曼聯專區小評：把握單對單入波機會？紅魔勝曼城！
今日同大家講下clear-cut chance，直譯就係「叉燒機會」，所有前鋒球員單對單面對對方龍門、無任何其他防守球員在其中的就叫clear-cut chance，單刀、十二碼、超近距離攻門都可以叫clear-cut chance！不過無啦啦點解想講呢個term？因為英國網站EPL Index (英超指數)剛剛計咗至今咁多場波的「叉燒機會」，搵出邊隊的clear-cut chance最多，亦搵出邊隊最浪費clear-cut chance！
單對單！
截止上周末英超第23輪，咁多隊入面創造「叉燒機會」最哂家嘅就係…紅魔鬼曼聯！共有59次！而第二位嘅就係曼城，共52次，由此可見曼市雙雄在創造攻門空間的能力上係冠絕英超！而最少的是新特蘭，至今只有15次。
不過創造還創造，有機會唔代表入梗，單對單都可以好浪費攻勢！所以都要睇埋「叉燒機會」入面的入波成功率先可以睇哂成個畫面。唔好睇新特蘭創造的機會少，佢哋有52%嘅clear-cut chance可以轉化成入波！而曼聯，就有43%可以，係英超入面嘅第五名，把握力都唔錯。不過睇返曼城，原來佢哋係倒數第七，只有36%的clear-cut chance可以轉化成入波…即係話，曼聯的59個絕對機會，有25個變成入波；曼城的52個機會只有18個變成入波。筆者對呢個數據的演繹，就係因為曼聯有一個人：雲佩斯！大家都知有雲師兄在禁區，只要有一啲啲空間佢都已經可以入波，更何況無任何其他防守球員嘅clear-cut chance！所以今年曼城曼聯的分野，雲師兄真係好重要！
結論…筆者反而唔想提曼市雙雄，而想講講利物浦。紅軍的創造力一啲都唔弱，43個clear-cut chance是英超第3高，佢哋嘅clear-cut chance把握力亦同曼城相若，有37%。所以只計clear-cut chance數據，紅軍的成績應該可以媲美曼城。不過睇兩隊的實際成績，就知道紅軍實在有必要增加突破能力，在對方有防守球員之下都要入到波先得！
單對單！
截止上周末英超第23輪，咁多隊入面創造「叉燒機會」最哂家嘅就係…紅魔鬼曼聯！共有59次！而第二位嘅就係曼城，共52次，由此可見曼市雙雄在創造攻門空間的能力上係冠絕英超！而最少的是新特蘭，至今只有15次。
不過創造還創造，有機會唔代表入梗，單對單都可以好浪費攻勢！所以都要睇埋「叉燒機會」入面的入波成功率先可以睇哂成個畫面。唔好睇新特蘭創造的機會少，佢哋有52%嘅clear-cut chance可以轉化成入波！而曼聯，就有43%可以，係英超入面嘅第五名，把握力都唔錯。不過睇返曼城，原來佢哋係倒數第七，只有36%的clear-cut chance可以轉化成入波…即係話，曼聯的59個絕對機會，有25個變成入波；曼城的52個機會只有18個變成入波。筆者對呢個數據的演繹，就係因為曼聯有一個人：雲佩斯！大家都知有雲師兄在禁區，只要有一啲啲空間佢都已經可以入波，更何況無任何其他防守球員嘅clear-cut chance！所以今年曼城曼聯的分野，雲師兄真係好重要！
結論…筆者反而唔想提曼市雙雄，而想講講利物浦。紅軍的創造力一啲都唔弱，43個clear-cut chance是英超第3高，佢哋嘅clear-cut chance把握力亦同曼城相若，有37%。所以只計clear-cut chance數據，紅軍的成績應該可以媲美曼城。不過睇兩隊的實際成績，就知道紅軍實在有必要增加突破能力，在對方有防守球員之下都要入到波先得！