維拉對曼聯賽後語 ｜ 費查：我真係返嚟喇！
昨天的比賽，大家的目光除咗入兩球(同浪費咗一堆機會)嘅韋碧克身上，當然仲有久休復出嘅費查啦！佢差唔多成年無出陣過，今個比賽上陣真係令人非常開心！
佢咁講：「無錯，我好好，無穿無爛返嚟喇。如無意外，呢場比賽代表我真係可以重返綠茵場了。我諗我終於都挨過呢幾年嘅健康問題同挫折，我好感恩。所有嘢都係重回軌道之中。我總係相信我可以返嚟，我一直都有呢個心態。其實周圍都有人叫我放棄，諗下另外一啲出路，不過我好堅持，我信，我信我有一日可以返到賽場。因為我知道堅持係惟一出路，我知我要好努力、克服好多先可以做到。不過，我嘅信念同決心幫我完成呢個決定。
我有好多人要多謝，特別係屋企人，無佢哋我根本唔可能返嚟比賽場。不過可以喺一場咁好嘅比賽上陣，得到球迷的熱烈歡迎，咩都抵返哂。我細細個就鍾意踢波，而且都好榮幸可以為曼聯上陣，所以我唔會咁易就放棄。而我仲係29歲，仲有力去打仗，我知我仲有好多年可以打。
你話曼聯依家要啲咩？我諗我哋係要連勝比賽，新年之前我哋要連贏、保持自己喺可以爭標的範圍之內。人人都要有呢個心態，而作客可以3-0贏波就係第一步。不過，連勝真係好重要，要同大家宣佈，曼聯已經返咗嚟！」傑斯：加油呀查仔！
當然，莫帥都有讚呢位曼聯的「中場新星」啦：「無論邊個，病咗咁耐、仲要喺曼聯呢啲頂級球隊再次上陣，單係咁已經唔簡單，佢話俾大家聽佢真係非同一般。出入醫院、做手術、呢啲都係好辛苦嘅。所以佢可以返嚟，對好多人而言都係一個啟發，你要相信自己。自己唔夠好，就要相信自己可以更好。更重要嘅係，佢完全無脫隊嘅感覺，佢打得好好。我同佢講，你今仗應該入波添！個頭鎚真係差少少架咋！」
不過對於韋碧克，主帥都…幾讚賞佢嘅：「兩個入波對丹尼(韋碧克)而言好重要，因為佢係前鋒，佢好需要入波去證明自己，尤其係外間一直都認為佢入波數字唔夠多嘅時候。佢今日入咗兩個 poacher式入波，不過總體而言，佢嘅走動為對手構成好大的威脅。我好讚賞佢，尤其係羅賓同小豆都傷嘅時候，佢填補咗位置同做到嘢。呢個就係表現自己嘅最好機會，佢做到咗。」
至於香川真司，原來佢一直都未病好，所以佢未有機會上陣。老實講，筆者真係寧願佢打進攻中場…不過無所謂啦，只要曼聯場場都贏波，黑帝你入唔到波其實有咩所謂？只要唔好再因為你誤咗軍情，就算場場見到你筆者都無所謂！
佢咁講：「無錯，我好好，無穿無爛返嚟喇。如無意外，呢場比賽代表我真係可以重返綠茵場了。我諗我終於都挨過呢幾年嘅健康問題同挫折，我好感恩。所有嘢都係重回軌道之中。我總係相信我可以返嚟，我一直都有呢個心態。其實周圍都有人叫我放棄，諗下另外一啲出路，不過我好堅持，我信，我信我有一日可以返到賽場。因為我知道堅持係惟一出路，我知我要好努力、克服好多先可以做到。不過，我嘅信念同決心幫我完成呢個決定。
我有好多人要多謝，特別係屋企人，無佢哋我根本唔可能返嚟比賽場。不過可以喺一場咁好嘅比賽上陣，得到球迷的熱烈歡迎，咩都抵返哂。我細細個就鍾意踢波，而且都好榮幸可以為曼聯上陣，所以我唔會咁易就放棄。而我仲係29歲，仲有力去打仗，我知我仲有好多年可以打。
你話曼聯依家要啲咩？我諗我哋係要連勝比賽，新年之前我哋要連贏、保持自己喺可以爭標的範圍之內。人人都要有呢個心態，而作客可以3-0贏波就係第一步。不過，連勝真係好重要，要同大家宣佈，曼聯已經返咗嚟！」傑斯：加油呀查仔！
當然，莫帥都有讚呢位曼聯的「中場新星」啦：「無論邊個，病咗咁耐、仲要喺曼聯呢啲頂級球隊再次上陣，單係咁已經唔簡單，佢話俾大家聽佢真係非同一般。出入醫院、做手術、呢啲都係好辛苦嘅。所以佢可以返嚟，對好多人而言都係一個啟發，你要相信自己。自己唔夠好，就要相信自己可以更好。更重要嘅係，佢完全無脫隊嘅感覺，佢打得好好。我同佢講，你今仗應該入波添！個頭鎚真係差少少架咋！」
不過對於韋碧克，主帥都…幾讚賞佢嘅：「兩個入波對丹尼(韋碧克)而言好重要，因為佢係前鋒，佢好需要入波去證明自己，尤其係外間一直都認為佢入波數字唔夠多嘅時候。佢今日入咗兩個 poacher式入波，不過總體而言，佢嘅走動為對手構成好大的威脅。我好讚賞佢，尤其係羅賓同小豆都傷嘅時候，佢填補咗位置同做到嘢。呢個就係表現自己嘅最好機會，佢做到咗。」
至於香川真司，原來佢一直都未病好，所以佢未有機會上陣。老實講，筆者真係寧願佢打進攻中場…不過無所謂啦，只要曼聯場場都贏波，黑帝你入唔到波其實有咩所謂？只要唔好再因為你誤咗軍情，就算場場見到你筆者都無所謂！