曼聯專區小評：中場制霸！曼聯中場實在弱不禁風！
咩都唔講住，數一數曼聯主要對手的中場線先：曼城有耶耶托尼、占士米拿，身體抗性非常強大，完全壓制曼聯的中場；下季的熱刺中場亦係硬漢滿營，剛簽下的保連奴加上辛度、柏加，擁有絕佳的攔截能力；就連紐卡素，都有迪奧堤、卡巴耶，足以撞散哂曼聯的中場；更唔好講三冠王拜仁的舒韋恩史迪加、查維亞馬天尼斯，佢哋對住巴塞中場都可以以體力制霸，斷絕供應令對手一球都入唔到…
而曼聯今季的首位重點收購係艾簡達拿，睇到佢嘅身形同打法就知唔係衝撞型嘅中場，而係以致命傳球為殺著的技術型球員。睇一睇曼聯陣中，呢種球員可謂非常多：香川真司、卡華利都係技術、傳球能力見稱；卡域克雖然有較強的截擊力，不過傳波都係佢嘅殺著之一。而其他如安達臣等等中場球員，可謂無一個撞得。呢個以傳波、入楔為主的陣式，在列強之中可能只得巴塞、車仔有相若的打法。
咁樣可以得出一個結論，就係依家的足球大勢，主要的中場組合有二：一係體力化的消耗戰；一係就以中場技術制霸，以傳球、控制中場節奏主導比賽。後者在巴塞「地上最強」時證明確係有效，就連今季都在西甲大放異彩；不過一對陣拜仁的體力化戰陣，好似未能突破對手的機動性及有效性。而曼聯依家所行嘅，好明顯就係巴塞的打法，不過傳波的速度、靈活性好明顯尚不如巴塞，如果無埋朗尼的中、遠程獨到傳波，情況只會更差。
紅魔的未來究竟係點？要繼續用技術制霸中場，定係買入衡撞型球員、打體力消耗戰？筆者認為莫耶斯的藍圖入面，前者的機會非常大。不過睇住香川上季被人撞到慘不忍睹、兩翼出波準繩不足、中場只要一無咗朗尼就無哂組織的情況，要繼續固執地強行「技術制霸」睇嚟仲要好多的磨合同訓練先會成功…
而曼聯今季的首位重點收購係艾簡達拿，睇到佢嘅身形同打法就知唔係衝撞型嘅中場，而係以致命傳球為殺著的技術型球員。睇一睇曼聯陣中，呢種球員可謂非常多：香川真司、卡華利都係技術、傳球能力見稱；卡域克雖然有較強的截擊力，不過傳波都係佢嘅殺著之一。而其他如安達臣等等中場球員，可謂無一個撞得。呢個以傳波、入楔為主的陣式，在列強之中可能只得巴塞、車仔有相若的打法。
咁樣可以得出一個結論，就係依家的足球大勢，主要的中場組合有二：一係體力化的消耗戰；一係就以中場技術制霸，以傳球、控制中場節奏主導比賽。後者在巴塞「地上最強」時證明確係有效，就連今季都在西甲大放異彩；不過一對陣拜仁的體力化戰陣，好似未能突破對手的機動性及有效性。而曼聯依家所行嘅，好明顯就係巴塞的打法，不過傳波的速度、靈活性好明顯尚不如巴塞，如果無埋朗尼的中、遠程獨到傳波，情況只會更差。
紅魔的未來究竟係點？要繼續用技術制霸中場，定係買入衡撞型球員、打體力消耗戰？筆者認為莫耶斯的藍圖入面，前者的機會非常大。不過睇住香川上季被人撞到慘不忍睹、兩翼出波準繩不足、中場只要一無咗朗尼就無哂組織的情況，要繼續固執地強行「技術制霸」睇嚟仲要好多的磨合同訓練先會成功…