費SIR教大家「領魔八招」！
可能大家都會有個感覺，代替26年經驗的爵爺，莫耶斯好似總係比唔上咁。不過就算繼任嘅係摩連奴、哥迪奧拿，大家都可能有不滿、有諗法。始終曼聯的風格太接近勝利，20個頂級聯賽冠軍不單止對球員，對球迷而言都係一種壓力。無計，一諗到旁邊有球會曾經叱吒風雲，攞過十幾個頂級冠軍，如今卻好似好耐無發過力咁，一眾紅魔迷當然好怕曼聯會步其後塵。不過大家都可以放心，因為莫耶斯手上有一本秘笈，係人哋攞唔到嘅：爵爺的成功心法！
執教咗26年嘅費sir，為曼聯奪得13個英超和2個歐聯冠軍。原來呢位德高望重嘅領隊，晌2012年曾接受哈佛商學院其中一位教授採訪，向對方披露出執教曼聯嘅8大成功秘訣，而近日英國《衛報》就將內容列了出來。依家就同大家睇下呢8點係咩！
1.一切從打好基礎開始
「晌我剛嚟到曼聯時，我就只係諗住一件事，就係要打造一支足球隊。當時我希望由低做起，呢個想法同好多領隊諗法唔同，99%新上任嘅領隊，第一個想法就是要贏波，因為喺某啲球隊執教，連輸3場就隨時會被炒。為確保唔好被炒、保持『勝率』，佢哋好鍾意買入有經驗嘅球員。呢個絕唔係打造球會的方式，因為新舊球員的比率對球會成長好重要。晌當今球壇之上，無咩決策者同班主會有耐性等待一個領隊花4年時間打造一支球隊。所以大家都只為贏下一場比賽而戰，而呢個只係短期目標，你好可能今場贏、下一場比賽就輸返。打造一支球隊，係需要為佢帶來穩定同埋持續性。」
2.敢於重建球隊
「我哋會將球員分為3個階段，30歲同30歲以上、23至30歲的，以及更年輕嘅一班老虎仔。年輕球員仲晌成長階段，所以必須要有唔同嘅年長球員作為佢哋嘅模範。我相信一支成功球隊嘅周期大約係4年左右，隨後必須改變，『change』， 先可以保持。因此，我哋會每隔3、4年就重新審視一下球隊，並且做出一啲適當嘅決定。因為我晌曼聯有一段好長嘅時間，所以我可以提前做定計劃，晌呢一方面，我感到非常幸運。最困難嘅事就係要放走一個好球員、俾佢離隊，但係球場上的表現代表一切，有時係有必要忍痛做決定。」
3.指標必須設得高
「為球隊設立高指標是必須嘅。就好似考試，你次次都要囝囝囡囡考一百分，咁先可以激發佢哋嘅能力。如果在球會層面，呢個就係用嚟維持球隊晌高水平嘅方法。我在球隊備戰、激勵演講，以及戰術解釋上都好高要求。領隊必須提高球員嘅期望值，要佢哋永遠都唔投降。我總係同佢哋講，如果你投降咗一次，就會有第二次。我一向習慣第一個返到去球會，訓練好比賽好都係，但晌我執教嘅最後幾年，有好多職員7點前已經就位，仲早過我到。
至於我對球星就有更高期望，超級球星自負喺大家眼中係問題，不過我知佢哋只係需要成為勝利者，正正因為佢哋自負，所以佢哋會不惜一切去尋求成功。我習慣俾C朗、碧咸、傑斯、史高斯等等球星加操，令佢哋知道要成為一個曼聯球員絕對唔容易。」
4.從來唔好放棄控制權
如果有一天曼聯領隊被球員控制，如果由球員決定訓練方式、決定幾時放假，決定紀律、戰術等等，咁紅魔就唔係大家熟識嘅曼聯。我唔會允許任何球員比我有更強氣勢，你必須要比球員更強，你總會不斷問自己，係唔係有某啲球員影響咗更衣室氣氛，影響咗球隊表現，影響咗你對球員同職員嘅控制權。如果有嘅話，你要做嘅就係要去停止，而呢個亦係唯一方法，唔理嗰位球員係唔係世界上最好嘅球員，做法都係一樣。有啲英格蘭球隊經常換領隊，咁就讓球員嘅權力提升，最後兵大過將，呢個做法的確好危險，如果教練冇權力，唔會做得好耐。」
5.適當嘅時候講適當嘅說話
「冇人喜歡被人批評，大多數人更喜歡被人鼓勵。對任何人嚟講，聽到『Well done』一定最開心。不過話又講返轉頭，當球員唔符合你嘅期望時，你亦要講出佢所犯下嘅錯誤。我總會晌賽後即時咁樣做。我賽前嘅講話總係關於期望、叫球員對自己有信心，以及對隊友信任，令佢哋有最好的心理狀態去比賽。晌中場休息可能你只得8分鐘做team talk，所以要好好把握呢段時間，如果球隊領先緊，咁一切都好容易，但如果落後，領隊角色就係要調整，一定有隊員會怕輸波，但領隊就必須保持強硬。如果球員總係害怕輸波，咁佢哋一定唔會有好表現，所以你要晌唔同時間，用言語藝術去達成唔同的效果。」
