曼聯專區小評：紅魔轉會總結 費蘭尼的迷思
千呼萬喚，曼聯今夏；亦係莫耶斯入魔的第一簽出現，費蘭尼終於辛辛苦苦成魔。不過比起阿仙奴簽入奧斯爾的衝擊，費蘭尼帶俾曼迷的只有爆炸…頭。而呢一個收購，其實對曼聯的幫助又有幾大？
英媒早就披露，幾個月前費蘭尼只要用2350鎊就可以買斷，而無論係7月31日定係8月14日到期，莫帥都有好大的空間去做嘢，節省400萬鎊。唔好理愛華頓肯唔肯放人，以莫帥在拖肥的日子，佢一定有渠道可以極速簽入費蘭尼。如此十拿九穩的收購竟然要拖到最後一刻，實在令人大惑不解。只可以睇成，莫耶斯的目標根本不是一位防中，紅魔整體的戰術要做出好大改動先可以容得下費蘭尼。
更重要的是，曼聯所欠缺的其實是一位創造性的中場，莫耶斯對此非常明白，所以今夏的主要收購目標是法比加斯、艾簡達拿。而去到最後一步，目標中的靴里拉亦是擅長傳球、創造的天才型中場。然而點解要去到咁尾先出手？早一步，就唔會與靴里拉失諸交臂。而講到天才型創造中場，點解完全唔考慮奧斯爾？佢既有離心、轉會費亦非天價，級數、能力與法比加斯可謂不相伯仲。至此，筆者仍然未睇得通莫耶斯的諗法。
所以，到今日終於都見到費蘭尼的加盟，不過仍然見唔到曼聯的戰術可以有咩改變。中場仍然欠缺一位領軍人物。費蘭尼主要踢防守中場，其強悍有信心他可有堅尼昔的風采，而晌夾慣夾熟嘅莫耶斯帶領，應該可以好快爆發其原本潛能。佢同卡域克一齊晌中路拍擋，應該為曼聯後防減少壓力，而中場攔截上效率亦提高不少，而費蘭尼加盟後，卡域克可專心留晌後防，出任deep-lying midfielder，讓費蘭尼帶波而上或入楔，可以費蘭尼畢竟係防守中場，相信佢可以為對方防守帶嚟混亂，但應該好難有穩定同有效率嘅進攻威脅。
「雙紅會」一役，大家都已經睇到曼聯無了朗尼、以及香川真司不獲重用下，曼聯創造能力真係好低。講到進攻中場，筆者最希望香川真司可以在這個位置發揮作用，但有了費蘭尼佢就變得尷尬，打雙防中、雙翼的情況下，朗尼同雲佩斯合作攻堅，香川仲可以放邊？或者呢個陣都係可以一試，雖然就要香川將就下，打左面的進攻中場：
迪基亞
拉菲爾 維迪 里奧 艾夫拿
費蘭尼 卡域克
蘭尼 朗尼 香川
雲佩斯
不過實情係，以莫耶斯頭幾場排陣，佢明顯已將組織攻勢嘅重責放晌朗尼身上，以打4-4-2之名，為朗尼出任前鋒，實際打後一格出任進攻中場，晌組織攻勢上，莫耶斯好明顯寧願重用朗尼，都唔用香川真司，其後兩翼上出任韋碧克同華倫西亞，華倫西亞明顯攻兵型人選，底線出波有一定水準，但要做入楔功夫難免有困難；至於韋碧克努力，肯搶波，但要佢出波好有難度，入楔問題不大，但埋門一腳較差先係問題，放佢出任左翼，放棄咗左路攻擊、入楔但未能有入球...雖然翼鋒人選上仲有艾舒利楊格同蘭尼，可惜前者狀態非常低迷、後者是曼聯創造性上唯一亮點，但傷患困擾影響狀態；至於卡華利同安達臣成為了兩名好好駁腳中場，但要穩定晌組織攻勢上交出功課，有一定難度。
所以要解放香川，睇嚟仲未有太大機會...
英媒早就披露，幾個月前費蘭尼只要用2350鎊就可以買斷，而無論係7月31日定係8月14日到期，莫帥都有好大的空間去做嘢，節省400萬鎊。唔好理愛華頓肯唔肯放人，以莫帥在拖肥的日子，佢一定有渠道可以極速簽入費蘭尼。如此十拿九穩的收購竟然要拖到最後一刻，實在令人大惑不解。只可以睇成，莫耶斯的目標根本不是一位防中，紅魔整體的戰術要做出好大改動先可以容得下費蘭尼。
更重要的是，曼聯所欠缺的其實是一位創造性的中場，莫耶斯對此非常明白，所以今夏的主要收購目標是法比加斯、艾簡達拿。而去到最後一步，目標中的靴里拉亦是擅長傳球、創造的天才型中場。然而點解要去到咁尾先出手？早一步，就唔會與靴里拉失諸交臂。而講到天才型創造中場，點解完全唔考慮奧斯爾？佢既有離心、轉會費亦非天價，級數、能力與法比加斯可謂不相伯仲。至此，筆者仍然未睇得通莫耶斯的諗法。
所以，到今日終於都見到費蘭尼的加盟，不過仍然見唔到曼聯的戰術可以有咩改變。中場仍然欠缺一位領軍人物。費蘭尼主要踢防守中場，其強悍有信心他可有堅尼昔的風采，而晌夾慣夾熟嘅莫耶斯帶領，應該可以好快爆發其原本潛能。佢同卡域克一齊晌中路拍擋，應該為曼聯後防減少壓力，而中場攔截上效率亦提高不少，而費蘭尼加盟後，卡域克可專心留晌後防，出任deep-lying midfielder，讓費蘭尼帶波而上或入楔，可以費蘭尼畢竟係防守中場，相信佢可以為對方防守帶嚟混亂，但應該好難有穩定同有效率嘅進攻威脅。
「雙紅會」一役，大家都已經睇到曼聯無了朗尼、以及香川真司不獲重用下，曼聯創造能力真係好低。講到進攻中場，筆者最希望香川真司可以在這個位置發揮作用，但有了費蘭尼佢就變得尷尬，打雙防中、雙翼的情況下，朗尼同雲佩斯合作攻堅，香川仲可以放邊？或者呢個陣都係可以一試，雖然就要香川將就下，打左面的進攻中場：
迪基亞
拉菲爾 維迪 里奧 艾夫拿
費蘭尼 卡域克
蘭尼 朗尼 香川
雲佩斯
不過實情係，以莫耶斯頭幾場排陣，佢明顯已將組織攻勢嘅重責放晌朗尼身上，以打4-4-2之名，為朗尼出任前鋒，實際打後一格出任進攻中場，晌組織攻勢上，莫耶斯好明顯寧願重用朗尼，都唔用香川真司，其後兩翼上出任韋碧克同華倫西亞，華倫西亞明顯攻兵型人選，底線出波有一定水準，但要做入楔功夫難免有困難；至於韋碧克努力，肯搶波，但要佢出波好有難度，入楔問題不大，但埋門一腳較差先係問題，放佢出任左翼，放棄咗左路攻擊、入楔但未能有入球...雖然翼鋒人選上仲有艾舒利楊格同蘭尼，可惜前者狀態非常低迷、後者是曼聯創造性上唯一亮點，但傷患困擾影響狀態；至於卡華利同安達臣成為了兩名好好駁腳中場，但要穩定晌組織攻勢上交出功課，有一定難度。
所以要解放香川，睇嚟仲未有太大機會...