曼聯專區小評：上菜喇！曼聯八十一斬！
昨晚看曼聯的比賽，筆者在結束時講過，一眾紅魔就好似莫耶斯咁，好努力、好搏命，但係能力唔係好夠、方向唔係好清...呢個講法，睇嚟要改一改最後一句，搏命係好搏命，非常搏命，全場31次射門9次中龍、控球率高達75.4%、傳球成功率高達92.1%，基本上比賽的戰場只有富咸的半場。全力、密集的壓逼係好，係搏命，不過方向其實都好清楚：斬斬斬斬斬斬，斬大舊叉燒…
爵爺表示：場波好悶
今仗曼聯的進攻除了斬中，就是斬中，全場的斬波數字竟然達81次，平均一分鐘左右就有一次！第一位係一開波已經沒頭沒腦大腳斬、斬到腳軟的楊格，共有15次斬波。令人驚訝嘅係第二位竟然係朗尼，有14次，身為前鋒有呢個數字真係令人費解。而腳法純熟的馬達、贊奴沙都有超過十次斬中，再加埋拉菲爾的十幾腳，都已有成60幾腳斬中波，真係睇到眼都突…
斬呀~~~
斬死你！
唔好驚訝，因為更驚的仲喺後面。81次的傳中波，係刷新咗近4年來歐洲頂級聯賽單場比賽傳中數量的紀錄(無錯，又破紀錄喇)。不過成場波計落，傳中的成功率只有可憐嘅17.4%。簡單踢法令對手非常高興，賽後富咸主帥，亦係曼聯的前助教梅倫史甸(即係被清洗的前朝元老之一) 就表示：「我相信曼聯球員們好忠實咁執行領隊賦予嘅戰術，唔難睇，睇佢哋傳波同射門，就知道個個攻門都幾乎完全一樣，係同一個模式嘅產物。大家都睇得出呢個係佢哋今仗所採取的戰術，只係純粹將波踢入禁區，防守變得好容易。」佢仲告誡球員們，一定要保持禁區有8個人以上，咁就可以搶哂傳中嘅落點。
好易擋啫，唔駛驚！
斬得好！
所以，呢場波…唔係，係莫耶斯上台之後，我哋已經完全見唔到有one two打過、見唔到有小組入楔，只係睇到斬斬斬，紅魔八十斬。莫耶斯呢個攻擊戰術，反映出佢一係就適合去賣燒味，一係就適合教史篤城。無他，史篤城都仲有個高治頂得下，曼聯陣中惟一可以勝任的前鋒可能只有維迪。所以，筆者建議，如果唔換戰術，下季我哋要買入幾位球員先可以救到曼聯。買邊個？2.06米的杜蘭特，擅長雷霆轟炸，佢跳起攻門對曼聯應該有用，可以一試。1.98米的高比拜仁都ok，不過佢喜歡巴塞多啲，紅魔可以簽到的機會不大。最理想的，請出名宿米高佐敦，亦可以媲美當年史高斯復出時一般轟動。
爵爺表示：場波好悶
今仗曼聯的進攻除了斬中，就是斬中，全場的斬波數字竟然達81次，平均一分鐘左右就有一次！第一位係一開波已經沒頭沒腦大腳斬、斬到腳軟的楊格，共有15次斬波。令人驚訝嘅係第二位竟然係朗尼，有14次，身為前鋒有呢個數字真係令人費解。而腳法純熟的馬達、贊奴沙都有超過十次斬中，再加埋拉菲爾的十幾腳，都已有成60幾腳斬中波，真係睇到眼都突…
斬呀~~~
斬死你！
唔好驚訝，因為更驚的仲喺後面。81次的傳中波，係刷新咗近4年來歐洲頂級聯賽單場比賽傳中數量的紀錄(無錯，又破紀錄喇)。不過成場波計落，傳中的成功率只有可憐嘅17.4%。簡單踢法令對手非常高興，賽後富咸主帥，亦係曼聯的前助教梅倫史甸(即係被清洗的前朝元老之一) 就表示：「我相信曼聯球員們好忠實咁執行領隊賦予嘅戰術，唔難睇，睇佢哋傳波同射門，就知道個個攻門都幾乎完全一樣，係同一個模式嘅產物。大家都睇得出呢個係佢哋今仗所採取的戰術，只係純粹將波踢入禁區，防守變得好容易。」佢仲告誡球員們，一定要保持禁區有8個人以上，咁就可以搶哂傳中嘅落點。
好易擋啫，唔駛驚！
斬得好！
所以，呢場波…唔係，係莫耶斯上台之後，我哋已經完全見唔到有one two打過、見唔到有小組入楔，只係睇到斬斬斬，紅魔八十斬。莫耶斯呢個攻擊戰術，反映出佢一係就適合去賣燒味，一係就適合教史篤城。無他，史篤城都仲有個高治頂得下，曼聯陣中惟一可以勝任的前鋒可能只有維迪。所以，筆者建議，如果唔換戰術，下季我哋要買入幾位球員先可以救到曼聯。買邊個？2.06米的杜蘭特，擅長雷霆轟炸，佢跳起攻門對曼聯應該有用，可以一試。1.98米的高比拜仁都ok，不過佢喜歡巴塞多啲，紅魔可以簽到的機會不大。最理想的，請出名宿米高佐敦，亦可以媲美當年史高斯復出時一般轟動。