6.準備取勝
「贏波係我隊的本能。我無選擇，就算有五個主力球員因傷缺陣，我仍然要求勝利。加上我係冒險主義者，由近幾年嘅一啲比賽你就睇得出。如果最後15分鐘仍然落後，我會毅然決定冒更多險。我非常樂意見到落後1-3時仍有機會扳平、甚至反勝。因此在最後15分鐘，我會全力一搏、派更多進攻球員出擊。我唔擔心防守，因為我哋都知道最後會反勝、我哋享受嗰種感覺；更重要嘅係橫豎都係輸，輸幾多比數都係輸，點解唔全力一搏？我每支球隊都會堅持到最後，絕對唔會放棄，呢個就係爵爺出品球隊的品質。」
7.觀察力量
「觀察係教練工作的最後一部分。我之前唔係好了解呢個工作，不過在鴨巴甸執教的其中一日，我同助教開會，其中一個同我講，不如我放手一日唔帶隊訓練啦，可能有好事發生呢。我立即就話唔得，點得架？不過仔細考慮之後，我又覺得幾有道理。之後我就試下派人替我指揮訓練，之後先知呢個決定係最最重要的。咁做唔代表我放棄我對狀況的控制，我仍然掌控必要的事情，不過咁做我可以觀察到球員，正所謂當局者迷，在旁邊睇的話，你可以睇到一個球員的習慣改變，睇到佢狀態、熱情突然下降，咁我就可以出手指點。到依家我已經有非一般的觀察力，可以睇得出一個自以為自己健康的球員其實已經受咗傷。勁呢。」
8.適應變化
「當我開始執教時，球員無經理人、媒體又唔當球員係明星，更唔會想由佢哋身上挖花邊新聞。時至今日，球場設施好咗，草皮趨於完美；體育科學對備戰越嚟越重要，而且更有來自俄羅斯、中東和其他地方的老板開始投資，並且向教練施壓。情況複雜咗，球員多咗嘢諗，又受到好多保護，我只可以話球員比25年前變得脆弱好多。不過無計，你必須適應變化、調整心態、改變手段，如果唔係一定無辦法做落去。」
原文：http://www.theguardian.com/football/2013/sep/10/alex-ferguson-manchester-united-blueprint
執教咗26年嘅費sir，為曼聯奪得13個英超和2個歐聯冠軍。原來呢位德高望重嘅領隊，晌2012年曾接受哈佛商學院其中一位教授採訪，向對方披露出執教曼聯嘅8大成功秘訣，而近日英國《衛報》就將內容列了出來。依家就同大家睇下呢8點係咩！
1.一切從打好基礎開始
「晌我剛嚟到曼聯時，我就只係諗住一件事，就係要打造一支足球隊。當時我希望由低做起，呢個想法同好多領隊諗法唔同，99%新上任嘅領隊，第一個想法就是要贏波，因為喺某啲球隊執教，連輸3場就隨時會被炒。為確保唔好被炒、保持『勝率』，佢哋好鍾意買入有經驗嘅球員。呢個絕唔係打造球會的方式，因為新舊球員的比率對球會成長好重要。晌當今球壇之上，無咩決策者同班主會有耐性等待一個領隊花4年時間打造一支球隊。所以大家都只為贏下一場比賽而戰，而呢個只係短期目標，你好可能今場贏、下一場比賽就輸返。打造一支球隊，係需要為佢帶來穩定同埋持續性。」
2.敢於重建球隊
「我哋會將球員分為3個階段，30歲同30歲以上、23至30歲的，以及更年輕嘅一班老虎仔。年輕球員仲晌成長階段，所以必須要有唔同嘅年長球員作為佢哋嘅模範。我相信一支成功球隊嘅周期大約係4年左右，隨後必須改變，『change』， 先可以保持。因此，我哋會每隔3、4年就重新審視一下球隊，並且做出一啲適當嘅決定。因為我晌曼聯有一段好長嘅時間，所以我可以提前做定計劃，晌呢一方面，我感到非常幸運。最困難嘅事就係要放走一個好球員、俾佢離隊，但係球場上的表現代表一切，有時係有必要忍痛做決定。」
3.指標必須設得高
