(曼聯 對 諾域治賽後語)助教朗特：曼聯大勝賽果陸續有嚟

查維亞靴南迪斯個人梅開二度、菲爾鐘斯同法比奧錦上添花，令曼聯晌聯賽盃第四圈賽事主場4-0大勝諾域治，殺入8強，大勝之外，仲要係所以賽事上錄得3連勝，難怪賽後代替莫耶斯接受訪問嘅助教朗特，都不禁不稱讚球員表現。

「呢個係一個了不起嘅賽果，我的確好高興。在奧脫福攻入4球，總係一件特別事情，對一班年輕球員嚟講，呢場係一場不錯嘅比賽，能晌聯賽盃面對同屬英超嘅諾域治，對一班年青人汲取經驗好有幫助。我對於我哋表現同晉級結果感到高興。」

曼聯晌過去幾場比賽就算贏波，亦都係一球小勝，但今日入咗4球，朗特表示佢一直對球隊進攻充滿信心：「過去幾場比賽我們都冇踢出亮麗賽果，有好幾次擊中橫梁同中柱，但係我哋一直相信我哋遲早會大勝一場，因為我哋的確有這樣能力，今天我哋晌比賽中表現出這點。」
朗特最後稱讚了球員表現，他先後稱讚咗幾位年青人：「今晚韋費特沙夏能夠正選並且有出色表現，我真係很高興。其他一啲年輕球員，好似卡華利咁表現亦唔錯。當然仲有贊奴沙，佢隨著不斷比賽而變得越嚟越強。」

之後佢又稱讚咗今場波梅開二度嘅小豆，「佢性格好好，因此我唔認為讓佢替補會俾他帶嚟困擾。晌每一日訓練中，佢真係充滿感染力，好讓我哋知道佢喜歡入球，兼且仲係耐心等待機會，當我哋需要佢時，佢就會有好表現。」