再追馬達 曼聯中場急需輸血
今季的曼聯可以稱得上是慘不忍睹，尤其中場的崩潰與左後衛位置的替補無人成為致命傷，艾夫拿以大年紀連連爭戰已經無力再爆；中場位置更加比上年更嚴峻，一月轉會市場實在有必要加入新血。而英媒指曼聯的目標已經指向車路士的進攻核心：馬達。
點解又返去佢身上？因為佢同摩連奴的問題好似仲未解決，上一場比賽佢被換出時大發脾氣，令大家都認為佢會落車在即。而且，最決定性的，是摩帥都咁講：「我哋對馬達的轉會已經開綠燈，只要球員想同我哋傾離隊，我哋唔會拒絕。不過你問我，我當然唔想賣走佢。」然而，由八月起馬達的離隊傳聞已經不絕於耳，今次仲將問題擺出面，睇嚟呢位上季車路士最佳球員、入波助攻都非常拿手嘅進攻中場真係會離隊他投。而曼聯就係睇中呢個機會，想將佢納入魔隊之中。
不過呢個轉會其實阻力唔細，車路士當然唔會想將佢賣予曼聯，因為國外球隊如巴黎聖日耳門、馬體會都對馬達好有興趣，紅魔其實真係幾難爭得贏。所以惟一的機會，就係馬達自己表達想去曼聯的決心，情況就同上年法比加斯的情況一樣。筆者就認為，如果馬達意氣用事，曼聯就會有機可乘。投魔、助曼聯擊敗車仔奪冠，正正可以為馬達出一口心中污氣。當然，筆者唔會對呢單轉會有太大的期望啦！不過至少，馬達的功用比費蘭尼要大好多….
至於較為易的轉會目標，就要數修咸頓的拉蘭拿，同埋紐卡素的卡巴耶。不過論級數，當然離馬達有啲距離啦。要好似奧斯咁幫手打起阿仙奴，曼聯實在有必要爭馬達呢一種級數的球員先有機會。
點解又返去佢身上？因為佢同摩連奴的問題好似仲未解決，上一場比賽佢被換出時大發脾氣，令大家都認為佢會落車在即。而且，最決定性的，是摩帥都咁講：「我哋對馬達的轉會已經開綠燈，只要球員想同我哋傾離隊，我哋唔會拒絕。不過你問我，我當然唔想賣走佢。」然而，由八月起馬達的離隊傳聞已經不絕於耳，今次仲將問題擺出面，睇嚟呢位上季車路士最佳球員、入波助攻都非常拿手嘅進攻中場真係會離隊他投。而曼聯就係睇中呢個機會，想將佢納入魔隊之中。
不過呢個轉會其實阻力唔細，車路士當然唔會想將佢賣予曼聯，因為國外球隊如巴黎聖日耳門、馬體會都對馬達好有興趣，紅魔其實真係幾難爭得贏。所以惟一的機會，就係馬達自己表達想去曼聯的決心，情況就同上年法比加斯的情況一樣。筆者就認為，如果馬達意氣用事，曼聯就會有機可乘。投魔、助曼聯擊敗車仔奪冠，正正可以為馬達出一口心中污氣。當然，筆者唔會對呢單轉會有太大的期望啦！不過至少，馬達的功用比費蘭尼要大好多….
至於較為易的轉會目標，就要數修咸頓的拉蘭拿，同埋紐卡素的卡巴耶。不過論級數，當然離馬達有啲距離啦。要好似奧斯咁幫手打起阿仙奴，曼聯實在有必要爭馬達呢一種級數的球員先有機會。