曼聯專區小評：觀卡迪夫城一役的三大重點
對曼聯而言，昨晚比賽的表現可能係預視咗今季嘅一個重要轉捩點：有咗馬達同復出嘅朗尼、雲佩斯，好似為未來打開咗一線曙光。你話要後上奪冠，可能已經係痴人說夢，不過要保住歐聯的位置尚有機會一拚。而呢場比賽就有三個重要嘅焦點好應該攞出嚟睇睇。
第一就係曼聯今季的走勢，仍然唔可以依賴戰術同整體，好大程度上要依賴球員嘅質素，亦即係紅魔新三叉戟嘅世界級能力：朗尼，雲佩斯，馬達。好簡單，回溯一星期之前，曼聯對新特蘭的比賽，鋒線上係由韋碧克、小豆組成，你唔可以話呢個組合唔好，不過頂多都只可以稱得上係二線球隊的最強陣容。一星期後，曼聯的鋒線組合就變成朗尼、雲佩斯，馬達。單係俾到對手嘅壓力已經截然不同。
喺呢幾位神級攻擊球員在陣的情況下，唔單止雲師兄攻入上年11月至今的第一球，更加放生咗楊格、華倫西亞等人，楊格一球、華倫西亞中柱，如果鋒線仍然得小豆、韋碧克，對手根本就有足夠人手可以封殺兩翼，邊到楊格、華倫西亞去放、去爆。
然而，仍然令人擔心嘅係後防問題，佐頓梅治曾經有一個機會力爆入曼聯中場核心位置如入無人之境，而其他的反擊其實亦打亂曼聯唔少陣腳，確係非常令人擔憂。不過好消息係，攻力有咗保證，防守問題可以再搞…(前題係，三叉戟最少要有兩個在陣，唔好再操死佢哋喇，ok？)
第二個重點，係馬達於曼聯嘅位置。無計，用咁多錢買支強心針返來，大家都好期待佢有咩貢獻。第一仗大家唔可以挑剔太多，始終人地都未熟，不過佢已經交出一個助攻俾楊格，睇嚟要夾一眾隊友唔係太難。
更重要嘅係，今場馬達嚴格嚟講唔係打緊攻擊中場，而係再墜後少少，同朗尼做開嘅工作非常相似。如果要俾個名佢，筆者會叫佢playmaker (組織型中場球員)。當大家諗緊佢會打左右翼定攻擊中場時，馬達俾咗個小小驚喜大家，佢嘅打法近似中場中！作為攻勢嘅原點，在半場搶截對手控球權、接應防守球員的傳波再派牌，馬達好似一落場已經明白曼聯欠缺啲咩，盡自己力量去補返呢個位置。所以，就算曼聯一月份買唔到中場，都有一位有創造力嘅馬達頂住先。而更重要嘅係，大家睇卡華利、畢特拿去主罰自由球呢個令人心有餘悸嘅場面已經不復再，因為我哋有馬達！
第三，我哋唔講曼聯，不過亦係講曼聯噃！講嘅係蘇斯克查！佢返到奧脫福可以話係一件非常大事，一方面主場球迷唱佢仲唱得多過馬達，可以在倒戈曼聯時得到咁溫暖嘅歡迎，當世除c朗之外就要數蘇斯克查喇(迷之聲：咁…碧咸呢？)。另一方面，佢嘅命運其實同曼聯都有啲似，上任之後蘇B嘅聯賽成績其實可以話係慘不忍睹，三場聯賽全敗…所以佢都好需要一啲新面孔去幫助球隊，就好似馬達助曼聯的情況一樣。如果下一場波，有法比奧、沙夏兩大曼聯戰將幫佢，希望可以有起色啦！呢到以一句當地消息作結：比賽完咗之後，拉菲爾去到搵蘇斯克查，同佢講：「大佬，幫我睇住我大佬…」真係聽完都眼濕濕…(資料提供：Everything of Manchester United，呢個facebook page係專區嘅友好團體，大家去支持下啦！)
第一就係曼聯今季的走勢，仍然唔可以依賴戰術同整體，好大程度上要依賴球員嘅質素，亦即係紅魔新三叉戟嘅世界級能力：朗尼，雲佩斯，馬達。好簡單，回溯一星期之前，曼聯對新特蘭的比賽，鋒線上係由韋碧克、小豆組成，你唔可以話呢個組合唔好，不過頂多都只可以稱得上係二線球隊的最強陣容。一星期後，曼聯的鋒線組合就變成朗尼、雲佩斯，馬達。單係俾到對手嘅壓力已經截然不同。
喺呢幾位神級攻擊球員在陣的情況下，唔單止雲師兄攻入上年11月至今的第一球，更加放生咗楊格、華倫西亞等人，楊格一球、華倫西亞中柱，如果鋒線仍然得小豆、韋碧克，對手根本就有足夠人手可以封殺兩翼，邊到楊格、華倫西亞去放、去爆。
然而，仍然令人擔心嘅係後防問題，佐頓梅治曾經有一個機會力爆入曼聯中場核心位置如入無人之境，而其他的反擊其實亦打亂曼聯唔少陣腳，確係非常令人擔憂。不過好消息係，攻力有咗保證，防守問題可以再搞…(前題係，三叉戟最少要有兩個在陣，唔好再操死佢哋喇，ok？)
第二個重點，係馬達於曼聯嘅位置。無計，用咁多錢買支強心針返來，大家都好期待佢有咩貢獻。第一仗大家唔可以挑剔太多，始終人地都未熟，不過佢已經交出一個助攻俾楊格，睇嚟要夾一眾隊友唔係太難。
更重要嘅係，今場馬達嚴格嚟講唔係打緊攻擊中場，而係再墜後少少，同朗尼做開嘅工作非常相似。如果要俾個名佢，筆者會叫佢playmaker (組織型中場球員)。當大家諗緊佢會打左右翼定攻擊中場時，馬達俾咗個小小驚喜大家，佢嘅打法近似中場中！作為攻勢嘅原點，在半場搶截對手控球權、接應防守球員的傳波再派牌，馬達好似一落場已經明白曼聯欠缺啲咩，盡自己力量去補返呢個位置。所以，就算曼聯一月份買唔到中場，都有一位有創造力嘅馬達頂住先。而更重要嘅係，大家睇卡華利、畢特拿去主罰自由球呢個令人心有餘悸嘅場面已經不復再，因為我哋有馬達！
第三，我哋唔講曼聯，不過亦係講曼聯噃！講嘅係蘇斯克查！佢返到奧脫福可以話係一件非常大事，一方面主場球迷唱佢仲唱得多過馬達，可以在倒戈曼聯時得到咁溫暖嘅歡迎，當世除c朗之外就要數蘇斯克查喇(迷之聲：咁…碧咸呢？)。另一方面，佢嘅命運其實同曼聯都有啲似，上任之後蘇B嘅聯賽成績其實可以話係慘不忍睹，三場聯賽全敗…所以佢都好需要一啲新面孔去幫助球隊，就好似馬達助曼聯的情況一樣。如果下一場波，有法比奧、沙夏兩大曼聯戰將幫佢，希望可以有起色啦！呢到以一句當地消息作結：比賽完咗之後，拉菲爾去到搵蘇斯克查，同佢講：「大佬，幫我睇住我大佬…」真係聽完都眼濕濕…(資料提供：Everything of Manchester United，呢個facebook page係專區嘅友好團體，大家去支持下啦！)