曼聯球員小習慣 你知幾多呢？
唔好睇一眾紅魔鬼為粉絲征戰沙場，原來好多都有啲啲迷信架！例如有好多小動作佢哋唔會改，就係為咗要好運啲！有咩？一齊睇下！
先唔逐個睇，原來主場出陣時，紅魔通常都係挨住球員通道嘅左手邊行，點解呢？原因係，曼聯最忠心嘅粉絲傳統而言都係坐喺Stretford End，即係西看台一面，如果球員由步道左面行出去，就會同Stretford End 近啲，回應一眾球迷嘅支持！而西看台都有好多橫額好得意，好似有一個2O LEGEND，"2O LEGEND" 其實係蘇斯克查(ole gunnar solskjaer)嘅名同號碼加埋！
下下都左面行出嚟架！大家可以留意下！
而細講嘅話，就要由襪開始講！原來鍾斯著襪係有玄機架，著邊隻腳先係有考究嘅！點著法，原來係睇作客定主場！如果主場出戰，佢就會著左腳先；作客的話就著右腳！
朗尼頭髮已經唔多，不過佢就好興搞自己個頭，只要有比賽嘅日子，佢就會去同一間髮型鋪恤一恤頭先，咁即係一星期恤一次？？頭髮已經少仲要係咁剪，唔通真係現代版「牛山濯濯」...
遠少少，加利仔都有佢自己嘅堅持，只要曼聯在連勝之中，佢就唔會換boot，場場用同一對直到連勝告終為止。
里奧費迪南呢？佢就場場出場之前都會在球場通道用水潑自己塊面。而行出通道行去球場入面時，佢就會見白線就跳過佢，唔會踩任何一條白線直到比賽開始！
數搞笑，就要數後衛白蘭斯，1998年法國贏咗世界盃之後，佢每次出場之前都會錫門將巴夫斯個頭先肯出場！
而雲達沙同史密夫都鍾意先右後左，不過雲達沙係先戴右手手套再戴左手；而史密夫就要著右腳boot先到左腳。
而恩斯，就喜歡做最後一個：佢一定係所有人入面最後一個著上波衫，亦係最後一個行入球場比賽。
當然最令人有印象嘅小習慣，就要數簡大帝反領！佢原本反領係因為有一次天氣實在太凍，不過嗰場比賽曼聯贏得漂亮，於是就成為佢嘅習慣喇！
先唔逐個睇，原來主場出陣時，紅魔通常都係挨住球員通道嘅左手邊行，點解呢？原因係，曼聯最忠心嘅粉絲傳統而言都係坐喺Stretford End，即係西看台一面，如果球員由步道左面行出去，就會同Stretford End 近啲，回應一眾球迷嘅支持！而西看台都有好多橫額好得意，好似有一個2O LEGEND，"2O LEGEND" 其實係蘇斯克查(ole gunnar solskjaer)嘅名同號碼加埋！
下下都左面行出嚟架！大家可以留意下！
而細講嘅話，就要由襪開始講！原來鍾斯著襪係有玄機架，著邊隻腳先係有考究嘅！點著法，原來係睇作客定主場！如果主場出戰，佢就會著左腳先；作客的話就著右腳！
朗尼頭髮已經唔多，不過佢就好興搞自己個頭，只要有比賽嘅日子，佢就會去同一間髮型鋪恤一恤頭先，咁即係一星期恤一次？？頭髮已經少仲要係咁剪，唔通真係現代版「牛山濯濯」...
遠少少，加利仔都有佢自己嘅堅持，只要曼聯在連勝之中，佢就唔會換boot，場場用同一對直到連勝告終為止。
里奧費迪南呢？佢就場場出場之前都會在球場通道用水潑自己塊面。而行出通道行去球場入面時，佢就會見白線就跳過佢，唔會踩任何一條白線直到比賽開始！
數搞笑，就要數後衛白蘭斯，1998年法國贏咗世界盃之後，佢每次出場之前都會錫門將巴夫斯個頭先肯出場！
而雲達沙同史密夫都鍾意先右後左，不過雲達沙係先戴右手手套再戴左手；而史密夫就要著右腳boot先到左腳。
而恩斯，就喜歡做最後一個：佢一定係所有人入面最後一個著上波衫，亦係最後一個行入球場比賽。
當然最令人有印象嘅小習慣，就要數簡大帝反領！佢原本反領係因為有一次天氣實在太凍，不過嗰場比賽曼聯贏得漂亮，於是就成為佢嘅習慣喇！