曼聯專區小評：轉會睇莫耶斯領軍的幼嫩
改朝換代，朗尼就話好怕爵爺仍然在背後手握大權，所以希望離隊。不過呢個擔心可以話好無謂，因為眾多的跡象顯示爵爺已經真真正正退下火線，而證據就係莫耶斯在轉會市場上的不成熟表現。如果爵爺真係垂簾聽政，呢啲問題根本不會出現！
在爵爺仍然在隊的日子，大家都在埋怨沒有大牌球星加盟、買的人不見經傳等等。不過事實一次又一次證明，佢嘅眼光同決斷好正確。好似買入鍾斯之時，大家其實好期待大牌中場的加盟。不過事實證明，鍾斯的收購有潛力，絕不比史奈達、奧斯爾等人差。而除了外求之外，提拔聰明仔卡華利亦是爵爺的成功一著，中場活力有咗佢真係好好多。由此可見，曼聯可能在收購球星方面有一定的難度，不過爵爺有自己的一套去解決問題，去選擇最合適的人選奪取最好的結果。而呢一切，都在靜靜的環境下發生。最轟動的引入雲佩斯，都是最後關頭先包唔住火，而且一張揚無耐轉會就完成了。
紅魔難買人的情況不變之下，莫耶斯所採的政策是將所有的收購目標全放在桌上。就以法比加斯為例，每一個出價都通天、人人都知。而且莫耶斯並非在十拿九穩的情況下，衝動地將所有牌面都打出，法比加斯的心意如何實在無人真正知道，在公開要人的情況下，令球員尷尬之餘亦令球會無下台階，就算原本想賣亦要保「國體」而不賣。如此的買人手段，實在令人百思不得其解。
相比起來，摩連奴深深明白朗尼的離心昭然若揭，所以先用同一招「公開出價」，務求要球員自己都成為轉會成功的鎖匙之一。而呢招確實己起作用，朗尼已經成功被洗腦兼自我推動轉會。反之，法比仔仍然未正式為自己的前途作任何的表示。咁就睇得到，球場的「政治智慧」上莫耶斯是遠不及狂人。
到咗呢一刻，筆者感覺朗尼走只係時間問題，亦不見得有人想加盟曼聯，莫帥可以好好咁幫格拉沙家族慳錢了。現在惟一的指望，就係巴爾上艦、c朗回歸曼聯，不過呢單8000萬鎊的轉會成事機會有幾高？睇怕同法比加斯成魔的機會率不相伯仲。筆者其實唔太擔憂有出無入的新紅魔會點，擔憂嘅係身在英超群雄之中，莫耶斯仍然表現得不成熟嘅話，唔好話買人，就連在更衣室建立威信都可能寸步難行…
在爵爺仍然在隊的日子，大家都在埋怨沒有大牌球星加盟、買的人不見經傳等等。不過事實一次又一次證明，佢嘅眼光同決斷好正確。好似買入鍾斯之時，大家其實好期待大牌中場的加盟。不過事實證明，鍾斯的收購有潛力，絕不比史奈達、奧斯爾等人差。而除了外求之外，提拔聰明仔卡華利亦是爵爺的成功一著，中場活力有咗佢真係好好多。由此可見，曼聯可能在收購球星方面有一定的難度，不過爵爺有自己的一套去解決問題，去選擇最合適的人選奪取最好的結果。而呢一切，都在靜靜的環境下發生。最轟動的引入雲佩斯，都是最後關頭先包唔住火，而且一張揚無耐轉會就完成了。
紅魔難買人的情況不變之下，莫耶斯所採的政策是將所有的收購目標全放在桌上。就以法比加斯為例，每一個出價都通天、人人都知。而且莫耶斯並非在十拿九穩的情況下，衝動地將所有牌面都打出，法比加斯的心意如何實在無人真正知道，在公開要人的情況下，令球員尷尬之餘亦令球會無下台階，就算原本想賣亦要保「國體」而不賣。如此的買人手段，實在令人百思不得其解。
相比起來，摩連奴深深明白朗尼的離心昭然若揭，所以先用同一招「公開出價」，務求要球員自己都成為轉會成功的鎖匙之一。而呢招確實己起作用，朗尼已經成功被洗腦兼自我推動轉會。反之，法比仔仍然未正式為自己的前途作任何的表示。咁就睇得到，球場的「政治智慧」上莫耶斯是遠不及狂人。
到咗呢一刻，筆者感覺朗尼走只係時間問題，亦不見得有人想加盟曼聯，莫帥可以好好咁幫格拉沙家族慳錢了。現在惟一的指望，就係巴爾上艦、c朗回歸曼聯，不過呢單8000萬鎊的轉會成事機會有幾高？睇怕同法比加斯成魔的機會率不相伯仲。筆者其實唔太擔憂有出無入的新紅魔會點，擔憂嘅係身在英超群雄之中，莫耶斯仍然表現得不成熟嘅話，唔好話買人，就連在更衣室建立威信都可能寸步難行…