曼聯專區小評：再談戰術 雲佩斯是如何被廢的
英雄有時可以造時勢，不過從星期六輸波的情況睇嚟，雲佩斯係被時勢逼瘋了。缺席兩個星期的雲佩斯復出，當大家都以為佢可以獨挑大樑嘅時候，事實就係比賽中雲佩斯全場只有一個攻門，就係攻入詐糊的一個。面容滄桑、成面鬍鬚的雲師兄望落去，真係似生意失敗多過似輸波…
小豆：唔好喊！堅強啲！我都未喊你喊？
無獨有偶，上一次雲師兄全場零射門的比賽，就係加盟曼聯後踢的處女比賽：上年8月21日作客愛華頓輸波，偏偏莫耶斯亦在場。第一場比賽，同隊友配合唔到好正常，在往後的日子，雲魔王的名頭就慢慢建立了。不過今仗雲佩斯的零射門，好明顯就係戰術上幫唔到佢。
雲佩斯作為前場的焦點係不容置疑，不過在戰術運用上可以好唔同。在上季雲師兄打得非常好嘅時期，其實有幾個戰術的特點：除朗尼同卡域克，其他隊友俾波雲佩斯都偏向用地波，因為雲佩斯的頂上功夫明顯唔夠腳下功夫熟，只要係腳可以掂到嘅位置，雲師兄都有方法轉變成入波。而朗尼同卡域克之所以係例外，因為佢哋可以俾到獨到的高空傳送俾雲師兄，助他突破防守球員直接攻門：而前題，都係用腳入波多。雲師兄：我想踢波呀...我唔係海獅，我唔想「頂波」呀...
不過去到莫耶斯的「愛華頓式高空轟炸」，腳腳都係左右路高Q大腳送去頭頂，如果接應的是費蘭尼呢位高佬都仲有機會，但目標係頭鎚唔熟、兼夾得1.83米、唔夠對手後衛高的雲師兄，變相就係用西瓜刀開罐頭，唔啱駛。單睇呢場比賽，雲佩斯有6次頭鎚爭頂，勝率只有一次，數據證明高波斬中俾佢好多，不過都係失敗收場。踢死你！
其實唔止佢，莫帥手下好多將士都係「用錯位」，好似香川只要一打十號位、中間位置的進攻中場就打到識飛，不過大家見得最多就係佢在左路做駁腳、行行企企。跑得快過小明嘅華倫西亞，有時要客串打左後衛，明明佢同拉菲爾就可以玩哂成條右路，偏偏就要廢拉菲爾推華倫西亞落去打右閘，對愛華頓就係咁樣出咗事。而傑斯…筆者之所以鍾意曼聯，傑斯係其中好大的原因之一，不過都要老實講句，點解今時今日仲要見到佢打足全場，或者要佢停住個波、保住勝果。今時今日佢易甩波、體力不足，好明顯應該要打hit and run戰術，做駛腳、較炮、分波，用經驗同強大的位置感去做指揮官。你諗下、回憶下，其實佢大腳交波好、短程傳送好，都係腳腳到位，不過一上腳就同碧克哥一樣，一逼就甩。所以你要佢上腳、跑足全場，根本同打少個無分別。維迪：我無眼睇...
講到呢到，筆者都唔知點收筆好…諗諗下，不如用一單新聞作結啦，香川真司因為唔舒服而無上陣對紐卡素的比賽，外界吹到好恐怖，話佢咩呼吸困難，好似好大件事咁。莫耶斯就表示，原來佢只係食滯咗，要洗胃，唔係咩大事…你睇下，人哋女仔分手就話化悲憤為食量，家下香川灰到要暴飲暴食，同失戀有咩分別？
小豆：唔好喊！堅強啲！我都未喊你喊？
無獨有偶，上一次雲師兄全場零射門的比賽，就係加盟曼聯後踢的處女比賽：上年8月21日作客愛華頓輸波，偏偏莫耶斯亦在場。第一場比賽，同隊友配合唔到好正常，在往後的日子，雲魔王的名頭就慢慢建立了。不過今仗雲佩斯的零射門，好明顯就係戰術上幫唔到佢。
雲佩斯作為前場的焦點係不容置疑，不過在戰術運用上可以好唔同。在上季雲師兄打得非常好嘅時期，其實有幾個戰術的特點：除朗尼同卡域克，其他隊友俾波雲佩斯都偏向用地波，因為雲佩斯的頂上功夫明顯唔夠腳下功夫熟，只要係腳可以掂到嘅位置，雲師兄都有方法轉變成入波。而朗尼同卡域克之所以係例外，因為佢哋可以俾到獨到的高空傳送俾雲師兄，助他突破防守球員直接攻門：而前題，都係用腳入波多。雲師兄：我想踢波呀...我唔係海獅，我唔想「頂波」呀...
不過去到莫耶斯的「愛華頓式高空轟炸」，腳腳都係左右路高Q大腳送去頭頂，如果接應的是費蘭尼呢位高佬都仲有機會，但目標係頭鎚唔熟、兼夾得1.83米、唔夠對手後衛高的雲師兄，變相就係用西瓜刀開罐頭，唔啱駛。單睇呢場比賽，雲佩斯有6次頭鎚爭頂，勝率只有一次，數據證明高波斬中俾佢好多，不過都係失敗收場。踢死你！
其實唔止佢，莫帥手下好多將士都係「用錯位」，好似香川只要一打十號位、中間位置的進攻中場就打到識飛，不過大家見得最多就係佢在左路做駁腳、行行企企。跑得快過小明嘅華倫西亞，有時要客串打左後衛，明明佢同拉菲爾就可以玩哂成條右路，偏偏就要廢拉菲爾推華倫西亞落去打右閘，對愛華頓就係咁樣出咗事。而傑斯…筆者之所以鍾意曼聯，傑斯係其中好大的原因之一，不過都要老實講句，點解今時今日仲要見到佢打足全場，或者要佢停住個波、保住勝果。今時今日佢易甩波、體力不足，好明顯應該要打hit and run戰術，做駛腳、較炮、分波，用經驗同強大的位置感去做指揮官。你諗下、回憶下，其實佢大腳交波好、短程傳送好，都係腳腳到位，不過一上腳就同碧克哥一樣，一逼就甩。所以你要佢上腳、跑足全場，根本同打少個無分別。維迪：我無眼睇...
講到呢到，筆者都唔知點收筆好…諗諗下，不如用一單新聞作結啦，香川真司因為唔舒服而無上陣對紐卡素的比賽，外界吹到好恐怖，話佢咩呼吸困難，好似好大件事咁。莫耶斯就表示，原來佢只係食滯咗，要洗胃，唔係咩大事…你睇下，人哋女仔分手就話化悲憤為食量，家下香川灰到要暴飲暴食，同失戀有咩分別？