曼聯專區小評：大腳的曼聯等如無信心
筆者都灰咗幾日，今日終於有啲心機蒲返上水面。無辦法，自從又輸波之後，筆者同莫耶斯一樣，都真係唔知點先可以贏波…世界級球員？有！新援？有！左右翼？有！持續勝利？唔好意思，無！
輸俾史篤城之後佢話：「我認為球隊表現好好。」不過呢句之後，佢仍然表現出對自己嘅球員唔信任：一方面不斷同大家講，新球陸續會到，即係有好多新人要買；一方面又話，自己會將好多人送走，即係有好多舊人會賣。打造新的一隊曼聯唔係唔好，不過有新人而無有效戰術，可能會同馬達的下場一樣…即係點？佢又係無得打攻中，香川被趕去左面，馬達都係被趕去右面，然後都係去邊線出波，完。對住史篤城，33腳斬中，只得5腳成功，咁就睇得出莫耶斯仲係眾人皆醒佢獨醉。
反之，阿仙奴對水晶宮的比賽就係完全相反的故仔。上半場阿仙奴都係用長傳急攻，不過只有4腳埋門。入更衣室之後，雲加一定係講咗啲嘢，出返嘢成隊就棄用斬波、改成短傳入楔嘅打法。47分、73分鐘，張伯倫梅開二度奠勝，第一個入波係大斜線長傳、另一個入波係打one two，都係戰術的變動成就勝利。
當然，唔可以只怪莫帥，因為佢唔可能句句都叫班球大腳大腳再大腳。睇開曼聯的比賽大家都應該發現，只有球隊喺心急如焚之時先會下下大腳斬中，而偏偏呢腳嘅效用往往都麻麻哋。今時今日的曼聯下下大腳，係信心跌入谷底的表現。而要改善，其實一位好似史高斯咁會企喺中場做短傳、控制節奏的球員非常重要。即使打少一個前鋒，都要放一個咁嘅人喺中場，門前一腳有雲佩斯就ok無問題。不過好不幸，中場係就係有一位球員做緊呢個工作，不過佢係卡華利。呢個時候睇睇相先：上面全部都係卡華利對史篤城時的交波路線，藍色箭咀代表成功的交波，紅色代表失敗。36腳有31腳都成功，數字好就好睇，不過睇真啲，全部向前交嘅波都係失敗告終，成功交到嘅唔係向後交就係橫傳…中前場斷哂纜，你真係唔怪得左右翼只係識大腳，因為根本無人做駁腳幫佢哋cut入中路…
結論係，不如放馬達去中場中代替卡華利，可能仲有一線生機…同埋，口都臭喇，都係同一句：唔好再大腳喇…
輸俾史篤城之後佢話：「我認為球隊表現好好。」不過呢句之後，佢仍然表現出對自己嘅球員唔信任：一方面不斷同大家講，新球陸續會到，即係有好多新人要買；一方面又話，自己會將好多人送走，即係有好多舊人會賣。打造新的一隊曼聯唔係唔好，不過有新人而無有效戰術，可能會同馬達的下場一樣…即係點？佢又係無得打攻中，香川被趕去左面，馬達都係被趕去右面，然後都係去邊線出波，完。對住史篤城，33腳斬中，只得5腳成功，咁就睇得出莫耶斯仲係眾人皆醒佢獨醉。
反之，阿仙奴對水晶宮的比賽就係完全相反的故仔。上半場阿仙奴都係用長傳急攻，不過只有4腳埋門。入更衣室之後，雲加一定係講咗啲嘢，出返嘢成隊就棄用斬波、改成短傳入楔嘅打法。47分、73分鐘，張伯倫梅開二度奠勝，第一個入波係大斜線長傳、另一個入波係打one two，都係戰術的變動成就勝利。
當然，唔可以只怪莫帥，因為佢唔可能句句都叫班球大腳大腳再大腳。睇開曼聯的比賽大家都應該發現，只有球隊喺心急如焚之時先會下下大腳斬中，而偏偏呢腳嘅效用往往都麻麻哋。今時今日的曼聯下下大腳，係信心跌入谷底的表現。而要改善，其實一位好似史高斯咁會企喺中場做短傳、控制節奏的球員非常重要。即使打少一個前鋒，都要放一個咁嘅人喺中場，門前一腳有雲佩斯就ok無問題。不過好不幸，中場係就係有一位球員做緊呢個工作，不過佢係卡華利。呢個時候睇睇相先：上面全部都係卡華利對史篤城時的交波路線，藍色箭咀代表成功的交波，紅色代表失敗。36腳有31腳都成功，數字好就好睇，不過睇真啲，全部向前交嘅波都係失敗告終，成功交到嘅唔係向後交就係橫傳…中前場斷哂纜，你真係唔怪得左右翼只係識大腳，因為根本無人做駁腳幫佢哋cut入中路…
結論係，不如放馬達去中場中代替卡華利，可能仲有一線生機…同埋，口都臭喇，都係同一句：唔好再大腳喇…