曼聯專區小評：如果我是艾簡達拿
昨晚艾簡達拿投拜仁的消息可能令一眾曼迷都好錯愕，點解傳言中九成入魔嘅艾簡達拿最後被騎劫？奧斯爾、史奈達、仲有好多好多，傳聞將入魔的球員最後都無出現在奧脫福，今日又多一個。不過先唔講其他，如果我係艾簡達拿，我會揀曼聯定係拜仁？
艾簡達拿恩師係哥迪奧拿，佢都開到口：「我想要艾簡達拿。我好了解佢，可以勝任4, 5個位置嘅佢真係一個好強大嘅球員。拜仁夠腳架喇，不過我哋好需要艾簡達拿嘅特別素質所帶嚟嘅改變。」講到咁，好似真係好難唔過檔。不過停一停，諗一諗，呢個轉會有幾個破綻：艾簡達拿有咩咁「特別」？不能否認佢可能好有潛質，不過比起拜仁的一眾大將而言，呢位u21的小西班牙隊長又成咩氣候？即使佢有能力勝任幾個位，但以拜仁的板凳深度，佢去到會點？
講防中，拜仁有小豬、馬天尼斯、路爾斯古斯達禾、卻奧斯、阿巴拿；講右翼，有洛賓、湯馬士梅拿、沙基朗；左面就有列貝利、沙基朗、阿巴拿。中場更加係人滿之患，馬里奧葛斯、梅拿、卻奧斯、比沙路、小豬…
就咁睇，每個位都有最少兩個替補的星級球員，艾簡達拿去到只會重蹈之前在巴塞的覆轍。唔好唔記得，買斷佢嘅金額之所以突跌，由9000萬歐羅跌到1800萬歐羅，正正就係因為佢上陣次數唔夠，一眾巴塞的球星阻擋住艾簡達拿嘅前路。情況只係由小白變成葛斯、沙維變成梅拿。
可見嘅係，哥帥買佢只會跌入兩難：一係艾簡達拿就無出頭之日，只係好似巴塞的日子一樣被一眾「大佬」壓制。一係，就哥帥俾機會佢出陣，不過拜仁原本的冠軍陣容就要變陣，新加盟的葛斯已經唔知會唔會打亂陣腳，依家仲多一個艾簡達拿，咁梅拿、卻奧斯、比沙路出唔出？唔出，士氣又受打擊；出，又無一個穩定的陣式讓球員熟習，咁仲有咩意思？
所以話，如果我是艾簡達拿，我會好清楚曼聯需要我多過拜仁需要我；同時我需要曼聯亦多過我需要拜仁，成魔先係最有機會發光發熱…不過話又講返轉頭，我哋不能排除曼聯根本上無出價買艾簡達拿的可能性…然而退一萬步諗，要走，都唔應該揀拜仁。車仔、曼城、摩洛哥、聖日耳門，邊一隊都好，出陣機會都會大過拜仁。
艾簡達拿恩師係哥迪奧拿，佢都開到口：「我想要艾簡達拿。我好了解佢，可以勝任4, 5個位置嘅佢真係一個好強大嘅球員。拜仁夠腳架喇，不過我哋好需要艾簡達拿嘅特別素質所帶嚟嘅改變。」講到咁，好似真係好難唔過檔。不過停一停，諗一諗，呢個轉會有幾個破綻：艾簡達拿有咩咁「特別」？不能否認佢可能好有潛質，不過比起拜仁的一眾大將而言，呢位u21的小西班牙隊長又成咩氣候？即使佢有能力勝任幾個位，但以拜仁的板凳深度，佢去到會點？
講防中，拜仁有小豬、馬天尼斯、路爾斯古斯達禾、卻奧斯、阿巴拿；講右翼，有洛賓、湯馬士梅拿、沙基朗；左面就有列貝利、沙基朗、阿巴拿。中場更加係人滿之患，馬里奧葛斯、梅拿、卻奧斯、比沙路、小豬…
就咁睇，每個位都有最少兩個替補的星級球員，艾簡達拿去到只會重蹈之前在巴塞的覆轍。唔好唔記得，買斷佢嘅金額之所以突跌，由9000萬歐羅跌到1800萬歐羅，正正就係因為佢上陣次數唔夠，一眾巴塞的球星阻擋住艾簡達拿嘅前路。情況只係由小白變成葛斯、沙維變成梅拿。
可見嘅係，哥帥買佢只會跌入兩難：一係艾簡達拿就無出頭之日，只係好似巴塞的日子一樣被一眾「大佬」壓制。一係，就哥帥俾機會佢出陣，不過拜仁原本的冠軍陣容就要變陣，新加盟的葛斯已經唔知會唔會打亂陣腳，依家仲多一個艾簡達拿，咁梅拿、卻奧斯、比沙路出唔出？唔出，士氣又受打擊；出，又無一個穩定的陣式讓球員熟習，咁仲有咩意思？
所以話，如果我是艾簡達拿，我會好清楚曼聯需要我多過拜仁需要我；同時我需要曼聯亦多過我需要拜仁，成魔先係最有機會發光發熱…不過話又講返轉頭，我哋不能排除曼聯根本上無出價買艾簡達拿的可能性…然而退一萬步諗，要走，都唔應該揀拜仁。車仔、曼城、摩洛哥、聖日耳門，邊一隊都好，出陣機會都會大過拜仁。