曼聯專區小評：馬達成魔四問
ESPN稱24小時內馬達就會加盟，呢個衝擊嘅事實一方面衝擊一眾曼迷，同時筆者亦立即諗：有一堆問題令曼聯實在無必要買馬達…
第一問
首先，筆者會諗，究竟我哋係唔係發緊夢？連費蘭尼都咁難先簽到，馬達話簽就簽？車路士真係肯將佢賣俾宿敵？如果有一天，馬達對車仔載帽，一定會有人話：都叫咗摩帥你唔好白痴架啦，賣把尖刀俾人！不過，諗深一層，其實呢個都係商業買賣，有價有市點解唔做？可能真係會有紅色馬達幫曼聯起死回生，不過呢3700萬唔通唔係錢？就算班主唔俾你用哂，用一半摩帥都有近2000萬買新球員。所以，呢單買賣係強化曼聯定係槽肥車仔仍然係未知之數…
第二問
另一方面，有人會話，曼聯在莫耶斯手下已經今非昔比，點會仲有人肯成魔。馬達傻先會轉會。其實，一眾球員當然會以球會的成績做轉會的指標，不過下下都要加盟冠軍隊伍，咁仲邊有人打其他球隊？其實，對一個球員而言，薪水、合約長短、上陣機會先係最重要的考慮條件，家下去曼聯一定有得打正選，比起喺車仔坐冷板凳，我係馬達都識揀啦！
第三問
亦有人諗過，點解上年七月馬達唔走，到今日先走？其實馬達自己都有考量，一方面佢喺車仔其實有好多粉絲，得到好多球迷的歡心。佢選擇唔走，係希望可以令摩帥回心轉意，同時間阿巴莫域治亦積極遊說佢留低。然而，過咗幾個月唔單止無改善，佢同摩帥的問題卻更益嚴重，為咗可以在世界盃得到表現機會，馬達可謂被逼上梁山、不得不走。
第四問
然而，對曼聯而言，呢個轉會其實都未必利多於弊。首先，歐洲已經吹起球壇的「財政公平」之風，希望效法籃球比賽、通過設置工資上限令競賽變得公平，由此可見，如果真係付之實行，一定有大量支高薪的好球員被放棄、流入市場。馬達就是馬達，如果摩帥一直唔用佢，季尾佢好可能以更低的價錢進入市場，點解唔等平貨呢？另一方面，佢係唔係真係適合曼聯的打法？攻擊中場，喺曼聯陣中已經有雲佩斯、朗尼、香川，再加多一個，點排陣好？打4312，馬達守在2R之後？如果莫帥要打呢個陣，一早就有機會俾香川打。打4411？咁2R點？
不過，呢個問題可以好簡單答完，依家朗尼、雲佩斯輪住傷，根本一位2R成員都無得上陣，有必要買入馬達整合攻擊力。有佢幫手，點都好過依家無將可用。加上，依家曼聯陣中死氣沉沉，如果有一尾「活魚」進入，有機會可以激發大家嘅精神，打返生其他球員。
問完一輪，睇嚟最應該問嘅，係幾時公布？有好過無的情況下，馬達，你都係快快脆入隊，睇下有咩化學反應仲好啦！
第一問
首先，筆者會諗，究竟我哋係唔係發緊夢？連費蘭尼都咁難先簽到，馬達話簽就簽？車路士真係肯將佢賣俾宿敵？如果有一天，馬達對車仔載帽，一定會有人話：都叫咗摩帥你唔好白痴架啦，賣把尖刀俾人！不過，諗深一層，其實呢個都係商業買賣，有價有市點解唔做？可能真係會有紅色馬達幫曼聯起死回生，不過呢3700萬唔通唔係錢？就算班主唔俾你用哂，用一半摩帥都有近2000萬買新球員。所以，呢單買賣係強化曼聯定係槽肥車仔仍然係未知之數…
第二問
另一方面，有人會話，曼聯在莫耶斯手下已經今非昔比，點會仲有人肯成魔。馬達傻先會轉會。其實，一眾球員當然會以球會的成績做轉會的指標，不過下下都要加盟冠軍隊伍，咁仲邊有人打其他球隊？其實，對一個球員而言，薪水、合約長短、上陣機會先係最重要的考慮條件，家下去曼聯一定有得打正選，比起喺車仔坐冷板凳，我係馬達都識揀啦！
第三問
亦有人諗過，點解上年七月馬達唔走，到今日先走？其實馬達自己都有考量，一方面佢喺車仔其實有好多粉絲，得到好多球迷的歡心。佢選擇唔走，係希望可以令摩帥回心轉意，同時間阿巴莫域治亦積極遊說佢留低。然而，過咗幾個月唔單止無改善，佢同摩帥的問題卻更益嚴重，為咗可以在世界盃得到表現機會，馬達可謂被逼上梁山、不得不走。
第四問
然而，對曼聯而言，呢個轉會其實都未必利多於弊。首先，歐洲已經吹起球壇的「財政公平」之風，希望效法籃球比賽、通過設置工資上限令競賽變得公平，由此可見，如果真係付之實行，一定有大量支高薪的好球員被放棄、流入市場。馬達就是馬達，如果摩帥一直唔用佢，季尾佢好可能以更低的價錢進入市場，點解唔等平貨呢？另一方面，佢係唔係真係適合曼聯的打法？攻擊中場，喺曼聯陣中已經有雲佩斯、朗尼、香川，再加多一個，點排陣好？打4312，馬達守在2R之後？如果莫帥要打呢個陣，一早就有機會俾香川打。打4411？咁2R點？
不過，呢個問題可以好簡單答完，依家朗尼、雲佩斯輪住傷，根本一位2R成員都無得上陣，有必要買入馬達整合攻擊力。有佢幫手，點都好過依家無將可用。加上，依家曼聯陣中死氣沉沉，如果有一尾「活魚」進入，有機會可以激發大家嘅精神，打返生其他球員。
問完一輪，睇嚟最應該問嘅，係幾時公布？有好過無的情況下，馬達，你都係快快脆入隊，睇下有咩化學反應仲好啦！