「為球隊設立高指標是必須嘅。就好似考試，你次次都要囝囝囡囡考一百分，咁先可以激發佢哋嘅能力。如果在球會層面，呢個就係用嚟維持球隊晌高水平嘅方法。我在球隊備戰、激勵演講，以及戰術解釋上都好高要求。領隊必須提高球員嘅期望值，要佢哋永遠都唔投降。我總係同佢哋講，如果你投降咗一次，就會有第二次。我一向習慣第一個返到去球會，訓練好比賽好都係，但晌我執教嘅最後幾年，有好多職員7點前已經就位，仲早過我到。
至於我對球星就有更高期望，超級球星自負喺大家眼中係問題，不過我知佢哋只係需要成為勝利者，正正因為佢哋自負，所以佢哋會不惜一切去尋求成功。我習慣俾C朗、碧咸、傑斯、史高斯等等球星加操，令佢哋知道要成為一個曼聯球員絕對唔容易。」
4.從來唔好放棄控制權
如果有一天曼聯領隊被球員控制，如果由球員決定訓練方式、決定幾時放假，決定紀律、戰術等等，咁紅魔就唔係大家熟識嘅曼聯。我唔會允許任何球員比我有更強氣勢，你必須要比球員更強，你總會不斷問自己，係唔係有某啲球員影響咗更衣室氣氛，影響咗球隊表現，影響咗你對球員同職員嘅控制權。如果有嘅話，你要做嘅就係要去停止，而呢個亦係唯一方法，唔理嗰位球員係唔係世界上最好嘅球員，做法都係一樣。有啲英格蘭球隊經常換領隊，咁就讓球員嘅權力提升，最後兵大過將，呢個做法的確好危險，如果教練冇權力，唔會做得好耐。」
5.適當嘅時候講適當嘅說話
「冇人喜歡被人批評，大多數人更喜歡被人鼓勵。對任何人嚟講，聽到『Well done』一定最開心。不過話又講返轉頭，當球員唔符合你嘅期望時，你亦要講出佢所犯下嘅錯誤。我總會晌賽後即時咁樣做。我賽前嘅講話總係關於期望、叫球員對自己有信心，以及對隊友信任，令佢哋有最好的心理狀態去比賽。晌中場休息可能你只得8分鐘做team talk，所以要好好把握呢段時間，如果球隊領先緊，咁一切都好容易，但如果落後，領隊角色就係要調整，一定有隊員會怕輸波，但領隊就必須保持強硬。如果球員總係害怕輸波，咁佢哋一定唔會有好表現，所以你要晌唔同時間，用言語藝術去達成唔同的效果。」
6.準備取勝
「贏波係我隊的本能。我無選擇，就算有五個主力球員因傷缺陣，我仍然要求勝利。加上我係冒險主義者，由近幾年嘅一啲比賽你就睇得出。如果最後15分鐘仍然落後，我會毅然決定冒更多險。我非常樂意見到落後1-3時仍有機會扳平、甚至反勝。因此在最後15分鐘，我會全力一搏、派更多進攻球員出擊。我唔擔心防守，因為我哋都知道最後會反勝、我哋享受嗰種感覺；更重要嘅係橫豎都係輸，輸幾多比數都係輸，點解唔全力一搏？我每支球隊都會堅持到最後，絕對唔會放棄，呢個就係爵爺出品球隊的品質。」
7.觀察力量
「觀察係教練工作的最後一部分。我之前唔係好了解呢個工作，不過在鴨巴甸執教的其中一日，我同助教開會，其中一個同我講，不如我放手一日唔帶隊訓練啦，可能有好事發生呢。我立即就話唔得，點得架？不過仔細考慮之後，我又覺得幾有道理。之後我就試下派人替我指揮訓練，之後先知呢個決定係最最重要的。咁做唔代表我放棄我對狀況的控制，我仍然掌控必要的事情，不過咁做我可以觀察到球員，正所謂當局者迷，在旁邊睇的話，你可以睇到一個球員的習慣改變，睇到佢狀態、熱情突然下降，咁我就可以出手指點。到依家我已經有非一般的觀察力，可以睇得出一個自以為自己健康的球員其實已經受咗傷。勁呢。」
8.適應變化
「當我開始執教時，球員無經理人、媒體又唔當球員係明星，更唔會想由佢哋身上挖花邊新聞。時至今日，球場設施好咗，草皮趨於完美；體育科學對備戰越嚟越重要，而且更有來自俄羅斯、中東和其他地方的老板開始投資，並且向教練施壓。情況複雜咗，球員多咗嘢諗，又受到好多保護，我只可以話球員比25年前變得脆弱好多。不過無計，你必須適應變化、調整心態、改變手段，如果唔係一定無辦法做落去。」
原文：http://www.theguardian.com/football/2013/sep/10/alex-ferguson-manchester-united-blueprint