曼聯專區小評：紅魔能否絕處破「兵」？
哀兵有時真係會輸多兩錢重，曼聯輸完俾史篤城之後，又要面對反勝失敗、臨天光被追和、兩仗不勝。如果呢個係哀兵，睇嚟今晚對阿仙奴就更加會輸。不過，哀兵其實唔止曼聯，阿仙奴陣中一樣風聲鶴唳，和完修咸頓之後雖然贏返水晶宮，不過又再次被紅軍擊沉，五比一絕對足以摧毀成隊的意志同信心。所以講到哀兵，雙方真係不相伯仲。要贏，咁曼聯仲有無牌喺手？
首先，阿仙奴的意志其實非常薄弱。經歷了近10年無冠的日子，對呢隊冠軍人馬而言其實幾難接受，隊員的患得患失其實非同一般。他們要贏波的壓力唔會少過曼聯，因為有機會重奪冠軍的興奮令佢哋太緊張了。同之前曼城同車路士唔同，曼城係一直都無攞過冠軍達50年，球員會當冠軍係bonus咁打，心態上輕鬆好多。而車仔，呢幾年一時奪冠一時失機，都證明佢哋係爭標份子。所以，都唔會好似阿仙奴咁，對攞冠軍呢件事咁有發夢嘅感覺。所以越係擔心keep唔到，就越會真係keep唔到…而最致命可以話係阿仙奴陣中有奪得英超經驗的人少次又少，無人可以鎮住一班震哂嘅後生槍手。所以，阿仙奴表現失準絕對唔係無機會的事。
而曼聯本身都有啲啲優勢，就係新隊員馬達都算係平穩融入球隊當中。當然要佢做燒味師傅、斬斬斬斬斬係慘啲，不過佢咁都可以三場有三個助攻，就證明佢同一眾舊將其實有得夾。尤其係佢同雲佩斯的配合，絕對係火花可期，對富咸、對史篤城，佢都有送過靚波俾雲佩斯去攻門，對於供應已經被凍結好一段時間嘅雲師兄而言絕對是佳音。當然，前題係朗尼打返前之後硬係唔肯俾波雲佩斯的情況下，有人統計過上場波朗尼只係交過兩次波雲師兄…朗尼的問題尚且不提，家下有馬達可以在右路提供比華倫西亞同楊格有較佳質素的攻擊模式，佢斬斬斬，斬到腳軟想爆下，都隨時可以威脅到梅迪薩卡等人，絕對係攻擊上嘅佳音。
而另一個焦點，就係朗尼身為「拆廠人」的數據非常可觀。整個球員生涯入面，朗尼共攻入阿仙奴的大門10次，係佢嘅第三大搵入波球隊，只有對富咸、維拉入波入得更多。其中仲不乏經典場面，例如佢16歲時攻破施文十指關的成名作、2004年時打破阿仙奴49場不敗金身，都係朗尼的手筆。誠如佢自己講：「(阿仙奴球員)佢哋見到我都會感到唔舒服。」
只睇呢啲論點當然會開心啲啲啦，不過都要蓋得過其他弱點先得，好似曼聯後防猶如豆腐花一樣 (無錯，係比豆腐渣更疲弱嘅豆腐花)、雙卡的傳波方向只有180度等等，要呢啲弱點無咁明顯嘅時候，紅魔先可能有機會偷到雞…
首先，阿仙奴的意志其實非常薄弱。經歷了近10年無冠的日子，對呢隊冠軍人馬而言其實幾難接受，隊員的患得患失其實非同一般。他們要贏波的壓力唔會少過曼聯，因為有機會重奪冠軍的興奮令佢哋太緊張了。同之前曼城同車路士唔同，曼城係一直都無攞過冠軍達50年，球員會當冠軍係bonus咁打，心態上輕鬆好多。而車仔，呢幾年一時奪冠一時失機，都證明佢哋係爭標份子。所以，都唔會好似阿仙奴咁，對攞冠軍呢件事咁有發夢嘅感覺。所以越係擔心keep唔到，就越會真係keep唔到…而最致命可以話係阿仙奴陣中有奪得英超經驗的人少次又少，無人可以鎮住一班震哂嘅後生槍手。所以，阿仙奴表現失準絕對唔係無機會的事。
而曼聯本身都有啲啲優勢，就係新隊員馬達都算係平穩融入球隊當中。當然要佢做燒味師傅、斬斬斬斬斬係慘啲，不過佢咁都可以三場有三個助攻，就證明佢同一眾舊將其實有得夾。尤其係佢同雲佩斯的配合，絕對係火花可期，對富咸、對史篤城，佢都有送過靚波俾雲佩斯去攻門，對於供應已經被凍結好一段時間嘅雲師兄而言絕對是佳音。當然，前題係朗尼打返前之後硬係唔肯俾波雲佩斯的情況下，有人統計過上場波朗尼只係交過兩次波雲師兄…朗尼的問題尚且不提，家下有馬達可以在右路提供比華倫西亞同楊格有較佳質素的攻擊模式，佢斬斬斬，斬到腳軟想爆下，都隨時可以威脅到梅迪薩卡等人，絕對係攻擊上嘅佳音。
而另一個焦點，就係朗尼身為「拆廠人」的數據非常可觀。整個球員生涯入面，朗尼共攻入阿仙奴的大門10次，係佢嘅第三大搵入波球隊，只有對富咸、維拉入波入得更多。其中仲不乏經典場面，例如佢16歲時攻破施文十指關的成名作、2004年時打破阿仙奴49場不敗金身，都係朗尼的手筆。誠如佢自己講：「(阿仙奴球員)佢哋見到我都會感到唔舒服。」
只睇呢啲論點當然會開心啲啲啦，不過都要蓋得過其他弱點先得，好似曼聯後防猶如豆腐花一樣 (無錯，係比豆腐渣更疲弱嘅豆腐花)、雙卡的傳波方向只有180度等等，要呢啲弱點無咁明顯嘅時候，紅魔先可能有機會偷到雞…