曼聯專區小評：莫家軍的悲哀
2014年對曼聯而言，係新時代嘅開始：新沒落時代嘅開始。一月份的頭三戰，分別在1號，5號，7號，比賽分別係聯賽、FA Cup、英聯盃，比數都係一樣，2:1，不過都係：輸波。人腳，老實講同上年真係無咩分別，點解一隊係冠軍隊伍，一隊沉淪至此？筆者不止一次強調過唔可以只怪莫耶斯，球員的心理質素、壓力都好重要，不過到咗2014，真係不得不講一句：領隊有能力、有統軍魅力，唔可能連續三場都無法振奮士氣、激勵軍心。反觀無咗莫耶斯嘅愛華頓，在馬天尼斯的領軍之下奇兵突出，成為豪門夢魘，聯賽中曼聯、利物浦、阿仙奴、熱刺都無法在其身上全取三分。如果爵爺係可以將一隊二線波點石成金變成爭標份子的人，莫耶斯就係將一隊波的潛能壓抑的人。其三宗罪，於此可見一斑：
一：戰術呆滯
10餘年的英超經驗未必係毅力的表現，可能只係抱殘守缺的表象。戰術方面，佢可以比程咬金更大件事，程咬金只有三招，莫帥只有一招，分波到邊線、再出波去中間，完。雲佩斯係呢個戰術之下的即時犧牲者，筆者講過雲佩斯的腳下功夫比頂上功夫強大得多，不過在「愛華頓式高空轟炸」之下，雲佩斯即時啞火。近兩仗唯一入波都係來自角球攻勢、頭鎚攻入，已經話俾大家知曼聯的小組入楔能力已經趨近於無。
二：侏儸紀時代的訓練模式
莫耶斯的體能訓練近乎苛刻，大家都知道呢個事實，不過搬字過紙唔一定係好事。好不幸，雲佩斯亦係呢訓練模式之下的即時犧牲者，佢已經出名係玻璃人，呢兩年識避重就輕之後情好咗啲啲，不過在「愛華頓式體能訓練」之下，唔單止佢成日傷，就連鐵人朗尼都頂唔順，久唔久就在訓練場上受傷。就連季前嚟香港，雲佩斯上陣十分鐘莫耶斯都嫌唔夠，都要逼佢比賽完之後在「香港殺人大球場」上練跑近15分鐘。
荷蘭國家隊的體能訓練導師雷蒙德曾炮轟莫耶斯訓練方式「仍然停留在遠古時代」，再加上曼聯的幾條戰線與愛華頓不能比擬，筆者甚至有諗過曼聯根本就唔需要訓練，因為大量比賽、以戰養戰已經令一班正選隊員有足夠的體能「訓練」。「操死」，唔一定要日本色情動作片先見到，睇曼聯已經睇得到。
三：王家衛式用人
王家衛式電影，筆者從來都唔係好睇得明；同樣的，「愛華頓式點將」筆者都唔係好睇得明。昨天的比賽，87分鐘千呼萬喚的小豆終於以救世主的姿態出現在球場之上…咪住，蘇斯克查對與諾定咸森林的比賽，後備上陣15分鐘攻入4球，平均都要4分鐘一球；唔計補時小豆你有3分鐘時間，請你表現得比蘇B更有殺傷力，現在計時開始。
香川真司？在多蒙特佢嘅出波好強，打攻中好勁，上年試過一仗入3粒，都係因為打前一格。今季？英超歐聯還零入波零助攻。費蘭尼係佢好朋友，都係零貢獻。如果要話韋碧克上季犧牲自己打左翼無入波；香川都係同樣的故事。只係，犧牲都要有意義。
愛華頓如囊中之錐
囊中之錐，下句係穎脫而出，意思係尖錐放在囊中，自然會戳穿個袋跌出嚟。而愛華頓，好明顯就係戳極都戳唔穿莫耶斯個袋，馬天尼斯就幫到手了。輪進攻，愛華頓的章法更佳，拖肥糖場均15.3次射門，是英超第五，曼聯只有13.2，排名第九；輪防守，拖肥糖20輪失19球，曼聯20輪失24球。上季愛華頓第20輪時得33分，攻入33球，失25球，排在聯賽第6位。本季的曼聯，英超20輪過後得34分，攻入33球，失24球，排在第7，真係打足球經理遊戲、用盡save load大法都無咁準。
