(對西布朗賽後語) 費SIR：場地咁爛都贏到波 我好滿意
曼聯噚日晌主場以2-0擊敗西布朗，曼聯上半場打得可以，製造到唔少攻勢，但去下半場有啲感覺被西布朗反客為主，搶唔到中場，加上1-0嘅戰況有加強西布朗想追嘅決心，幸好雲佩斯落場射入一球靚入波，雖然大家賽後都將焦點放在晌雲佩斯身上嗰幾隻字點解，以及點解雲佩斯扯高條衫唔洗被罰黃牌，但係論戰況，曼聯昨日係有「五五波」感覺，幸好取得3分，賽後就連費SIR都滿意戰果。
費SIR：
「今日比賽嘅天氣唔係咁好，仲落起雪嚟，令到個場堆積咗好多泥晌度，咁樣對球隊發揮係有影響，球隊以地面傳球為主，場地令到我哋個節奏慢起上嚟。我感覺球隊上半場發揮得幾好，不時主導比賽，但1球差距加強咗西布朗想追嘅信心，佢哋下半場好拚搏，傳中球對曼聯嚟講好有威脅，而佢哋防守時，亦顯得好堅強同好努力。」
周六早上奧脫福場地依然好濕滑，曼聯上下嘅工作人員忙於整好個場，等當地下午曼聯對西布朗嘅賽事可以如常舉行。
「佢哋下半場逐漸取得控球優勢後，我就決定換入雲佩斯同埋史高斯，等有經驗球員幫助球隊控制節奏，結果佢哋發揮得好好，雲佩斯仲射入咗一球咁靚嘅波添。4日內晌奧脫福踢兩場波，想場地好係好難，當諗到個場地環境咁差，影響咗我哋傳波速度，但都能贏波而回，我就好滿意賽果。」
及後費SIR又點名讚雲佩斯同埋今場復出嘅香川真司：「雲佩斯真係一個好出色嘅球員，佢一落場就為球隊改變戰況。每一次有波傳到俾佢，佢總係可以HOLD得住個波，佢的確為球隊貢獻咗好多。至於香川真司晌上半場表現都幾好，當然佢傷咗咁耐，你會估計到佢會累，未有足夠體能，考慮到呢一點，我就換入咗雲佩斯。我對於香川真司今場復出嘅表現感到好很高興，佢晌比賽初期好努力，他出色地完成咗自己今日嘅工作。」
艾殊利楊格：
「當球隊只係領先1球，你總係害怕對手打反擊，加上西布朗下半場控球做得好好，幸好雲佩斯及後入波將戰局定落嚟，雖然係咁，但今場後防四位球員以及門將都表現得好好，佢哋貢獻咗好多，從而幫助到球隊保到CLEAN SHEET。球隊唔想場場都打到最後一分鐘絕殺咁刺激，所以今場一開波有個好開始，亦做到費SIR賽前所說，球隊上下今場都付出好多，相信隊友們賽後都一定好累喇。」
費SIR：
「今日比賽嘅天氣唔係咁好，仲落起雪嚟，令到個場堆積咗好多泥晌度，咁樣對球隊發揮係有影響，球隊以地面傳球為主，場地令到我哋個節奏慢起上嚟。我感覺球隊上半場發揮得幾好，不時主導比賽，但1球差距加強咗西布朗想追嘅信心，佢哋下半場好拚搏，傳中球對曼聯嚟講好有威脅，而佢哋防守時，亦顯得好堅強同好努力。」
周六早上奧脫福場地依然好濕滑，曼聯上下嘅工作人員忙於整好個場，等當地下午曼聯對西布朗嘅賽事可以如常舉行。
「佢哋下半場逐漸取得控球優勢後，我就決定換入雲佩斯同埋史高斯，等有經驗球員幫助球隊控制節奏，結果佢哋發揮得好好，雲佩斯仲射入咗一球咁靚嘅波添。4日內晌奧脫福踢兩場波，想場地好係好難，當諗到個場地環境咁差，影響咗我哋傳波速度，但都能贏波而回，我就好滿意賽果。」
及後費SIR又點名讚雲佩斯同埋今場復出嘅香川真司：「雲佩斯真係一個好出色嘅球員，佢一落場就為球隊改變戰況。每一次有波傳到俾佢，佢總係可以HOLD得住個波，佢的確為球隊貢獻咗好多。至於香川真司晌上半場表現都幾好，當然佢傷咗咁耐，你會估計到佢會累，未有足夠體能，考慮到呢一點，我就換入咗雲佩斯。我對於香川真司今場復出嘅表現感到好很高興，佢晌比賽初期好努力，他出色地完成咗自己今日嘅工作。」
艾殊利楊格：
「當球隊只係領先1球，你總係害怕對手打反擊，加上西布朗下半場控球做得好好，幸好雲佩斯及後入波將戰局定落嚟，雖然係咁，但今場後防四位球員以及門將都表現得好好，佢哋貢獻咗好多，從而幫助到球隊保到CLEAN SHEET。球隊唔想場場都打到最後一分鐘絕殺咁刺激，所以今場一開波有個好開始，亦做到費SIR賽前所說，球隊上下今場都付出好多，相信隊友們賽後都一定好累喇。」