對水晶宮或迎處子戰 費蘭尼數據多面睇
曼聯今夏重磅收購費蘭尼有望為紅魔上演第一場賽事，究竟呢位比利時中場能夠為紅魔帶來咩呢?
首當其衝當然係費蘭尼嘅中場爭頂能力，數據顯示，費蘭尼上賽季贏下151次頭槌，超過曼聯去季11個中場嘅總和（94次），亦超過咗曼聯兩大後衛里奧費迪南同維迪嘅總和。晌幾次曼聯同愛華頓交手入面，曼聯發現費蘭尼的確係無法可以阻擋。晌2011/12球季，曼聯同愛華頓打成4-4平手，費蘭尼不但攻入一球之餘，亦交出助攻。而晌上季曼聯作客賽事，又是費蘭尼攻入全場唯一進球。
之不過費蘭尼晌交波方面就的確稍遜一籌。去季費蘭尼晌對方半場傳球準繩度為77.59%，但上季曼聯所有中場，除了傑斯外，都超過80%，史高斯同湯卡華利、香川真司更晌87%以上。就算晌自己半場，費蘭尼嘅半場傳球準繩度亦只係83%，但卡域克、史高斯、湯卡華利、香川真司、華倫西亞、傑斯、蘭尼、費查都超過90%，其中，卡域克、史高斯同湯卡華利更超過94%。雖然係咁，但有時傳球都要有隊友配合，或者費蘭尼嚟到曼聯後會更好。
晌防守上，相信費蘭尼就可以彌補當年堅尼離隊後留下嘅空缺，俾卡域克有適當嘅保護。去季費蘭尼一人就交咗80次犯規，超過任何一個曼聯中場。而曼聯中場去季最多犯規嘅係華倫西亞，但亦不過37次，而晌被侵犯而贏得罰球方面，費蘭尼47次亦比任何一個佢嘅曼聯新隊友多，最多嘅卡域克也只被侵犯咗32次。
再同大家講埋費蘭尼入球方面嘅貢獻喇! 去季費蘭尼攻入咗11個英超入球，超過去季10個曼聯中場之和（華倫西亞、蘭尼、艾殊利楊格、卡域克、史高斯、湯卡華利、安達臣、費查、傑斯、包維），上次有曼聯中場晌一個賽季攻入10球或上，要追溯到2004/05球季，而那個人就係當時老而彌堅嘅史高斯。
仲有一項相信大家好想費蘭尼做到，就係好似史高斯當年咁，後上取得入球，或者入楔入波。去季費蘭尼射中門框以內次數為35次，卡域克同湯卡華利加起嚟只得5次，相信呢一個亦係目前曼聯好需要解決嘅問題。而費蘭尼也為愛華頓隊友提供咗40次埋門機會，比任何一個曼聯中場都多。希望費蘭尼晌曼聯呢個新環境入面，能夠同樣交出咁標榜嘅數據喇!
首當其衝當然係費蘭尼嘅中場爭頂能力，數據顯示，費蘭尼上賽季贏下151次頭槌，超過曼聯去季11個中場嘅總和（94次），亦超過咗曼聯兩大後衛里奧費迪南同維迪嘅總和。晌幾次曼聯同愛華頓交手入面，曼聯發現費蘭尼的確係無法可以阻擋。晌2011/12球季，曼聯同愛華頓打成4-4平手，費蘭尼不但攻入一球之餘，亦交出助攻。而晌上季曼聯作客賽事，又是費蘭尼攻入全場唯一進球。
之不過費蘭尼晌交波方面就的確稍遜一籌。去季費蘭尼晌對方半場傳球準繩度為77.59%，但上季曼聯所有中場，除了傑斯外，都超過80%，史高斯同湯卡華利、香川真司更晌87%以上。就算晌自己半場，費蘭尼嘅半場傳球準繩度亦只係83%，但卡域克、史高斯、湯卡華利、香川真司、華倫西亞、傑斯、蘭尼、費查都超過90%，其中，卡域克、史高斯同湯卡華利更超過94%。雖然係咁，但有時傳球都要有隊友配合，或者費蘭尼嚟到曼聯後會更好。
晌防守上，相信費蘭尼就可以彌補當年堅尼離隊後留下嘅空缺，俾卡域克有適當嘅保護。去季費蘭尼一人就交咗80次犯規，超過任何一個曼聯中場。而曼聯中場去季最多犯規嘅係華倫西亞，但亦不過37次，而晌被侵犯而贏得罰球方面，費蘭尼47次亦比任何一個佢嘅曼聯新隊友多，最多嘅卡域克也只被侵犯咗32次。
再同大家講埋費蘭尼入球方面嘅貢獻喇! 去季費蘭尼攻入咗11個英超入球，超過去季10個曼聯中場之和（華倫西亞、蘭尼、艾殊利楊格、卡域克、史高斯、湯卡華利、安達臣、費查、傑斯、包維），上次有曼聯中場晌一個賽季攻入10球或上，要追溯到2004/05球季，而那個人就係當時老而彌堅嘅史高斯。
仲有一項相信大家好想費蘭尼做到，就係好似史高斯當年咁，後上取得入球，或者入楔入波。去季費蘭尼射中門框以內次數為35次，卡域克同湯卡華利加起嚟只得5次，相信呢一個亦係目前曼聯好需要解決嘅問題。而費蘭尼也為愛華頓隊友提供咗40次埋門機會，比任何一個曼聯中場都多。希望費蘭尼晌曼聯呢個新環境入面，能夠同樣交出咁標榜嘅數據喇!