曼聯專區小評：曼聯可以重奪英超的5個原因
小心、小心、小心，冷靜、冷靜、冷靜。經歷了昨天一輪英超，曼聯同次席藍月亮距離已經拉開至15分，不過筆者當然唔會滿足，亦唔會認為英超已經落袋。不過有啲現實情況，顯示冠軍確係離曼聯越來越近！
一；對手的遠離
呢到講緊嘅，唔單止係曼城，而係一眾英超球隊。除咗曼聯有74分之外，其他的都係5字頭：曼城59，熱刺54，車路士52，阿仙奴50。咁就睇到，數字而言佢哋都可以追到曼聯，不過實際上已經無太大威脅。真正有機會的，可能只剩下曼城。當然啦，曼聯其實仲未在次回合遇上車路士、阿仙奴、仲有曼城。所以只要呢幾場波可以取得分數，基本上已經攞住半隻冠軍盃耳。
二；上年教訓的痛楚猶在
上季八分的距離被一口氣追到，而且仲輸埋得失球，呢個痛苦的經歷唔單止令一眾紅魔唔會再大意之外，亦令爵爺在策略上作出穩陣的調節。就好似曼城輸俾修咸頓之後，爵爺就果斷強陣迎戰愛華頓，希望可以將距離拉得越遠越好。而事實就係，爵爺的小心翼翼加上文仙尼的事與願違之後，分數差已經去到15分。對曼城而言，最差的情況就係對新特蘭時再失3分，然後對曼聯時再敗一次，這個情況下曼城與曼聯就有21分距離、7輪比賽，可以追到只剩下數字上的可能性。(咁其實亦即係等如，無論點曼聯都唔可能在曼市打比時捧盃…)呢一下痛楚，係時候痛定思痛！
三；紅色鋼之魂
支持曼聯在餘下比賽不再大意失分，好可能就係佢哋鐵一般嘅決心。今季成績叫做幾好，不過大家一定唔會忘記今季的特色：反勝。到今日，失31球波其實係英超首五位之中最差的，意味住季初的失波情況其實都影響到紅魔。不過不斷反勝、對抗逆境就係今季曼聯的寫照，只要一日記住上年的傷痛，一眾紅魔一日都唔會放水揸流灘，直到冠軍穩陣落袋為止。呢隻色係時候再染紅天空！！
四；曼城撳的自爆制
而呢15分其中一個重要原因，係曼城自己按下了自爆制。藍月亮無論在場內場外，都有問題要解決。場外，曼城的其中一把尖刀巴洛迪利名符其實是一把雙刃劍，他的各項能力都非常超卓，但要駕駁他實在非常困難。而文仙尼好明顯難以做到，令巴神發揮唔到之餘，仲令佢不得不走。所以一月轉會時巴神過檔AC，已經意味住曼城少咗一道板斧。在迪維斯、阿古路同迪斯高發揮不在水準的情況之下，曼城追到的可能性會進一步降低。走！
五；雲師兄的冠軍夢
由昨天的比賽大家可以見到雲佩斯幾咁努力，希望可以拾回射門鞋，就知佢有幾想貢獻曼聯。佢放棄阿仙奴、放棄兵工廠球迷對佢嘅支持其實要好大嘅勇氣；但對錦標嘅渴求、對榮耀嘅渴求已經令呢位射手下定決心，一定要為紅魔奪回冠軍。有呢位世界級球星的捨身支持，即使呢一刻佢狀態未係十足，不過在關鍵時候佢一定會再爆發，唔爭取入波，都會捨身助攻，為曼聯20冠作出奮戰！
一；對手的遠離
呢到講緊嘅，唔單止係曼城，而係一眾英超球隊。除咗曼聯有74分之外，其他的都係5字頭：曼城59，熱刺54，車路士52，阿仙奴50。咁就睇到，數字而言佢哋都可以追到曼聯，不過實際上已經無太大威脅。真正有機會的，可能只剩下曼城。當然啦，曼聯其實仲未在次回合遇上車路士、阿仙奴、仲有曼城。所以只要呢幾場波可以取得分數，基本上已經攞住半隻冠軍盃耳。
二；上年教訓的痛楚猶在
上季八分的距離被一口氣追到，而且仲輸埋得失球，呢個痛苦的經歷唔單止令一眾紅魔唔會再大意之外，亦令爵爺在策略上作出穩陣的調節。就好似曼城輸俾修咸頓之後，爵爺就果斷強陣迎戰愛華頓，希望可以將距離拉得越遠越好。而事實就係，爵爺的小心翼翼加上文仙尼的事與願違之後，分數差已經去到15分。對曼城而言，最差的情況就係對新特蘭時再失3分，然後對曼聯時再敗一次，這個情況下曼城與曼聯就有21分距離、7輪比賽，可以追到只剩下數字上的可能性。(咁其實亦即係等如，無論點曼聯都唔可能在曼市打比時捧盃…)呢一下痛楚，係時候痛定思痛！
三；紅色鋼之魂
支持曼聯在餘下比賽不再大意失分，好可能就係佢哋鐵一般嘅決心。今季成績叫做幾好，不過大家一定唔會忘記今季的特色：反勝。到今日，失31球波其實係英超首五位之中最差的，意味住季初的失波情況其實都影響到紅魔。不過不斷反勝、對抗逆境就係今季曼聯的寫照，只要一日記住上年的傷痛，一眾紅魔一日都唔會放水揸流灘，直到冠軍穩陣落袋為止。呢隻色係時候再染紅天空！！
四；曼城撳的自爆制
而呢15分其中一個重要原因，係曼城自己按下了自爆制。藍月亮無論在場內場外，都有問題要解決。場外，曼城的其中一把尖刀巴洛迪利名符其實是一把雙刃劍，他的各項能力都非常超卓，但要駕駁他實在非常困難。而文仙尼好明顯難以做到，令巴神發揮唔到之餘，仲令佢不得不走。所以一月轉會時巴神過檔AC，已經意味住曼城少咗一道板斧。在迪維斯、阿古路同迪斯高發揮不在水準的情況之下，曼城追到的可能性會進一步降低。走！
五；雲師兄的冠軍夢
由昨天的比賽大家可以見到雲佩斯幾咁努力，希望可以拾回射門鞋，就知佢有幾想貢獻曼聯。佢放棄阿仙奴、放棄兵工廠球迷對佢嘅支持其實要好大嘅勇氣；但對錦標嘅渴求、對榮耀嘅渴求已經令呢位射手下定決心，一定要為紅魔奪回冠軍。有呢位世界級球星的捨身支持，即使呢一刻佢狀態未係十足，不過在關鍵時候佢一定會再爆發，唔爭取入波，都會捨身助攻，為曼聯20冠作出奮戰！