曼聯專區小評 ｜ 再談戰術：魔翼重生=曼聯復活
剛剛同大家探討完曼聯的fear factor開始消失，不過對維拉的比賽就話俾大家知，曼聯仲有fear factor可以重生，當然唔可能係魔王雲佩斯的回歸，而係魔翼的回歸！
韋碧克一場入兩粒大家唔好驚，因為佢攻入嘅其實係兩腳「門前搶點破門」，得罪都要講句，俾小豆、雲佩斯、甚至馬捷達，都一樣入到兩粒…唔係，應該係，入夠五粒先啱。因為呢場比賽的最關鍵人物唔係入波嘅人，而係搞亂對手成條左路嘅拉菲爾同華倫西亞。筆者講過，呢兩位右路大將非常合拍，二人私下都係非常要好嘅朋友，場上的默契非常強，可以左右成條右路。而對維拉的比賽正正就係二人互相解放之後，撕碎對手防線的一大明證：就算面對曼城和車路士等等防守見長的勁旅，二人依然有能力力爆。
老實講，維拉在中場爭奪中並未落下風，因為卡華利其實未真正構成威脅。喺呢個on call 90分鐘入面，維拉的死因其實係左路的完全崩潰。睇返精華，有幾個畫面無獨有偶咁重複又重複：朗尼於中場大腳轉方向去右路，華倫西亞控定傳送到入楔的拉菲爾腳下，而贊奴沙同韋碧克就好似蜜蜂嬲蜜糖咁擁埋去接應拉菲爾的長短傳送。維拉明知你係咁做，不過就偏偏束手無策，因為拉菲爾同華倫西亞的速度實在太快、轉向實在太難觸摸了。快到就連艾邦拉荷都要急急回防，賓迪基詩人獨憔悴。比賽中，佢哋總共為曼聯制造了10次射門機會：正正就係曼聯嘅十次埋門。
兩翼齊飛一直都係曼聯嘅傳統。傑斯同簡察斯基、碧咸，甚至C朗，都係恐怖嘅魔鬼左右翼。呢支歌仔原本已經無得唱好耐，不過拉菲爾同華倫西亞話俾大家知，其實魔翼仲係曼聯的殺著之一。只要有兩位鎮守右路，再加上贊奴沙打穩左路、由傑斯身上領悟到點樣一個人打哂左面，曼聯係有機會打返fear factor出嚟嘅。當然，仲要莫耶斯唔好逼左右路再高Q大腳，而係要佢哋發揮速度同多變性啦。咁做法，一眾禁區之狼好似小豆、雲佩斯嘅入波就會源源不絕喇！
韋碧克一場入兩粒大家唔好驚，因為佢攻入嘅其實係兩腳「門前搶點破門」，得罪都要講句，俾小豆、雲佩斯、甚至馬捷達，都一樣入到兩粒…唔係，應該係，入夠五粒先啱。因為呢場比賽的最關鍵人物唔係入波嘅人，而係搞亂對手成條左路嘅拉菲爾同華倫西亞。筆者講過，呢兩位右路大將非常合拍，二人私下都係非常要好嘅朋友，場上的默契非常強，可以左右成條右路。而對維拉的比賽正正就係二人互相解放之後，撕碎對手防線的一大明證：就算面對曼城和車路士等等防守見長的勁旅，二人依然有能力力爆。
老實講，維拉在中場爭奪中並未落下風，因為卡華利其實未真正構成威脅。喺呢個on call 90分鐘入面，維拉的死因其實係左路的完全崩潰。睇返精華，有幾個畫面無獨有偶咁重複又重複：朗尼於中場大腳轉方向去右路，華倫西亞控定傳送到入楔的拉菲爾腳下，而贊奴沙同韋碧克就好似蜜蜂嬲蜜糖咁擁埋去接應拉菲爾的長短傳送。維拉明知你係咁做，不過就偏偏束手無策，因為拉菲爾同華倫西亞的速度實在太快、轉向實在太難觸摸了。快到就連艾邦拉荷都要急急回防，賓迪基詩人獨憔悴。比賽中，佢哋總共為曼聯制造了10次射門機會：正正就係曼聯嘅十次埋門。
兩翼齊飛一直都係曼聯嘅傳統。傑斯同簡察斯基、碧咸，甚至C朗，都係恐怖嘅魔鬼左右翼。呢支歌仔原本已經無得唱好耐，不過拉菲爾同華倫西亞話俾大家知，其實魔翼仲係曼聯的殺著之一。只要有兩位鎮守右路，再加上贊奴沙打穩左路、由傑斯身上領悟到點樣一個人打哂左面，曼聯係有機會打返fear factor出嚟嘅。當然，仲要莫耶斯唔好逼左右路再高Q大腳，而係要佢哋發揮速度同多變性啦。咁做法，一眾禁區之狼好似小豆、雲佩斯嘅入波就會源源不絕喇！