佢嘅說話，同爵爺的係一個好鮮明嘅對比：「我本來好肯定曼城可以雙殺曼聯，我哋一直都有衛冕冠軍應該有的表現。不過我哋有太多球員要怪責了。好似馬里奧(巴洛迪利)咁，球隊有個咁有質素嘅球員，你會唔明白點解佢總係將自己嘅能力掟出街唔用。真係incredible，我見過一個好有能力嘅球員，最後一事無成。我唔想馬里奧同佢同一命運。佢再打到今日嘅表現咁一定出事，我哋對佢好有要求。佢有一切必要的天賦，只係未做好自己。」
除咗巴神，佢仲話雲佩斯的絕殺中人牆只有「兩個半人」，暗寸拿斯尼企得唔湯唔水；而佢亦不滿迪維斯唔聽佢講，因為自由球前佢叫咗迪維斯返去排人牆，不過「野獸」無返到，變相又少多個人，以致犯下大錯。「曼聯頭20分鐘根本波都掂唔到，只係一個機會就入波。我哋好快就回復狀態，下半場我哋玩哂。我哋有戰意、有取勝決心，今日根本唔應該輸波。」
筆者無意對比兩位領隊的品格，不過作為曼城球員，聽到文仙尼咁講我會好唔開心…場波輸咗我已經唔開心，仲要踩多兩腳話我唔專心，而且唔係一人受杷而係一班人無一倖免…唔知依家拿斯尼、迪維斯同巴神諗緊咩呢？