中場核心「馬達」到貨！
千呼萬喚始出來，馬達終於成魔！繼兩年前雲佩斯以「槍王」姿態降臨奧脫福，喺摩帥手下不得志嘅馬達依家以「救世主」的姿態降臨，究竟對曼聯會唔會起到關鍵作用呢？
如果計哂入波加助攻，馬達在兩年前車路士雙冠王的賽季入面係隊中靈魂，共貢獻12個入波、20次助攻。其後是托利斯嘅11入波16助攻，同16入波10助攻嘅林伯。而當季佢一定有資格攞長期服務金，因為一季已經上陣54場，對一名攻擊中場而言相當勤力。要知道當季只有門將施治出場56次多過馬達，而只計上陣時間，馬達亦是隊內三位上陣超過4000分鐘的球員之一，僅次於施治和艾殊利高爾。而佢嘅打法亦非常斯文，54場比賽僅有2張黃牌，是當季車仔球員入面第16位。
上季呢？佢上陣聯賽35場、歐聯6場、足總盃6場、聯賽盃5場、世冠盃2場、、社區盾1場…計計埋埋64場比賽，馬達有19個入波和35次助攻，可以攞埋飛躍進步獎添。而上陣場數，馬達與奧斯卡、托利斯並列成為隊內出場次數最多的球員，而具體上陣時間，馬達亦只僅次於施治、伊雲洛域及大衛路爾斯，甚至連拉美利斯呢位鐵人，上陣次數同時間都無馬達咁多。不過筆者認為，最令莫耶斯喜歡嘅係馬達嘅「fair play」，就連黃牌都唔攞嘅馬達，比起插水成癮嘅贊奴沙、楊格，呢種乖乖哋做自己事、踢自己style嘅性格，係莫耶斯呢種君子領隊(另一面當然就係死死板板) 所喜歡嘅。
佢嚟到曼聯，馬達就算入波唔多都無咩所謂，因為莫帥係俾佢嘅創造力所吸引，自馬達轉會英超至今，只有曼城的大衛施華可以在助攻數上與馬達一時瑜亮，而創造機會方面，施華81場波創造259次機會，馬達就有82場227次嘅紀錄，與英超其他球員比較之下非常突出。
然而數據還數據，大家心聲筆者都在社交網站的留言中睇到，好多都認為家下俾c朗美斯加盟，曼聯都唔會有運行，因為有莫耶斯領軍…要講「數臭」莫耶斯戰術，筆者自問都數過唔少，亦都真係唔覺得後衛出身嘅莫帥可以對進攻有幾認識，不過講返轉頭，上陣比賽嘅始終都係一班球員，戰術係死嘅，人係生嘅，落到場，有馬達、朗尼、雲佩斯、香川一班極富創造力嘅球員，最後可以打出一個新天地都有可能架！所以，Mata, welcome to Old Trafford！
馬達到達卡寧頓訓練場時情況：
http://www.youtube.com/watch?v=y6LuIbnHalU
如果計哂入波加助攻，馬達在兩年前車路士雙冠王的賽季入面係隊中靈魂，共貢獻12個入波、20次助攻。其後是托利斯嘅11入波16助攻，同16入波10助攻嘅林伯。而當季佢一定有資格攞長期服務金，因為一季已經上陣54場，對一名攻擊中場而言相當勤力。要知道當季只有門將施治出場56次多過馬達，而只計上陣時間，馬達亦是隊內三位上陣超過4000分鐘的球員之一，僅次於施治和艾殊利高爾。而佢嘅打法亦非常斯文，54場比賽僅有2張黃牌，是當季車仔球員入面第16位。
上季呢？佢上陣聯賽35場、歐聯6場、足總盃6場、聯賽盃5場、世冠盃2場、、社區盾1場…計計埋埋64場比賽，馬達有19個入波和35次助攻，可以攞埋飛躍進步獎添。而上陣場數，馬達與奧斯卡、托利斯並列成為隊內出場次數最多的球員，而具體上陣時間，馬達亦只僅次於施治、伊雲洛域及大衛路爾斯，甚至連拉美利斯呢位鐵人，上陣次數同時間都無馬達咁多。不過筆者認為，最令莫耶斯喜歡嘅係馬達嘅「fair play」，就連黃牌都唔攞嘅馬達，比起插水成癮嘅贊奴沙、楊格，呢種乖乖哋做自己事、踢自己style嘅性格，係莫耶斯呢種君子領隊(另一面當然就係死死板板) 所喜歡嘅。
佢嚟到曼聯，馬達就算入波唔多都無咩所謂，因為莫帥係俾佢嘅創造力所吸引，自馬達轉會英超至今，只有曼城的大衛施華可以在助攻數上與馬達一時瑜亮，而創造機會方面，施華81場波創造259次機會，馬達就有82場227次嘅紀錄，與英超其他球員比較之下非常突出。
然而數據還數據，大家心聲筆者都在社交網站的留言中睇到，好多都認為家下俾c朗美斯加盟，曼聯都唔會有運行，因為有莫耶斯領軍…要講「數臭」莫耶斯戰術，筆者自問都數過唔少，亦都真係唔覺得後衛出身嘅莫帥可以對進攻有幾認識，不過講返轉頭，上陣比賽嘅始終都係一班球員，戰術係死嘅，人係生嘅，落到場，有馬達、朗尼、雲佩斯、香川一班極富創造力嘅球員，最後可以打出一個新天地都有可能架！所以，Mata, welcome to Old Trafford！
馬達到達卡寧頓訓練場時情況：
http://www.youtube.com/watch?v=y6LuIbnHalU