曼聯專區小評：輸波要怪莫帥 怪佢魔性未入骨
大家應該唔會忘記，畢士比爵士退休之後，麥堅尼斯上任有不穩出現。隊中球員老化、加上麥堅尼斯本人又不具備駕馭全局的能力，佐治貝斯又好似唔多聽佢支笛，最後都係被炒收場，時值1970年。接下來曼聯的成績都大起大落，直到爵爺1986年加盟整頓，在90年代才開始了曼聯的皇朝。另一個例子，利物浦領隊杜格利殊離開球隊之後，桑拿士上任，球隊成績亦一落千丈，其後多次易帥都未見起色。究竟領隊對球隊的影響是否強大至此？筆者唔敢講，不過筆者好肯定莫帥欠了曼迷一個答案。
輸俾利物浦同曼城都可以講係無可厚非，利物浦次次對曼聯都會上身、戰意激昂；而曼城的人腳更加係當今球壇數一數二。不過，輸俾西布朗呢？20年來曼聯都唔放對手在眼內、甚至對上一次未贏過對手的日子，連戴卓爾夫人都風華正茂！其中有咩問題？
睇人腳，與上屆的冠軍人馬可謂大同小異，得一個新的費蘭尼加盟、其他可謂變化不大。朗尼同雲佩斯是地上最強的前鋒組合之一、龍門迪基亞是西班牙的未來之星，其表現亦是大家都認同。稍弱的中場線，雖然唔講得上出色，但多變、有活力，蘭尼、香川，甚至卡華利，唔可以話無人製造到機會。而里奧、維迪的防守功架亦不可能一個夏天就消失得無影無蹤。所以，分別不在人腳，在於心態。
比賽中睇到曼聯陣中只有兩人仲有火，一個係急於要表現自己的朗尼；另一個係責任心驅使其行動的維迪，其他人嘅心態上好明顯都未準備好比賽、莫耶斯未有足夠的鼓勵、推動一眾球員。你話佢哋HEA踢？又唔可以咁講，不過投入程度好明顯唔夠爵爺在位之時。唔止足球，其實作為任何人，心態都可以改變一切。能力上唔夠對手、但弱旅都可以取勝的原因，在於球員有無全心投入爭勝。利物浦領隊點解換來換去都打得唔好，正正因為無人可以與球隊「同生共死」，直到有住強大意志的羅渣士出現才有起色。呢個就係點解筆者都認同要俾時間莫帥，因為呢隊曼聯其實係爵爺的曼聯。莫耶斯手上有可以打入前四的愛華頓，因為嗰隊係莫耶斯的愛華頓。假以時日，如果莫耶斯真真正正融入曼聯、與球隊榮辱與共，一眾戰將才可以打出真正的水平。
所以莫帥欠曼迷的答案，就係幾時先可以放低自己係「新帥」的身份，以「魔頭」之名帶領曼聯、發揮紅魔的潛在實力。而呢一刻來臨，睇嚟尚要一啲時間。輸波，筆者認為會一直有來。
(筆者心聲：而一眾利物浦球迷的冷嘲熱諷踩場亂叫「腰潤」都會一直有來。筆者呼籲大家當佢哋唱歌，感謝。)
輸俾利物浦同曼城都可以講係無可厚非，利物浦次次對曼聯都會上身、戰意激昂；而曼城的人腳更加係當今球壇數一數二。不過，輸俾西布朗呢？20年來曼聯都唔放對手在眼內、甚至對上一次未贏過對手的日子，連戴卓爾夫人都風華正茂！其中有咩問題？
睇人腳，與上屆的冠軍人馬可謂大同小異，得一個新的費蘭尼加盟、其他可謂變化不大。朗尼同雲佩斯是地上最強的前鋒組合之一、龍門迪基亞是西班牙的未來之星，其表現亦是大家都認同。稍弱的中場線，雖然唔講得上出色，但多變、有活力，蘭尼、香川，甚至卡華利，唔可以話無人製造到機會。而里奧、維迪的防守功架亦不可能一個夏天就消失得無影無蹤。所以，分別不在人腳，在於心態。
比賽中睇到曼聯陣中只有兩人仲有火，一個係急於要表現自己的朗尼；另一個係責任心驅使其行動的維迪，其他人嘅心態上好明顯都未準備好比賽、莫耶斯未有足夠的鼓勵、推動一眾球員。你話佢哋HEA踢？又唔可以咁講，不過投入程度好明顯唔夠爵爺在位之時。唔止足球，其實作為任何人，心態都可以改變一切。能力上唔夠對手、但弱旅都可以取勝的原因，在於球員有無全心投入爭勝。利物浦領隊點解換來換去都打得唔好，正正因為無人可以與球隊「同生共死」，直到有住強大意志的羅渣士出現才有起色。呢個就係點解筆者都認同要俾時間莫帥，因為呢隊曼聯其實係爵爺的曼聯。莫耶斯手上有可以打入前四的愛華頓，因為嗰隊係莫耶斯的愛華頓。假以時日，如果莫耶斯真真正正融入曼聯、與球隊榮辱與共，一眾戰將才可以打出真正的水平。
所以莫帥欠曼迷的答案，就係幾時先可以放低自己係「新帥」的身份，以「魔頭」之名帶領曼聯、發揮紅魔的潛在實力。而呢一刻來臨，睇嚟尚要一啲時間。輸波，筆者認為會一直有來。
(筆者心聲：而一眾利物浦球迷的冷嘲熱諷踩場亂叫「腰潤」都會一直有來。筆者呼籲大家當佢哋唱歌，感謝。)