到呢到，筆者罵完一輪，心情好返啲，亦希望各位看官都係一邊看一邊罵，看得過癮。不過罵還罵，筆者誠邀大家1月11一齊自虐，睇下2014第四場波，會有咩結果。
一：戰術呆滯
10餘年的英超經驗未必係毅力的表現，可能只係抱殘守缺的表象。戰術方面，佢可以比程咬金更大件事，程咬金只有三招，莫帥只有一招，分波到邊線、再出波去中間，完。雲佩斯係呢個戰術之下的即時犧牲者，筆者講過雲佩斯的腳下功夫比頂上功夫強大得多，不過在「愛華頓式高空轟炸」之下，雲佩斯即時啞火。近兩仗唯一入波都係來自角球攻勢、頭鎚攻入，已經話俾大家知曼聯的小組入楔能力已經趨近於無。
二：侏儸紀時代的訓練模式
莫耶斯的體能訓練近乎苛刻，大家都知道呢個事實，不過搬字過紙唔一定係好事。好不幸，雲佩斯亦係呢訓練模式之下的即時犧牲者，佢已經出名係玻璃人，呢兩年識避重就輕之後情好咗啲啲，不過在「愛華頓式體能訓練」之下，唔單止佢成日傷，就連鐵人朗尼都頂唔順，久唔久就在訓練場上受傷。就連季前嚟香港，雲佩斯上陣十分鐘莫耶斯都嫌唔夠，都要逼佢比賽完之後在「香港殺人大球場」上練跑近15分鐘。
荷蘭國家隊的體能訓練導師雷蒙德曾炮轟莫耶斯訓練方式「仍然停留在遠古時代」，再加上曼聯的幾條戰線與愛華頓不能比擬，筆者甚至有諗過曼聯根本就唔需要訓練，因為大量比賽、以戰養戰已經令一班正選隊員有足夠的體能「訓練」。「操死」，唔一定要日本色情動作片先見到，睇曼聯已經睇得到。
三：王家衛式用人
王家衛式電影，筆者從來都唔係好睇得明；同樣的，「愛華頓式點將」筆者都唔係好睇得明。昨天的比賽，87分鐘千呼萬喚的小豆終於以救世主的姿態出現在球場之上…咪住，蘇斯克查對與諾定咸森林的比賽，後備上陣15分鐘攻入4球，平均都要4分鐘一球；唔計補時小豆你有3分鐘時間，請你表現得比蘇B更有殺傷力，現在計時開始。
香川真司？在多蒙特佢嘅出波好強，打攻中好勁，上年試過一仗入3粒，都係因為打前一格。今季？英超歐聯還零入波零助攻。費蘭尼係佢好朋友，都係零貢獻。如果要話韋碧克上季犧牲自己打左翼無入波；香川都係同樣的故事。只係，犧牲都要有意義。
愛華頓如囊中之錐
囊中之錐，下句係穎脫而出，意思係尖錐放在囊中，自然會戳穿個袋跌出嚟。而愛華頓，好明顯就係戳極都戳唔穿莫耶斯個袋，馬天尼斯就幫到手了。輪進攻，愛華頓的章法更佳，拖肥糖場均15.3次射門，是英超第五，曼聯只有13.2，排名第九；輪防守，拖肥糖20輪失19球，曼聯20輪失24球。上季愛華頓第20輪時得33分，攻入33球，失25球，排在聯賽第6位。本季的曼聯，英超20輪過後得34分，攻入33球，失24球，排在第7，真係打足球經理遊戲、用盡save load大法都無咁準。
到呢到，筆者罵完一輪，心情好返啲，亦希望各位看官都係一邊看一邊罵，看得過癮。不過罵還罵，筆者誠邀大家1月11一齊自虐，睇下2014第四場波，會有咩結果。