曼聯專區小評：有麝自然「香」…？
上周六贏波之後，一眾莫家軍「掌老」都去到歐洲各地睇波，好似想盡最後的努力搵出一月份最可能的收購咁：莫帥同一隊教練林斯頓去到祖雲達斯睇波，估計係睇緊馬治斯奧同普巴；菲臘仔去咗睇基達菲對華歷簡奴，有機會係睇小將沙奧尼古斯。而皇馬對賓菲加的比賽亦有曼聯的球探在場。至今，其實佢哋已經睇咗近35個球員，想去搵後衛、攻擊中場。
先唔好理新收購，呢個舉動令人感覺到莫耶斯好似仍然對香川真司完全無信心咁。無錯，香川一直都打唔出多仔時嘅水準，枉有曼聯全球第四大球衣銷售數量嘅佢，好似一直都打唔出身價。不過上一仗對史雲斯，喺莫帥再一次放佢喺左路的開局之下，佢以不屈嘅鬥志打出佢加盟之後最好表現嘅一戰，其實亦想同莫耶斯證明一啲嘢。不過，呢個訊息傳唔傳達到呢？
曼聯嘅商業品牌員工好喜歡香川，因為佢嘅日本人身份令當地嘅廣告、贊助大增，而季前的曼聯日本之行賺到笑，亦同香川有好大關係。曼聯嘅教練團亦好喜歡香川，喺佢哋眼中香川係「無名英雄」，認為有佢喺左路就可以令曼聯嘅中場中有多咗空間進攻。雖然，事實已經證明呢個諗法真係幾錯。不過，香川擁有強大足球知慧嘅形象，已經在教練團印象中根深柢固。曼聯嘅球員，都好喜歡香川，因為佢態度認真，而且講起笑上來都好認真。佢好喜歡用「magnificent (華麗、壯闊)」呢個英文字，仲用到爛，成日笑死班隊友。好似隊友問佢：「你覺得今日打成點呀？」「magnificent！」
「日元疲弱噃，即係你無加薪都等如有加薪啦！」「magnificent！」
「安達臣又偷你份多士噃！」「magnificent！」
不過，最慘係領隊莫耶斯好似遲遲都未fall in love with Kagawa。喺左路投閒置散嘅香川一轉入去打攻中，立即好似變咗身一樣，轉向、創造、反擊樣樣齊，甚至贊奴沙嘅光芒其實亦好建基於香川真司。唔係佢做中間人，贊奴沙嘅翼唔會打得咁舒服。如果史摩寧唔係浪費咗香川嘅妙傳、如果對方門將唔係擋出佢嘅頭鎚，香川可能已經一入波一助攻。不過賽後，莫帥根本無點名讚過香川，反而將愛將贊奴沙捧上天。可以預見，只要朗尼、雲佩斯一復出，香川又會返到去左路，甚至返到去後備席。
所以，即使香川在亞洲球迷眼中幾咁magnificent，依家嘅曼聯注定唔係佢嘅世界。要好似長友佑都咁主宰國米、本田圭佑捧起珍貴嘅米蘭十號球衣？一日莫帥唔肯重用，一日英超都唔會係香川嘅英雄地。作為佢嘅粉絲之一、為咗香川嘅未來，筆者仍然好想佢可以返到成名之地多蒙特，起碼，可以踢得開開心心…
先唔好理新收購，呢個舉動令人感覺到莫耶斯好似仍然對香川真司完全無信心咁。無錯，香川一直都打唔出多仔時嘅水準，枉有曼聯全球第四大球衣銷售數量嘅佢，好似一直都打唔出身價。不過上一仗對史雲斯，喺莫帥再一次放佢喺左路的開局之下，佢以不屈嘅鬥志打出佢加盟之後最好表現嘅一戰，其實亦想同莫耶斯證明一啲嘢。不過，呢個訊息傳唔傳達到呢？
曼聯嘅商業品牌員工好喜歡香川，因為佢嘅日本人身份令當地嘅廣告、贊助大增，而季前的曼聯日本之行賺到笑，亦同香川有好大關係。曼聯嘅教練團亦好喜歡香川，喺佢哋眼中香川係「無名英雄」，認為有佢喺左路就可以令曼聯嘅中場中有多咗空間進攻。雖然，事實已經證明呢個諗法真係幾錯。不過，香川擁有強大足球知慧嘅形象，已經在教練團印象中根深柢固。曼聯嘅球員，都好喜歡香川，因為佢態度認真，而且講起笑上來都好認真。佢好喜歡用「magnificent (華麗、壯闊)」呢個英文字，仲用到爛，成日笑死班隊友。好似隊友問佢：「你覺得今日打成點呀？」「magnificent！」
「日元疲弱噃，即係你無加薪都等如有加薪啦！」「magnificent！」
「安達臣又偷你份多士噃！」「magnificent！」
不過，最慘係領隊莫耶斯好似遲遲都未fall in love with Kagawa。喺左路投閒置散嘅香川一轉入去打攻中，立即好似變咗身一樣，轉向、創造、反擊樣樣齊，甚至贊奴沙嘅光芒其實亦好建基於香川真司。唔係佢做中間人，贊奴沙嘅翼唔會打得咁舒服。如果史摩寧唔係浪費咗香川嘅妙傳、如果對方門將唔係擋出佢嘅頭鎚，香川可能已經一入波一助攻。不過賽後，莫帥根本無點名讚過香川，反而將愛將贊奴沙捧上天。可以預見，只要朗尼、雲佩斯一復出，香川又會返到去左路，甚至返到去後備席。
所以，即使香川在亞洲球迷眼中幾咁magnificent，依家嘅曼聯注定唔係佢嘅世界。要好似長友佑都咁主宰國米、本田圭佑捧起珍貴嘅米蘭十號球衣？一日莫帥唔肯重用，一日英超都唔會係香川嘅英雄地。作為佢嘅粉絲之一、為咗香川嘅未來，筆者仍然好想佢可以返到成名之地多蒙特，起碼，可以踢得開開心心…