曼聯專區小評：降伏阿仙奴一定要用悍將 鍾斯撞散兵工廠
阿仙奴的打法一向都以地面進擊、小組入楔為核心，不過曼聯一直都對擊敗兵工廠有一定的心得，原因好可能係曼聯總有一位可以撞散阿仙奴地面進擊的球員，早一啲有堅尼、近一啲有費查，而昨天的比賽，大家就見到另一位可以在阿仙奴的比賽中佔重要位置的球員出現：菲爾鍾斯！
今季阿仙奴引入大將奧斯爾，原本以為尚要一段時間才可以與阿仙奴的球員磨合成功，不過結果卻令人大跌眼鏡，佢好快就融入球隊，因為佢實在打得太「阿仙奴」了。不過呢一個亦成為曼聯的攻擊點之一。菲爾鍾斯昨天的重要任務就係凍結呢位兵工廠新核心。點解係佢？因為上一季曼聯對陣皇馬時，已經有過「鍾斯封印奧斯爾」呢一支歌仔唱過！仲好成功添！
由上半場表現嚟睇，鍾斯再次成功完成任務，奧斯爾的奪命傳送在上半場一啲都唔見影，因為佢去到邊鍾斯就飄到邊，無咗奧斯爾的傳送，阿仙奴對前場的供應、攻擊陣容就被癱瘓了好大的部分。上半場阿仙奴只有可憐的兩腳射門，仲要唔中龍，鍾斯其實係幕後的功臣之一。呢一個現象好明顯，因為在維迪傷退、下半場鍾斯移入中堅位置之後，就見到奧斯爾生返好多。
單從本場比賽睇，在防守硬淨、覆蓋面的寬度上，鍾斯已經開始貼近前輩堅尼同費查喇。而佢嘅拚命死鬥亦非常有球味，先後同對手頭撞頭，仲差啲撞到舒捷斯尼要退下火線，如此一位硬將係曼聯所必須的。不過好遺憾，如果曼聯已經有一位悍將，咁要費蘭尼做咩？如果要費蘭尼打前一格，咁要香川、朗尼、雲佩斯嚟做咩？
所以結論就係…莫耶斯真係有必要好好諗下各人的位置，唔好浪費兵力！輪換的藝術，你要好好學下喇！
今季阿仙奴引入大將奧斯爾，原本以為尚要一段時間才可以與阿仙奴的球員磨合成功，不過結果卻令人大跌眼鏡，佢好快就融入球隊，因為佢實在打得太「阿仙奴」了。不過呢一個亦成為曼聯的攻擊點之一。菲爾鍾斯昨天的重要任務就係凍結呢位兵工廠新核心。點解係佢？因為上一季曼聯對陣皇馬時，已經有過「鍾斯封印奧斯爾」呢一支歌仔唱過！仲好成功添！
由上半場表現嚟睇，鍾斯再次成功完成任務，奧斯爾的奪命傳送在上半場一啲都唔見影，因為佢去到邊鍾斯就飄到邊，無咗奧斯爾的傳送，阿仙奴對前場的供應、攻擊陣容就被癱瘓了好大的部分。上半場阿仙奴只有可憐的兩腳射門，仲要唔中龍，鍾斯其實係幕後的功臣之一。呢一個現象好明顯，因為在維迪傷退、下半場鍾斯移入中堅位置之後，就見到奧斯爾生返好多。
單從本場比賽睇，在防守硬淨、覆蓋面的寬度上，鍾斯已經開始貼近前輩堅尼同費查喇。而佢嘅拚命死鬥亦非常有球味，先後同對手頭撞頭，仲差啲撞到舒捷斯尼要退下火線，如此一位硬將係曼聯所必須的。不過好遺憾，如果曼聯已經有一位悍將，咁要費蘭尼做咩？如果要費蘭尼打前一格，咁要香川、朗尼、雲佩斯嚟做咩？
所以結論就係…莫耶斯真係有必要好好諗下各人的位置，唔好浪費兵力！輪換的藝術，你要好好學下喇！